ଝାରସୁଗୁଡ଼ା ଜିଲ୍ଲାରେ ଏକ ଛେଳିକୁ ଧକ୍କା ଦେବା ଘଟଣାକୁ କେନ୍ଦ୍ର କରି ଜଣେ ବ୍ୟକ୍ତିଙ୍କୁ ମରଣାନ୍ତକ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଏହି ଘଟଣାରେ ରେଙ୍ଗାଲି ପୁଲିସ ଅଭିଯୁକ୍ତ ଜୀବର୍ଦ୍ଧନ ଓରଫ ଜନାର୍ଦନ ଭୋଇ (୪୫)ଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି। ଅଭିଯୁକ୍ତ ଜୀବର୍ଦ୍ଧନ ମଚିଦା ଗ୍ରାମର ବାସିନ୍ଦା ବୋଲି ପୁଲିସ ସୂଚନା ଦେଇଛି। ସୂଚନା ଅନୁଯାୟୀ, ଗତ ଜୁନ ୨୧, ୨୦୨୬ ତାରିଖ ସକାଳ ପ୍ରାୟ ସାଢ଼େ ୧୦ଟାରେ ରେଙ୍ଗାଲି ଥାନା ଅନ୍ତର୍ଗତ ବିଜାପାଲି ମାରେପଡ଼ା ଛକ ନିକଟରେ ଏହି ଘଟଣା ଘଟିଥିଲା। ଅଭିଯୁକ୍ତ ଜୀବର୍ଦ୍ଧନ ଏକ ମୋଟରସାଇକେଲରେ ଯାଉଥିବା ସମୟରେ ସ୍ଥାନୀୟ ବାସିନ୍ଦା ବୋଧରାମ ବେସନ (୬୦)ଙ୍କ ଛେଳିକୁ ଧକ୍କା ଦେଇଥିଲେ। ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଉତ୍ୟକ୍ତ ହୋଇ ଜୀବର୍ଦ୍ଧନ ଏକ ଟାଙ୍ଗିଆ ଓ ବାଡ଼ି ସାହାଯ୍ୟରେ ବୋଧରାମଙ୍କୁ ମରଣାନ୍ତକ ଆକ୍ରମଣ କରିଥିଲେ। ଫଳରେ ବୋଧରାମଙ୍କ ମୁଣ୍ଡ, ଡାହାଣ ହାତ ଏବଂ ବାମ ଗୋଡ଼ରେ ଗଭୀର ଆଘାତ ଲାଗି ସେ ଗୁରୁତର ଆହତ ହୋଇଥିଲେ। ତାଙ୍କୁ ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଇଛି। ଖବର ପାଇ ରେଙ୍ଗାଲି ପୁଲିସ ଘଟଣାସ୍ଥଳ ପରିଦର୍ଶନ କରି ପ୍ରମାଣ ସଂଗ୍ରହ କରିଥିଲା। ଅଭିଯୁକ୍ତ ଜୀବର୍ଦ୍ଧନ କନିକା ଛକ ନିକଟରେ ଖସିଯିବାକୁ ଚେଷ୍ଟା କରୁଥିବା ବେଳେ ପୁଲିସ ତାଙ୍କୁ ଗିରଫ କରିଥିଲା। ରେଙ୍ଗାଲି ଥାନାରେ ପୁଲିସ କେସ୍ ନମ୍ବର ୧୭୫/୨୬ ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରିଛି ଏବଂ ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି। ପୁଲିସ ଘଟଣାରେ ବ୍ୟବହୃତ ଏକ ମୋଟରସାଇକେଲ, ଗୋଟିଏ ମୋବାଇଲ ଫୋନ୍, ଏକ ଟାଙ୍ଗିଆ ଏବଂ ଏକ ବାଉଁଶ ବାଡ଼ି ଜବତ କରିଛି।

Saroj Kumar Mirdha

Local News Reporter ଲଖନପୁର, ଝାରସୁଗୁଡ଼ା, ଓଡ଼ିଶା•

1 hr ago

ଝାରସୁଗୁଡ଼ା ଜିଲ୍ଲାରେ ଏକ ଛେଳିକୁ ଧକ୍କା ଦେବା ଘଟଣାକୁ କେନ୍ଦ୍ର କରି ଜଣେ ବ୍ୟକ୍ତିଙ୍କୁ ମରଣାନ୍ତକ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଏହି ଘଟଣାରେ ରେଙ୍ଗାଲି ପୁଲିସ ଅଭିଯୁକ୍ତ ଜୀବର୍ଦ୍ଧନ ଓରଫ ଜନାର୍ଦନ ଭୋଇ (୪୫)ଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି। ଅଭିଯୁକ୍ତ ଜୀବର୍ଦ୍ଧନ ମଚିଦା ଗ୍ରାମର ବାସିନ୍ଦା ବୋଲି ପୁଲିସ ସୂଚନା ଦେଇଛି। ସୂଚନା ଅନୁଯାୟୀ, ଗତ ଜୁନ ୨୧, ୨୦୨୬ ତାରିଖ ସକାଳ ପ୍ରାୟ ସାଢ଼େ ୧୦ଟାରେ ରେଙ୍ଗାଲି ଥାନା ଅନ୍ତର୍ଗତ ବିଜାପାଲି ମାରେପଡ଼ା ଛକ ନିକଟରେ ଏହି ଘଟଣା ଘଟିଥିଲା। ଅଭିଯୁକ୍ତ ଜୀବର୍ଦ୍ଧନ ଏକ ମୋଟରସାଇକେଲରେ ଯାଉଥିବା ସମୟରେ ସ୍ଥାନୀୟ ବାସିନ୍ଦା ବୋଧରାମ ବେସନ (୬୦)ଙ୍କ ଛେଳିକୁ ଧକ୍କା ଦେଇଥିଲେ। ଏହି ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଉତ୍ୟକ୍ତ ହୋଇ ଜୀବର୍ଦ୍ଧନ ଏକ ଟାଙ୍ଗିଆ ଓ ବାଡ଼ି ସାହାଯ୍ୟରେ ବୋଧରାମଙ୍କୁ ମରଣାନ୍ତକ ଆକ୍ରମଣ କରିଥିଲେ। ଫଳରେ ବୋଧରାମଙ୍କ ମୁଣ୍ଡ, ଡାହାଣ ହାତ ଏବଂ ବାମ ଗୋଡ଼ରେ ଗଭୀର ଆଘାତ ଲାଗି ସେ ଗୁରୁତର ଆହତ ହୋଇଥିଲେ। ତାଙ୍କୁ ଲଖନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା କରାଯାଇଛି। ଖବର ପାଇ ରେଙ୍ଗାଲି ପୁଲିସ ଘଟଣାସ୍ଥଳ ପରିଦର୍ଶନ କରି ପ୍ରମାଣ ସଂଗ୍ରହ କରିଥିଲା। ଅଭିଯୁକ୍ତ ଜୀବର୍ଦ୍ଧନ କନିକା ଛକ ନିକଟରେ ଖସିଯିବାକୁ ଚେଷ୍ଟା କରୁଥିବା ବେଳେ ପୁଲିସ ତାଙ୍କୁ ଗିରଫ କରିଥିଲା। ରେଙ୍ଗାଲି ଥାନାରେ ପୁଲିସ କେସ୍ ନମ୍ବର ୧୭୫/୨୬ ରେ ଏକ ମାମଲା ରୁଜୁ କରି ଘଟଣାର ତଦନ୍ତ କରିଛି ଏବଂ ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି। ପୁଲିସ ଘଟଣାରେ ବ୍ୟବହୃତ ଏକ ମୋଟରସାଇକେଲ, ଗୋଟିଏ ମୋବାଇଲ ଫୋନ୍, ଏକ ଟାଙ୍ଗିଆ ଏବଂ ଏକ ବାଉଁଶ ବାଡ଼ି ଜବତ କରିଛି।