राज्यभरात गाजत असलेल्या बनावट शालार्थ आयडी प्रकरणात नाशिक आर्थिक गुन्हे शाखेच्या पथकाने धुळ्यातून संशयित प्रशांत वाडीले याला अटक केली आहे. नाशिक आर्थिक गुन्हे शाखेच्या आठ जणांच्या पथकाने धुळ्यातील वैभवनगर येथील घरातून वाडीलेला ताब्यात घेतले. या कारवाईदरम्यान पथकाने त्याच्या गोंदुर रोडवरील घराची झडती घेत त्याचा लॅपटॉप जप्त केला आहे. वाडीलेला धुळे न्यायालयासमोर हजर केल्यानंतर पुढील तपासासाठी नाशिक येथे नेण्यात आले आहे. संशयित प्रशांत वाडीले याची रिपाइं (आठवले) शिक्षक आघाडीच्या धुळे जिल्हाध्यक्षपदी नियुक्ती झाली होती. या बनावट शालार्थ आयडी घोटाळ्याप्रकरणी धुळे आणि जळगाव जिल्ह्यातील तब्बल ८९४ शिक्षकांवर आणि तीन उपसंचालकांवर गुन्हे दाखल असून, काही संस्थाचालकही गुन्हे शाखेच्या रडारवर आहेत. धुळ्यातील संशयित आरोपी प्रशांत वाडीले याच्याशी संबंधित ६५ शाळांपैकी ६३ शाळा प्रत्यक्षात अस्तित्वातच नसून, फक्त शिंदखेडा आणि साक्री येथील दोन शाळा सध्या सुरू आहेत. या संपूर्ण प्रकरणाची न्यायिक चौकशी करण्यात यावी, अशी मागणी तक्रारदार पंकज साळुंखे यांनी केली आहे.

Dadasaheb Gaikwad

Nashik, Maharashtra•

1 hr ago

राज्यभरात गाजत असलेल्या बनावट शालार्थ आयडी प्रकरणात नाशिक आर्थिक गुन्हे शाखेच्या पथकाने धुळ्यातून संशयित प्रशांत वाडीले याला अटक केली आहे. नाशिक आर्थिक गुन्हे शाखेच्या आठ जणांच्या पथकाने धुळ्यातील वैभवनगर येथील घरातून वाडीलेला ताब्यात घेतले. या कारवाईदरम्यान पथकाने त्याच्या गोंदुर रोडवरील घराची झडती घेत त्याचा लॅपटॉप जप्त केला आहे. वाडीलेला धुळे न्यायालयासमोर हजर केल्यानंतर पुढील तपासासाठी नाशिक येथे नेण्यात आले आहे. संशयित प्रशांत वाडीले याची रिपाइं (आठवले) शिक्षक आघाडीच्या धुळे जिल्हाध्यक्षपदी नियुक्ती झाली होती. या बनावट शालार्थ आयडी घोटाळ्याप्रकरणी धुळे आणि जळगाव जिल्ह्यातील तब्बल ८९४ शिक्षकांवर आणि तीन उपसंचालकांवर गुन्हे दाखल असून, काही संस्थाचालकही गुन्हे शाखेच्या रडारवर आहेत. धुळ्यातील संशयित आरोपी प्रशांत वाडीले याच्याशी संबंधित ६५ शाळांपैकी ६३ शाळा प्रत्यक्षात अस्तित्वातच नसून, फक्त शिंदखेडा आणि साक्री येथील दोन शाळा सध्या सुरू आहेत. या संपूर्ण प्रकरणाची न्यायिक चौकशी करण्यात यावी, अशी मागणी तक्रारदार पंकज साळुंखे यांनी केली आहे.