రైతులపై అధిక ధరల భారం, దురుసు ప్రవర్తన ఆరోపణలు అనంత పద్మనాభ ఫర్టిలైజర్ షాపుపై విచారణ జరిపి చర్యలు తీసుకోవాలని రైతుల డిమాండ్. వికారాబాద్ జిల్లా, ధారూర్ మండలం, మున్నూరు సోమారం: మున్నూరు సోమారం గ్రామంలోని అనంత పద్మనాభ ఫర్టిలైజర్ షాపులో రైతులు తీవ్ర ఇబ్బందులు ఎదుర్కొంటున్నారని పలువురు రైతులు ఆరోపించారు. DAP, యూరియా వంటి ఎరువుల కోసం ఆన్‌లైన్‌లో బుకింగ్ చేసుకున్నప్పటికీ, షాపు నిర్వాహకుల నుంచి సరైన స్పందన లభించడం లేదని వారు వాపోయారు. ఆన్‌లైన్‌లో DAP బుక్ చేసుకున్న అనంతరం షాపు నిర్వాహకులను సంప్రదించగా,ఎరువు లేదు, బుకింగ్ క్యాన్సిల్ చేసుకోండి అంటూ నిర్లక్ష్యంగా సమాధానం ఇస్తున్నారని యువ రైతు మెండు మహిపాల్ ఆరోపించారు. అంతేకాకుండా, ఆన్‌లైన్‌లో ఎందుకు బుక్ చేశారంటూ తమతో అసభ్యకరంగా, దురుసుగా మాట్లాడుతున్నారని, అనంతరం వ్యక్తిగత ఫోన్ నంబర్ల నుంచి కాల్స్ చేసి బెదిరింపులకు పాల్పడుతున్నారని కొందరు రైతులు ఆరోపించారు. ఇదిలా ఉండగా, DAP, యూరియా తదితర ఎరువులను ప్రభుత్వం నిర్ణయించిన MRP కంటే అధిక ధరలకు విక్రయిస్తున్నారనే ఆరోపణలు కూడా రైతుల నుంచి వినిపిస్తున్నాయి. దీనివల్ల ఇప్పటికే సాగు ఖర్చులతో ఇబ్బందులు పడుతున్న రైతులపై అదనపు ఆర్థిక భారం పడుతోందని వారు ఆవేదన వ్యక్తం చేశారు. రైతు పంట పండించేందుకు అప్పులు చేసి విత్తనాలు, ఎరువుల కోసం తిరుగుతున్నాడు. అలాంటి రైతు అవసరాన్ని ఆసరాగా చేసుకుని అధిక ధరలు వసూలు చేయడం, అవమానకరంగా మాట్లాడటం ఎంతవరకు న్యాయం? రైతును దోచుకుంటే చివరకు మిగిలేది ఏమిటో ఒక్కసారి ఆత్మవిమర్శ చేసుకోవాలి. రైతే రాజు అంటున్నాం.. కానీ క్షేత్రస్థాయిలో రైతే బలవుతున్న పరిస్థితి రావడం బాధాకరం. ఈ వ్యవహారంపై వ్యవసాయ శాఖ అధికారులు, సంబంధిత ఎరువుల నియంత్రణ అధికారులు, వికారాబాద్ జిల్లా కలెక్టర్ వెంటనే స్పందించాలని రైతులు కోరుతున్నారు. షాపులో ఎరువుల నిల్వలు, విక్రయ ధరలు, బిల్లులు, ఆన్‌లైన్ బుకింగ్‌ల వివరాలను పరిశీలించి వాస్తవాలను వెలుగులోకి తీసుకురావాలని విజ్ఞప్తి చేశారు. రైతుల ఆరోపణలు నిజమని విచారణలో తేలితే, MRP కంటే అధిక ధరలకు విక్రయించడం, రైతులను ఇబ్బందులకు గురిచేయడం వంటి అంశాలపై నిబంధనల ప్రకారం కఠిన చర్యలు తీసుకోవాలని రైతులు డిమాండ్ చేశారు. అధికారులు తక్షణమే స్పందించి గ్రామీణ ప్రాంతాల్లో ఎరువుల విక్రయాలపై తనిఖీలు నిర్వహించి, రైతులకు ఎలాంటి ఇబ్బందులు లేకుండా సరైన ధరలకు ఎరువులు అందేలా చర్యలు తీసుకోవాలని వారు కోరుతున్నారు.

ఏబ్బనూర్ అంజిలయ్య

Electrician Dharur, Vikarabad•

5 hrs ago

రైతులపై అధిక ధరల భారం, దురుసు ప్రవర్తన ఆరోపణలు అనంత పద్మనాభ ఫర్టిలైజర్ షాపుపై విచారణ జరిపి చర్యలు తీసుకోవాలని రైతుల డిమాండ్. వికారాబాద్ జిల్లా, ధారూర్ మండలం, మున్నూరు సోమారం: మున్నూరు సోమారం గ్రామంలోని అనంత పద్మనాభ ఫర్టిలైజర్ షాపులో రైతులు తీవ్ర ఇబ్బందులు ఎదుర్కొంటున్నారని పలువురు రైతులు ఆరోపించారు. DAP, యూరియా వంటి ఎరువుల కోసం ఆన్‌లైన్‌లో బుకింగ్ చేసుకున్నప్పటికీ, షాపు నిర్వాహకుల నుంచి సరైన స్పందన లభించడం లేదని వారు వాపోయారు. ఆన్‌లైన్‌లో DAP బుక్ చేసుకున్న అనంతరం షాపు నిర్వాహకులను సంప్రదించగా,ఎరువు లేదు, బుకింగ్ క్యాన్సిల్ చేసుకోండి అంటూ నిర్లక్ష్యంగా సమాధానం ఇస్తున్నారని యువ రైతు మెండు మహిపాల్ ఆరోపించారు. అంతేకాకుండా, ఆన్‌లైన్‌లో ఎందుకు బుక్ చేశారంటూ తమతో అసభ్యకరంగా, దురుసుగా మాట్లాడుతున్నారని, అనంతరం వ్యక్తిగత ఫోన్ నంబర్ల నుంచి కాల్స్ చేసి బెదిరింపులకు పాల్పడుతున్నారని కొందరు రైతులు ఆరోపించారు. ఇదిలా ఉండగా, DAP, యూరియా తదితర ఎరువులను ప్రభుత్వం నిర్ణయించిన MRP కంటే అధిక ధరలకు విక్రయిస్తున్నారనే ఆరోపణలు కూడా రైతుల నుంచి వినిపిస్తున్నాయి. దీనివల్ల ఇప్పటికే సాగు ఖర్చులతో ఇబ్బందులు పడుతున్న రైతులపై అదనపు ఆర్థిక భారం పడుతోందని వారు ఆవేదన వ్యక్తం చేశారు. రైతు పంట పండించేందుకు అప్పులు చేసి విత్తనాలు, ఎరువుల కోసం తిరుగుతున్నాడు. అలాంటి రైతు అవసరాన్ని ఆసరాగా చేసుకుని అధిక ధరలు వసూలు చేయడం, అవమానకరంగా మాట్లాడటం ఎంతవరకు న్యాయం? రైతును దోచుకుంటే చివరకు మిగిలేది ఏమిటో ఒక్కసారి ఆత్మవిమర్శ చేసుకోవాలి. రైతే రాజు అంటున్నాం.. కానీ క్షేత్రస్థాయిలో రైతే బలవుతున్న పరిస్థితి రావడం బాధాకరం. ఈ వ్యవహారంపై వ్యవసాయ శాఖ అధికారులు, సంబంధిత ఎరువుల నియంత్రణ అధికారులు, వికారాబాద్ జిల్లా కలెక్టర్ వెంటనే స్పందించాలని రైతులు కోరుతున్నారు. షాపులో ఎరువుల నిల్వలు, విక్రయ ధరలు, బిల్లులు, ఆన్‌లైన్ బుకింగ్‌ల వివరాలను పరిశీలించి వాస్తవాలను వెలుగులోకి తీసుకురావాలని విజ్ఞప్తి చేశారు. రైతుల ఆరోపణలు నిజమని విచారణలో తేలితే, MRP కంటే అధిక ధరలకు విక్రయించడం, రైతులను ఇబ్బందులకు గురిచేయడం వంటి అంశాలపై నిబంధనల ప్రకారం కఠిన చర్యలు తీసుకోవాలని రైతులు డిమాండ్ చేశారు. అధికారులు తక్షణమే స్పందించి గ్రామీణ ప్రాంతాల్లో ఎరువుల విక్రయాలపై తనిఖీలు నిర్వహించి, రైతులకు ఎలాంటి ఇబ్బందులు లేకుండా సరైన ధరలకు ఎరువులు అందేలా చర్యలు తీసుకోవాలని వారు కోరుతున్నారు.