ధర్మవరం పట్టణంలోని 40 వార్డులలోని పెన్షన్ దారులకు ఇంటి వద్దకే సచివాలయ ఉద్యోగులు పెన్షన్ పంపిణీ చేస్తారని మున్సిపల్ కమిషనర్ వెంకట రమణయ్య స్పష్టం చేశారు. ఈ సందర్భంగా ఆయన మాట్లాడుతూ, పెన్షన్ పంపిణీ చేసే అధికారులకు గానీ, సిబ్బందికి గానీ ఎటువంటి లంచం ఇవ్వరాదని, ఎవరైనా లంచం అడిగితే తమకు సమాచారం అందించాలని కోరారు. పట్టణంలోని వార్డులలో గుంపులుగా పెన్షన్లు తీసుకోవద్దని, అలా చేస్తే సంబంధిత పెన్షన్ అధికారిపై కఠిన చర్యలు తీసుకుంటామని ఆయన హెచ్చరించారు. తప్పనిసరిగా ఇంటి వద్దకే వెళ్లి పెన్షన్ పంపిణీ చేయాలని ఆదేశించారు. మొత్తం పట్టణంలో 17,744 మందికి రూ. 7 కోట్ల, 81 లక్షల, 32వేల ఐదు వందల రూపాయలను పంపిణీ చేస్తున్నట్లు ఆయన తెలిపారు. 290 మంది సచివాలయ ఉద్యోగులు జూన్ 1వ తేదీ, 2వ తేదీలలో మాత్రమే ఈ పెన్షన్లను పంపిణీ చేస్తారని పేర్కొన్నారు. కావున పెన్షన్ దారులు తమ ఇంటి వద్దనే ఉండి, పెన్షన్ తీసుకోవాలని సూచించారు. 12 రకాలైన పెన్షన్లలో వితంతువులు, ఒంటరి మహిళలు, దివ్యాంగులు, చేనేత కార్మికులు, కల్లుగీత కార్మికులు, అభయహస్తం లబ్ధిదారులు, వివిధ కళాకారులు, డయాలసిస్ రోగులు, సైనిక్ సైన్యం, మత్స్యకారులు తదితర వారికి ఈ పెన్షన్లను పంపిణీ చేయడం జరుగుతుందని వివరించారు. ఈ పంపిణీ కార్యక్రమాన్ని మున్సిపల్ కమిషనర్ వెంకటరమణయ్యతో పాటు స్వర్ణ వార్డు సచివాలయ ఉద్యోగుల మేనేజర్ అశ్వర్థ నారాయణ, టీపీఆర్ఓ పెనుబోలు విజయభాస్కర్ పర్యవేక్షిస్తారని తెలిపారు. పెన్షన్దారులు పంపిణీ విషయంలో సహకరించాలని కమిషనర్ విజ్ఞప్తి చేశారు.

Thiruveedhula Rameshnaidu

Farmer ధర్మవరం, శ్రీ సత్య సాయి, ఆంధ్రప్రదేశ్•

1 hr ago

ధర్మవరం పట్టణంలోని 40 వార్డులలోని పెన్షన్ దారులకు ఇంటి వద్దకే సచివాలయ ఉద్యోగులు పెన్షన్ పంపిణీ చేస్తారని మున్సిపల్ కమిషనర్ వెంకట రమణయ్య స్పష్టం చేశారు. ఈ సందర్భంగా ఆయన మాట్లాడుతూ, పెన్షన్ పంపిణీ చేసే అధికారులకు గానీ, సిబ్బందికి గానీ ఎటువంటి లంచం ఇవ్వరాదని, ఎవరైనా లంచం అడిగితే తమకు సమాచారం అందించాలని కోరారు. పట్టణంలోని వార్డులలో గుంపులుగా పెన్షన్లు తీసుకోవద్దని, అలా చేస్తే సంబంధిత పెన్షన్ అధికారిపై కఠిన చర్యలు తీసుకుంటామని ఆయన హెచ్చరించారు. తప్పనిసరిగా ఇంటి వద్దకే వెళ్లి పెన్షన్ పంపిణీ చేయాలని ఆదేశించారు. మొత్తం పట్టణంలో 17,744 మందికి రూ. 7 కోట్ల, 81 లక్షల, 32వేల ఐదు వందల రూపాయలను పంపిణీ చేస్తున్నట్లు ఆయన తెలిపారు. 290 మంది సచివాలయ ఉద్యోగులు జూన్ 1వ తేదీ, 2వ తేదీలలో మాత్రమే ఈ పెన్షన్లను పంపిణీ చేస్తారని పేర్కొన్నారు. కావున పెన్షన్ దారులు తమ ఇంటి వద్దనే ఉండి, పెన్షన్ తీసుకోవాలని సూచించారు. 12 రకాలైన పెన్షన్లలో వితంతువులు, ఒంటరి మహిళలు, దివ్యాంగులు, చేనేత కార్మికులు, కల్లుగీత కార్మికులు, అభయహస్తం లబ్ధిదారులు, వివిధ కళాకారులు, డయాలసిస్ రోగులు, సైనిక్ సైన్యం, మత్స్యకారులు తదితర వారికి ఈ పెన్షన్లను పంపిణీ చేయడం జరుగుతుందని వివరించారు. ఈ పంపిణీ కార్యక్రమాన్ని మున్సిపల్ కమిషనర్ వెంకటరమణయ్యతో పాటు స్వర్ణ వార్డు సచివాలయ ఉద్యోగుల మేనేజర్ అశ్వర్థ నారాయణ, టీపీఆర్ఓ పెనుబోలు విజయభాస్కర్ పర్యవేక్షిస్తారని తెలిపారు. పెన్షన్దారులు పంపిణీ విషయంలో సహకరించాలని కమిషనర్ విజ్ఞప్తి చేశారు.