मुखेड सहकारी खरेदी-विक्री संघाच्या निवडणुकीत अर्जांवर आक्षेप; बेटमोगरा गटाचा निर्णय राखीव मुखेड सहकारी खरेदी-विक्री संघाच्या निवडणुकीत अर्जांवर आक्षेप; बेटमोगरा गटाचा निर्णय राखीव मुखेड : मुखेड तालुका सहकारी खरेदी-विक्री संघाच्या संचालक मंडळाच्या निवडणुकीच्या अनुषंगाने गुरुवारी, दि. २७ ऑगस्ट २०२६ रोजी प्राप्त झालेल्या नामनिर्देशन पत्रांची छाननी करण्यात आली. सहकारी संस्थेच्या एकूण आठ गटांतून १६ उमेदवारांचे १९ अर्ज प्राप्त झाले होते. बेटमोगरा गटातील उमेदवार दस्तुरे भीमराव मारोती यांनी पाटील दत्ता रामचंद्र यांच्या अर्जावर आक्षेप नोंदविला. त्यांच्या कुटुंबातील सदस्य सहकारी संस्थेचे थकबाकीदार असल्याने त्यांचे नामनिर्देशन पत्र फेटाळण्यात यावे, अशी मागणी करण्यात आली आहे. याचप्रमाणे पाटील दत्ता रामचंद्र यांनी दस्तुरे भीमराव मारोती यांच्या दोन्ही अर्जांवर आक्षेप घेतला. अर्जावर स्वाक्षरी करणाऱ्या सूचकाने स्वाक्षरी केलेली नसल्याचे तसेच सूचक व अनुमोदक यांची नावे बेटमोगरा गटाच्या यादीत नसल्याचे त्यांनी नमूद केले आहे. त्यामुळे दोन्ही अर्ज फेटाळण्यात यावेत, अशी मागणी करण्यात आली. या आक्षेपांमुळे बेटमोगरा गटातील नामनिर्देशन पत्रांबाबतचा निर्णय राखून ठेवण्यात आला आहे. दरम्यान, वैयक्तिक मतदारसंघातून सहा उमेदवारांचे नऊ अर्ज प्राप्त झाले असून त्यांचीही छाननी करण्यात आली. महिला, अनुसूचित जाती-जमाती, विमुक्त जाती/भटक्या जमाती/विमाप्र तसेच इतर मागासवर्गीय राखीव मतदारसंघातील अर्जांची छाननी पूर्ण झाली आहे. छाननीअंती वैध नामनिर्देशन पत्रांची यादी शुक्रवार, दि. २८ ऑगस्ट २०२६ रोजी मंजूर निवडणूक कार्यक्रमानुसार प्रसिद्ध करण्यात येणार आहे. निवडणूक निर्णय अधिकारी म्हणून अनिल चव्हाण, सहाय्यक निवडणूक निर्णय अधिकारी रवींद्र तारू यांच्यासह होनराव व बेजगमवाड यांनी निवडणूक प्रक्रियेस सहकार्य केले.

Motipasha palekar

Photography studio मुखेड, नांदेड, महाराष्ट्र•

7 hrs ago

मुखेड सहकारी खरेदी-विक्री संघाच्या निवडणुकीत अर्जांवर आक्षेप; बेटमोगरा गटाचा निर्णय राखीव मुखेड सहकारी खरेदी-विक्री संघाच्या निवडणुकीत अर्जांवर आक्षेप; बेटमोगरा गटाचा निर्णय राखीव मुखेड : मुखेड तालुका सहकारी खरेदी-विक्री संघाच्या संचालक मंडळाच्या निवडणुकीच्या अनुषंगाने गुरुवारी, दि. २७ ऑगस्ट २०२६ रोजी प्राप्त झालेल्या नामनिर्देशन पत्रांची छाननी करण्यात आली. सहकारी संस्थेच्या एकूण आठ गटांतून १६ उमेदवारांचे १९ अर्ज प्राप्त झाले होते. बेटमोगरा गटातील उमेदवार दस्तुरे भीमराव मारोती यांनी पाटील दत्ता रामचंद्र यांच्या अर्जावर आक्षेप नोंदविला. त्यांच्या कुटुंबातील सदस्य सहकारी संस्थेचे थकबाकीदार असल्याने त्यांचे नामनिर्देशन पत्र फेटाळण्यात यावे, अशी मागणी करण्यात आली आहे. याचप्रमाणे पाटील दत्ता रामचंद्र यांनी दस्तुरे भीमराव मारोती यांच्या दोन्ही अर्जांवर आक्षेप घेतला. अर्जावर स्वाक्षरी करणाऱ्या सूचकाने स्वाक्षरी केलेली नसल्याचे तसेच सूचक व अनुमोदक यांची नावे बेटमोगरा गटाच्या यादीत नसल्याचे त्यांनी नमूद केले आहे. त्यामुळे दोन्ही अर्ज फेटाळण्यात यावेत, अशी मागणी करण्यात आली. या आक्षेपांमुळे बेटमोगरा गटातील नामनिर्देशन पत्रांबाबतचा निर्णय राखून ठेवण्यात आला आहे. दरम्यान, वैयक्तिक मतदारसंघातून सहा उमेदवारांचे नऊ अर्ज प्राप्त झाले असून त्यांचीही छाननी करण्यात आली. महिला, अनुसूचित जाती-जमाती, विमुक्त जाती/भटक्या जमाती/विमाप्र तसेच इतर मागासवर्गीय राखीव मतदारसंघातील अर्जांची छाननी पूर्ण झाली आहे. छाननीअंती वैध नामनिर्देशन पत्रांची यादी शुक्रवार, दि. २८ ऑगस्ट २०२६ रोजी मंजूर निवडणूक कार्यक्रमानुसार प्रसिद्ध करण्यात येणार आहे. निवडणूक निर्णय अधिकारी म्हणून अनिल चव्हाण, सहाय्यक निवडणूक निर्णय अधिकारी रवींद्र तारू यांच्यासह होनराव व बेजगमवाड यांनी निवडणूक प्रक्रियेस सहकार्य केले.