പാലക്കാട് സ്റ്റേഡിയം സ്റ്റാൻഡ് വാലിപ്പറമ്പ് റോഡിൽ പ്രവർത്തിച്ചിരുന്ന "ഗ്ലോബൽ പാത്ത് അസോസിയേഷൻ" എന്ന സ്ഥാപനത്തിന്റെ പേരിൽ സൗദി അറേബ്യയിലേക്ക് ജോലി വാഗ്ദാനം ചെയ്ത് നാൽപ്പതോളം യുവാക്കളിൽ നിന്ന് ലക്ഷങ്ങൾ തട്ടിയ പ്രതിയെ പാലക്കാട് ടൗൺ സൗത്ത് പോലീസ് എറണാകുളത്ത് നിന്ന് പിടികൂടി. പത്തനംതിട്ട കോന്നി താഴം വില്ലേജ് സ്വദേശിയായ എമിൽ എന്ന അലനാണ് പോലീസിന്റെ പിടിയിലായത്. ഉദ്യോഗാർത്ഥികളിൽ നിന്ന് 1,20,000 രൂപ വീതം വാങ്ങി ഏകദേശം 45 ലക്ഷത്തോളം രൂപയാണ് ഇയാൾ തട്ടിയെടുത്തത്. തട്ടിപ്പിന് ശേഷം ഒളിവിൽ കഴിയുകയായിരുന്ന ഇയാളെ പോലീസ് സംഘം പിടികൂടുകയായിരുന്നു. വിദേശത്ത് പ്രവർത്തിക്കുന്ന ഏതെങ്കിലും കമ്പനിയുടെ പേരിൽ വ്യാജ വിസകൾ നിർമ്മിച്ച് ഉദ്യോഗാർത്ഥികളുടെ വിശ്വാസം നേടിയെടുക്കുകയും, തുടർന്ന് വ്യാജ വിമാന ടിക്കറ്റുകൾ ഉണ്ടാക്കി നൽകി പറ്റിക്കുകയുമാണ് പ്രതിയുടെ രീതി. ഇൻസ്റ്റഗ്രാം, ഫേസ്ബുക്ക് തുടങ്ങിയ സാമൂഹ്യ മാധ്യമങ്ങളിലൂടെ പരസ്യം നൽകിയാണ് ഇയാൾ ഇരകളെ ആകർഷിച്ചിരുന്നത്. ഇങ്ങനെ വഞ്ചനയിലൂടെ ലഭിക്കുന്ന പണം ആഡംബര ജീവിതം നയിക്കാനാണ് ഇയാൾ ഉപയോഗിച്ചിരുന്നത്. സംസ്ഥാനത്തെ മറ്റ് പല ജില്ലകളിലും സമാനമായ രീതിയിലുള്ള തട്ടിപ്പ് കേസുകളിൽ ഇയാൾ പ്രതിയാണെന്ന് പോലീസ് വ്യക്തമാക്കി.

ജോസ് ചാലക്കൽ

Local News Reporter പാലക്കാട്, പാലക്കാട്, കേരളം•

3 hrs ago

പാലക്കാട് സ്റ്റേഡിയം സ്റ്റാൻഡ് വാലിപ്പറമ്പ് റോഡിൽ പ്രവർത്തിച്ചിരുന്ന "ഗ്ലോബൽ പാത്ത് അസോസിയേഷൻ" എന്ന സ്ഥാപനത്തിന്റെ പേരിൽ സൗദി അറേബ്യയിലേക്ക് ജോലി വാഗ്ദാനം ചെയ്ത് നാൽപ്പതോളം യുവാക്കളിൽ നിന്ന് ലക്ഷങ്ങൾ തട്ടിയ പ്രതിയെ പാലക്കാട് ടൗൺ സൗത്ത് പോലീസ് എറണാകുളത്ത് നിന്ന് പിടികൂടി. പത്തനംതിട്ട കോന്നി താഴം വില്ലേജ് സ്വദേശിയായ എമിൽ എന്ന അലനാണ് പോലീസിന്റെ പിടിയിലായത്. ഉദ്യോഗാർത്ഥികളിൽ നിന്ന് 1,20,000 രൂപ വീതം വാങ്ങി ഏകദേശം 45 ലക്ഷത്തോളം രൂപയാണ് ഇയാൾ തട്ടിയെടുത്തത്. തട്ടിപ്പിന് ശേഷം ഒളിവിൽ കഴിയുകയായിരുന്ന ഇയാളെ പോലീസ് സംഘം പിടികൂടുകയായിരുന്നു. വിദേശത്ത് പ്രവർത്തിക്കുന്ന ഏതെങ്കിലും കമ്പനിയുടെ പേരിൽ വ്യാജ വിസകൾ നിർമ്മിച്ച് ഉദ്യോഗാർത്ഥികളുടെ വിശ്വാസം നേടിയെടുക്കുകയും, തുടർന്ന് വ്യാജ വിമാന ടിക്കറ്റുകൾ ഉണ്ടാക്കി നൽകി പറ്റിക്കുകയുമാണ് പ്രതിയുടെ രീതി. ഇൻസ്റ്റഗ്രാം, ഫേസ്ബുക്ക് തുടങ്ങിയ സാമൂഹ്യ മാധ്യമങ്ങളിലൂടെ പരസ്യം നൽകിയാണ് ഇയാൾ ഇരകളെ ആകർഷിച്ചിരുന്നത്. ഇങ്ങനെ വഞ്ചനയിലൂടെ ലഭിക്കുന്ന പണം ആഡംബര ജീവിതം നയിക്കാനാണ് ഇയാൾ ഉപയോഗിച്ചിരുന്നത്. സംസ്ഥാനത്തെ മറ്റ് പല ജില്ലകളിലും സമാനമായ രീതിയിലുള്ള തട്ടിപ്പ് കേസുകളിൽ ഇയാൾ പ്രതിയാണെന്ന് പോലീസ് വ്യക്തമാക്കി.