केंद्रीय सशस्त्र पोलिस दलातील (CAPF) कॉन्स्टेबल पदासाठी अर्ज केलेल्या नागपूरमधील एका तरुणीला हातावरील 'हायपरट्रॉफिक स्कार'मुळे वैद्यकीय दृष्ट्या अपात्र ठरवण्यात आले होते. मात्र, या निर्णयाला मुंबई उच्च न्यायालयाच्या नागपूर खंडपीठाने रद्द करत उमेदवाराला मोठा दिलासा दिला आहे. न्यायालयाने स्पष्ट केले की, हातावरील जखमेच्या डागामुळे उमेदवाराला नोकरीसाठी अपात्र ठरवणे बेकायदेशीर आहे. कुमारी अर्चंती यांनी कर्मचारी निवड आयोगाच्या भरती प्रक्रियेतील शारीरिक चाचणी, लेखी परीक्षा आणि इतर सर्व टप्पे यशस्वीरित्या पूर्ण केले होते. त्यानंतर झालेल्या वैद्यकीय तपासणीत त्यांना अपात्र घोषित करण्यात आले, तसेच पुनर्वैद्यकीय तपासणीतही त्यांच्या उजव्या हातावरील हायपरट्रॉफिक स्कारचे कारण देत त्यांची उमेदवारी नाकारण्यात आली. याचिकाकर्त्यांनी न्यायालयात दावा केला की, एम्स नागपूरच्या वैद्यकीय अहवालानुसार हा व्रण संसर्गजन्य नाही आणि तो उपचारक्षम आहे. तसेच, भरतीच्या जाहिरातीत अशा प्रकारच्या व्रणाचा अपात्रतेच्या निकषांमध्ये कोणताही उल्लेख नव्हता. या सुनावणीदरम्यान, न्यायमूर्ती वाय. जी. खोब्रागडे आणि न्यायमूर्ती सुशील घोडेस्वर यांच्या खंडपीठाने मागील विविध न्यायालयीन निर्णयांचा संदर्भ दिला. न्यायालयाने स्पष्ट केले की, केलॉइड किंवा हायपरट्रॉफिक स्कार हा व्यक्तीच्या कार्यक्षमतेवर परिणाम करणारा शारीरिक दोष मानला जात नाही, त्यामुळे केवळ या कारणावरून उमेदवाराला अपात्र ठरवणे योग्य नाही. खंडपीठाने १३ नोव्हेंबर २०२४ रोजीच्या पुनर्वैद्यकीय मंडळाच्या अहवालाला रद्द केले आणि याचिकाकर्ती इतर सर्व निकषांमध्ये पात्र असल्यास तिच्या उमेदवारीचा पुनर्विचार करण्याचे निर्देश संबंधित यंत्रणेला दिले. या महत्त्वपूर्ण निर्णयामुळे केंद्रीय सुरक्षा दलांच्या भरती प्रक्रियेत वैद्यकीय अपात्रतेच्या निकषांबाबत महत्त्वाचा न्यायनिवाडा झाला असून, अशाच कारणांमुळे यापूर्वी अपात्र ठरलेल्या उमेदवारांना दिलासा मिळण्याची शक्यता निर्माण झाली आहे. पीडित तरुणीची बाजू अँड. राजेंद्र साहू, अँड. गुरप्रीतसिंग चंडोक आणि अँड. गौरव साहू यांनी न्यायालयात मांडली.

Pallavi Patil, निवासी संपादक

Lawyer नागपूर (शहरी), नागपूर, महाराष्ट्र•

1 hr ago

केंद्रीय सशस्त्र पोलिस दलातील (CAPF) कॉन्स्टेबल पदासाठी अर्ज केलेल्या नागपूरमधील एका तरुणीला हातावरील 'हायपरट्रॉफिक स्कार'मुळे वैद्यकीय दृष्ट्या अपात्र ठरवण्यात आले होते. मात्र, या निर्णयाला मुंबई उच्च न्यायालयाच्या नागपूर खंडपीठाने रद्द करत उमेदवाराला मोठा दिलासा दिला आहे. न्यायालयाने स्पष्ट केले की, हातावरील जखमेच्या डागामुळे उमेदवाराला नोकरीसाठी अपात्र ठरवणे बेकायदेशीर आहे. कुमारी अर्चंती यांनी कर्मचारी निवड आयोगाच्या भरती प्रक्रियेतील शारीरिक चाचणी, लेखी परीक्षा आणि इतर सर्व टप्पे यशस्वीरित्या पूर्ण केले होते. त्यानंतर झालेल्या वैद्यकीय तपासणीत त्यांना अपात्र घोषित करण्यात आले, तसेच पुनर्वैद्यकीय तपासणीतही त्यांच्या उजव्या हातावरील हायपरट्रॉफिक स्कारचे कारण देत त्यांची उमेदवारी नाकारण्यात आली. याचिकाकर्त्यांनी न्यायालयात दावा केला की, एम्स नागपूरच्या वैद्यकीय अहवालानुसार हा व्रण संसर्गजन्य नाही आणि तो उपचारक्षम आहे. तसेच, भरतीच्या जाहिरातीत अशा प्रकारच्या व्रणाचा अपात्रतेच्या निकषांमध्ये कोणताही उल्लेख नव्हता. या सुनावणीदरम्यान, न्यायमूर्ती वाय. जी. खोब्रागडे आणि न्यायमूर्ती सुशील घोडेस्वर यांच्या खंडपीठाने मागील विविध न्यायालयीन निर्णयांचा संदर्भ दिला. न्यायालयाने स्पष्ट केले की, केलॉइड किंवा हायपरट्रॉफिक स्कार हा व्यक्तीच्या कार्यक्षमतेवर परिणाम करणारा शारीरिक दोष मानला जात नाही, त्यामुळे केवळ या कारणावरून उमेदवाराला अपात्र ठरवणे योग्य नाही. खंडपीठाने १३ नोव्हेंबर २०२४ रोजीच्या पुनर्वैद्यकीय मंडळाच्या अहवालाला रद्द केले आणि याचिकाकर्ती इतर सर्व निकषांमध्ये पात्र असल्यास तिच्या उमेदवारीचा पुनर्विचार करण्याचे निर्देश संबंधित यंत्रणेला दिले. या महत्त्वपूर्ण निर्णयामुळे केंद्रीय सुरक्षा दलांच्या भरती प्रक्रियेत वैद्यकीय अपात्रतेच्या निकषांबाबत महत्त्वाचा न्यायनिवाडा झाला असून, अशाच कारणांमुळे यापूर्वी अपात्र ठरलेल्या उमेदवारांना दिलासा मिळण्याची शक्यता निर्माण झाली आहे. पीडित तरुणीची बाजू अँड. राजेंद्र साहू, अँड. गुरप्रीतसिंग चंडोक आणि अँड. गौरव साहू यांनी न्यायालयात मांडली.