सोयगाव येथे आंतरराष्ट्रीय योग दिन मोठ्या उत्साहात साजरा करण्यात आला. संत ज्ञानेश्वर महाविद्यालय, सोयगाव येथे राष्ट्रीय सेवा योजना विभाग आणि क्रीडा विभागाने संयुक्तपणे योग दिनाचे आयोजन केले होते. या वेळी विद्यार्थ्यांनी विविध योगासने, प्राणायाम आणि ध्यानधारणेचा उत्साहाने सराव केला. महाविद्यालयाचे प्राचार्य डॉ. शिरीष पवार यांनी कार्यक्रमाचे अध्यक्षस्थान भूषवले. त्यांनी विद्यार्थ्यांना योगामुळे शारीरिक आरोग्यासोबतच मानसिक शांतता, एकाग्रता आणि सकारात्मक जीवनशैली विकसित होते, असे मार्गदर्शन केले आणि नियमित योगाभ्यासाचे महत्त्व अधोरेखित केले. योग प्रशिक्षक डॉ. प्रा. निलेश गाडेकर आणि प्रा. विनोद चव्हाण यांनी योगासने, सूर्यनमस्कार, प्राणायाम आणि ध्यानधारणेचे प्रात्यक्षिक करून दाखवले. या उपक्रमात महाविद्यालयाचे उपप्राचार्य डॉ. रावसाहेब बारोटे, कार्यालयीन अधीक्षक पंकज साबळे, शिक्षक, शिक्षकेतर कर्मचारी आणि विद्यार्थ्यांनी उत्स्फूर्त सहभाग नोंदवला. दरम्यान, पंचायत समिती सोयगाव येथेही आंतरराष्ट्रीय योग दिन साजरा करण्यात आला. गटविकास अधिकारी आमोल जकताप यांच्या मार्गदर्शनाखाली पैठणे साहेब आणि पंचायत समितीतील सर्व अधिकारी-कर्मचारी उपस्थित होते. या प्रसंगी योगाभ्यासाद्वारे निरोगी जीवनशैलीचा संदेश देण्यात आला. राष्ट्रीय सेवा योजनेचे कार्यक्रमाधिकारी डॉ. सुनील चौधरे यांनी कार्यक्रमाचे सूत्रसंचालन केले, तर डॉ. निलेश गावडे यांनी आभार प्रदर्शन केले. डॉ. सुनील चौधरे, डॉ. निलेश गावडे, डॉ. पंकज गावित, क्रीडा विभाग प्रमुख डॉ. निलेश गाडेकर, गजानन शिरसागर तसेच प्राध्यापक आणि कर्मचाऱ्यांनी या कार्यक्रमाच्या यशस्वी आयोजनासाठी विशेष परिश्रम घेतले.

Pramod dada bari

Pachora, Jalgaon•

2 hrs ago

सोयगाव येथे आंतरराष्ट्रीय योग दिन मोठ्या उत्साहात साजरा करण्यात आला. संत ज्ञानेश्वर महाविद्यालय, सोयगाव येथे राष्ट्रीय सेवा योजना विभाग आणि क्रीडा विभागाने संयुक्तपणे योग दिनाचे आयोजन केले होते. या वेळी विद्यार्थ्यांनी विविध योगासने, प्राणायाम आणि ध्यानधारणेचा उत्साहाने सराव केला. महाविद्यालयाचे प्राचार्य डॉ. शिरीष पवार यांनी कार्यक्रमाचे अध्यक्षस्थान भूषवले. त्यांनी विद्यार्थ्यांना योगामुळे शारीरिक आरोग्यासोबतच मानसिक शांतता, एकाग्रता आणि सकारात्मक जीवनशैली विकसित होते, असे मार्गदर्शन केले आणि नियमित योगाभ्यासाचे महत्त्व अधोरेखित केले. योग प्रशिक्षक डॉ. प्रा. निलेश गाडेकर आणि प्रा. विनोद चव्हाण यांनी योगासने, सूर्यनमस्कार, प्राणायाम आणि ध्यानधारणेचे प्रात्यक्षिक करून दाखवले. या उपक्रमात महाविद्यालयाचे उपप्राचार्य डॉ. रावसाहेब बारोटे, कार्यालयीन अधीक्षक पंकज साबळे, शिक्षक, शिक्षकेतर कर्मचारी आणि विद्यार्थ्यांनी उत्स्फूर्त सहभाग नोंदवला. दरम्यान, पंचायत समिती सोयगाव येथेही आंतरराष्ट्रीय योग दिन साजरा करण्यात आला. गटविकास अधिकारी आमोल जकताप यांच्या मार्गदर्शनाखाली पैठणे साहेब आणि पंचायत समितीतील सर्व अधिकारी-कर्मचारी उपस्थित होते. या प्रसंगी योगाभ्यासाद्वारे निरोगी जीवनशैलीचा संदेश देण्यात आला. राष्ट्रीय सेवा योजनेचे कार्यक्रमाधिकारी डॉ. सुनील चौधरे यांनी कार्यक्रमाचे सूत्रसंचालन केले, तर डॉ. निलेश गावडे यांनी आभार प्रदर्शन केले. डॉ. सुनील चौधरे, डॉ. निलेश गावडे, डॉ. पंकज गावित, क्रीडा विभाग प्रमुख डॉ. निलेश गाडेकर, गजानन शिरसागर तसेच प्राध्यापक आणि कर्मचाऱ्यांनी या कार्यक्रमाच्या यशस्वी आयोजनासाठी विशेष परिश्रम घेतले.