येवला पालिकेवर महायुतीचे वर्चस्व; नगराध्यक्षपदी राजेंद्र लोणारी यांचा विक्रमी विजय... ​ प्रतिनिधी सचिन वखारे येवला. येवला नगरपालिका निवडणुकीत राज्याचे अन्न व नागरी पुरवठा मंत्री छगन भुजबळ यांच्या विकासाभिमुख नेतृत्वावर विश्वास दर्शवत मतदारांनी महायुतीला निर्भेळ यश दिले आहे. माजी खासदार समीर भुजबळ आणि आमदार पंकज भुजबळ यांच्या नियोजनाखाली महायुतीने नगराध्यक्ष पदासह १४ जागांवर विजय मिळवला. ​नगराध्यक्ष पदाच्या निवडणुकीत राष्ट्रवादी काँग्रेसचे राजेंद्र लोणारी यांनी ११६५ मतांच्या विक्रमी फरकाने दणदणीत विजय संपादन केला. नगरसेवक पदासाठी राष्ट्रवादी काँग्रेसचे ११ आणि भाजपचे ३ असे एकूण १४ उमेदवार विजयी झाले आहेत. छगन भुजबळ यांच्या अनुपस्थितीत समीर भुजबळ यांनी आखलेली रणनीती आणि कार्यकर्त्यांची मेहनत यामुळे हे यश मिळाल्याचे बोलले जात असून, समीर भुजबळ पुन्हा एकदा 'किंगमेकर' ठरले आहेत. ​या विजयानंतर बोलताना समीर भुजबळ म्हणाले की, "येवलेकरांनी विकासावर शिक्कामोर्तब केले असून आगामी काळात शहराला 'रोड मॉडेल' बनवण्यास आमचे प्राधान्य असेल." आमदार पंकज भुजबळ यांनीही या यशाचे श्रेय भुजबळ साहेबांच्या विकासकामांना आणि मतदारांच्या विश्वासाला दिले. या विजयामुळे शहरभर महायुतीच्या कार्यकर्त्यांनी जल्लोष साजरा केला.

Sachin Dilip Wakhare

Reporter Nashik•

3 hrs ago

येवला पालिकेवर महायुतीचे वर्चस्व; नगराध्यक्षपदी राजेंद्र लोणारी यांचा विक्रमी विजय... ​ प्रतिनिधी सचिन वखारे येवला. येवला नगरपालिका निवडणुकीत राज्याचे अन्न व नागरी पुरवठा मंत्री छगन भुजबळ यांच्या विकासाभिमुख नेतृत्वावर विश्वास दर्शवत मतदारांनी महायुतीला निर्भेळ यश दिले आहे. माजी खासदार समीर भुजबळ आणि आमदार पंकज भुजबळ यांच्या नियोजनाखाली महायुतीने नगराध्यक्ष पदासह १४ जागांवर विजय मिळवला. ​नगराध्यक्ष पदाच्या निवडणुकीत राष्ट्रवादी काँग्रेसचे राजेंद्र लोणारी यांनी ११६५ मतांच्या विक्रमी फरकाने दणदणीत विजय संपादन केला. नगरसेवक पदासाठी राष्ट्रवादी काँग्रेसचे ११ आणि भाजपचे ३ असे एकूण १४ उमेदवार विजयी झाले आहेत. छगन भुजबळ यांच्या अनुपस्थितीत समीर भुजबळ यांनी आखलेली रणनीती आणि कार्यकर्त्यांची मेहनत यामुळे हे यश मिळाल्याचे बोलले जात असून, समीर भुजबळ पुन्हा एकदा 'किंगमेकर' ठरले आहेत. ​या विजयानंतर बोलताना समीर भुजबळ म्हणाले की, "येवलेकरांनी विकासावर शिक्कामोर्तब केले असून आगामी काळात शहराला 'रोड मॉडेल' बनवण्यास आमचे प्राधान्य असेल." आमदार पंकज भुजबळ यांनीही या यशाचे श्रेय भुजबळ साहेबांच्या विकासकामांना आणि मतदारांच्या विश्वासाला दिले. या विजयामुळे शहरभर महायुतीच्या कार्यकर्त्यांनी जल्लोष साजरा केला.