ଛତ୍ରପୁର ୧୮/୨ : ପ୍ରବଳ ଗ୍ରୀଷ୍ମ ପ୍ରବାହକୁ ମୁକାବିଲା କରିବା ପାଇଁ ଗଞ୍ଜାମ ଜିଲ୍ଲା ସ୍ତରୀୟ ପ୍ରସ୍ତୁତି ବୈଠକ ଗଞ୍ଜାମ ଜିଲ୍ଲା ପରିଷଦର ଋଷିକୂଲ୍ୟା ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି l ଗଞ୍ଜାମ ଜିଲ୍ଲାପାଳ ଭି. କୀର୍ତ୍ତି ଭାଷନ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ପ୍ରସ୍ତୁତି ବୈଠକରେ ଗ୍ରୀଷ୍ମ ପ୍ରବାହକୁ ମୁକାବିଲା କରିବା ପାଇଁ ସଜାଗ ରହିବାକୁ ସମସ୍ତ ଅଧିକାରୀଙ୍କୁ ନିର୍ଦେଶ ଦିଆଯାଇଥିଲା l ଏହାକୁ ମୁକାବିଲା ଲାଗି ଜନ ସଚେତନତା ନିହାତି ଜରୁରୀ ଏଣୁ ସଚେତନତା କରାଯିବାକୁ କୁହାଯାଇଥିଲା l ବିଶେଷ କରି ପାନୀୟ ଜଳ ର ଯେପରି ସମସ୍ୟା ନ ଉପୁଜେ ସେଥିପ୍ରତି ଗୁରୁତ୍ୱ ଦିଆଯାଇଥିଲା l ପାନୀୟ ଜଳ ସମସ୍ୟା ଦେଖାଗଲେ ୨୪ ଘଣ୍ଟା ମଧ୍ୟରେ ତାହାର ସମାଧାନ କରିବାକୁ ଜିଲ୍ଲାପାଳ ବିଭାଗୀୟ ଅଧିକାରୀ ଙ୍କୁ ନିର୍ଦେଶ ଦେଇଥିଲେ l ଜିଲ୍ଲାର ସମସ୍ତ ବ୍ଲକ ଓ ଏନଏସିର ବିଭିନ୍ନ ସ୍ଥାନରେ ଜଳ ଛତ୍ର ଖୋଲାଯିବ l ଜଳ ଛତ୍ର ମାନଙ୍କରେ ବିଶୁଦ୍ଧ ଥଣ୍ଡା ପାନୀୟ ଜଳ ରଖାଯିବ l ଜଳ ଛତ୍ର ଦାୟିତ୍ୱରେ ଥିବା ସଂସ୍ଥା ଏହାର ବିଶେଷ ଧ୍ୟାନ ଦେବା ପାଇଁ ଜିଲ୍ଲାପାଳ କହିଥିଲେ l ଏହା ସହ ମେଡିକାଲ, ସ୍କୁଲ, କଲେଜ ମାନଙ୍କରେ ମଧ୍ୟ ଓଆରଏସ, ଶୁଦ୍ଧ ପାନୀୟ ଜଳ ରଖାଯିବ l ବିଭିନ୍ନ ସ୍ଥାନରେ ଥିବା ପାଣି ଟାଙ୍କି ଗୁଡିକ ପ୍ରସ୍ତୁତ କରାଯିବ l ଆବଶ୍ୟକ ସ୍ଥଳେ ପ୍ରବଳ ଗ୍ରୀଷ୍ମ ପ୍ରବାହ ଅନୁଭୂତ ହେଲେ ଲୋକଙ୍କ ପାଇଁ ଆଶ୍ରୟ ସ୍ଥଳୀ ପ୍ରସ୍ତୁତ କରି ରଖିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ l ବୈଠକରେ ଅତିରିକ୍ତ ଜିଲ୍ଲାପାଳ ଦେବବ୍ରତ ପଣ୍ଡା, ଛତ୍ରପୁର ଉପଜିଲ୍ଳାପାଳ ଶିବାଶିଷ ବରାଳ, ବ୍ରହ୍ମପୁର ଉପ ଜିଲ୍ଲାପାଳ ଙ୍କ ସମେତ ସମସ୍ତ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ l

Santosh Kumar Sahu

ସାମ୍ବାଦିକ ଛତ୍ରପୁର, ଗଞ୍ଜାମ, ଓଡ଼ିଶା•

1 hr ago

ବାଂଲାଦେଶୀ ଜୟ ଭୀମ ରୋହିଙ୍ଗିଆ ତୁମ ବେଳ ସରିଲା ଗଣେଶ ପାଣିଗ୍ରାହୀ ରିପୋର୍ଟ