പാലക്കാട് കാഞ്ഞിരപ്പുഴ പഞ്ചായത്തിലെ മുണ്ടക്കുന്നിൽ പ്രവർത്തിക്കുന്ന സ്വകാര്യ പ്ലാസ്റ്റിക് പൈപ്പ് നിർമാണ കമ്പനിക്കെതിരെ നടപടിയുമായി അധികൃതർ രംഗത്ത്. കമ്പനിക്കെതിരെ നാട്ടുകാർ നൽകിയ പരാതി പരിഗണിച്ച്, ഇതിന്റെ പ്രവർത്തനം ജനങ്ങളെ എത്രത്തോളം ബാധിക്കുന്നുണ്ടെന്ന് പരിശോധിക്കാൻ പഞ്ചായത്ത് അന്വേഷണസംഘത്തെ നിയോഗിച്ചു. കഴിഞ്ഞ ദിവസം ചേർന്ന പഞ്ചായത്ത് ബോർഡ് യോഗത്തിലാണ് നാട്ടുകാരുടെ പരാതിയിന്മേൽ തുടർനടപടികൾ സ്വീകരിക്കാൻ തീരുമാനിച്ചത്. സ്ഥിരം സമിതി അധ്യക്ഷർ, വാർഡ് മെമ്പർ, സമീപ വാർഡ് മെമ്പർ, പഞ്ചായത്തിലെ സെക്ഷൻ ജീവനക്കാർ എന്നിവരടങ്ങുന്നതാണ് പരിശോധനാ സംഘം. ഇവർ നൽകുന്ന വിശദമായ റിപ്പോർട്ടിന്റെ അടിസ്ഥാനത്തിലായിരിക്കും അന്തിമ നടപടികൾ സ്വീകരിക്കുക. നിലവിൽ ഈ കമ്പനിക്ക് ഗോഡൗൺ പ്രവർത്തിക്കാനുള്ള ലൈസൻസ് മാത്രമാണുള്ളതെന്നും വ്യാവസായിക ആവശ്യങ്ങൾക്കുള്ള ലൈസൻസ് ഇല്ലെന്നുമാണ് പറയപ്പെടുന്നത്. പ്ലാസ്റ്റിക് കത്തിക്കുന്നതും ഉരുക്കുന്നതും മൂലം ഇവിടെനിന്നുയരുന്ന പുകയും രൂക്ഷമായ ഗന്ധവും ജനജീവിതത്തെ സാരമായി ബാധിക്കുന്നു എന്നാണ് നാട്ടുകാരുടെ പരാതി. നിരവധി കുടുംബങ്ങളും ഒരു ഉന്നതിയും ഈ കമ്പനിക്ക് ചുറ്റുവട്ടത്തായി താമസിക്കുന്നുണ്ട്. തങ്ങളുടെ ദുരിതത്തിന് പരിഹാരം കാണണമെന്ന് ആവശ്യപ്പെട്ട് നാട്ടുകാർ ഒപ്പിട്ട നിവേദനം മുഖ്യമന്ത്രിക്ക് സമർപ്പിച്ചിട്ടുമുണ്ട്.

Ranjith

Local News Reporter മണ്ണാർക്കാട്, പാലക്കാട്, കേരളം•

3 hrs ago

പാലക്കാട് കാഞ്ഞിരപ്പുഴ പഞ്ചായത്തിലെ മുണ്ടക്കുന്നിൽ പ്രവർത്തിക്കുന്ന സ്വകാര്യ പ്ലാസ്റ്റിക് പൈപ്പ് നിർമാണ കമ്പനിക്കെതിരെ നടപടിയുമായി അധികൃതർ രംഗത്ത്. കമ്പനിക്കെതിരെ നാട്ടുകാർ നൽകിയ പരാതി പരിഗണിച്ച്, ഇതിന്റെ പ്രവർത്തനം ജനങ്ങളെ എത്രത്തോളം ബാധിക്കുന്നുണ്ടെന്ന് പരിശോധിക്കാൻ പഞ്ചായത്ത് അന്വേഷണസംഘത്തെ നിയോഗിച്ചു. കഴിഞ്ഞ ദിവസം ചേർന്ന പഞ്ചായത്ത് ബോർഡ് യോഗത്തിലാണ് നാട്ടുകാരുടെ പരാതിയിന്മേൽ തുടർനടപടികൾ സ്വീകരിക്കാൻ തീരുമാനിച്ചത്. സ്ഥിരം സമിതി അധ്യക്ഷർ, വാർഡ് മെമ്പർ, സമീപ വാർഡ് മെമ്പർ, പഞ്ചായത്തിലെ സെക്ഷൻ ജീവനക്കാർ എന്നിവരടങ്ങുന്നതാണ് പരിശോധനാ സംഘം. ഇവർ നൽകുന്ന വിശദമായ റിപ്പോർട്ടിന്റെ അടിസ്ഥാനത്തിലായിരിക്കും അന്തിമ നടപടികൾ സ്വീകരിക്കുക. നിലവിൽ ഈ കമ്പനിക്ക് ഗോഡൗൺ പ്രവർത്തിക്കാനുള്ള ലൈസൻസ് മാത്രമാണുള്ളതെന്നും വ്യാവസായിക ആവശ്യങ്ങൾക്കുള്ള ലൈസൻസ് ഇല്ലെന്നുമാണ് പറയപ്പെടുന്നത്. പ്ലാസ്റ്റിക് കത്തിക്കുന്നതും ഉരുക്കുന്നതും മൂലം ഇവിടെനിന്നുയരുന്ന പുകയും രൂക്ഷമായ ഗന്ധവും ജനജീവിതത്തെ സാരമായി ബാധിക്കുന്നു എന്നാണ് നാട്ടുകാരുടെ പരാതി. നിരവധി കുടുംബങ്ങളും ഒരു ഉന്നതിയും ഈ കമ്പനിക്ക് ചുറ്റുവട്ടത്തായി താമസിക്കുന്നുണ്ട്. തങ്ങളുടെ ദുരിതത്തിന് പരിഹാരം കാണണമെന്ന് ആവശ്യപ്പെട്ട് നാട്ടുകാർ ഒപ്പിട്ട നിവേദനം മുഖ്യമന്ത്രിക്ക് സമർപ്പിച്ചിട്ടുമുണ്ട്.