गावा साठी महिला रणरागिनी सरसावल्या : महागावमध्ये देशी दारू दुकान व वाईनबार बंद करण्यासाठी महिलांची ठाम भूमिका महागाव : शहरातील प्रभाग क्रमांक १ मधील कै. वसंतरावजी नाईक यांच्या तैलचित्राजवळ सुरू असलेले देशी दारू दुकान (सीएल-३ क्र. ७९) तसेच बाजूला सुरू असलेले बैठक वाईनबार तात्काळ बंद करण्यात यावे, या मागणीसाठी प्रभागातील महिला नागरिकांनी एकजूट दाखवत प्रशासनाकडे निवेदन दिले असून या मागणीची पडताळणी प्रक्रिया शनिवारी (दि. ७ मार्च) पार पडली. प्रभाग क्रमांक १ मधील समस्त महिला नागरिकांनी दि. २३ जानेवारी २०२६ रोजी राज्य उत्पादन शुल्क विभागाकडे निवेदन सादर केले होते. हे निवेदन दि. २७ जानेवारी २०२६ रोजी कार्यालयास प्राप्त झाले. त्यानंतर मा. अधीक्षक, राज्य उत्पादन शुल्क, यवतमाळ यांच्या दि. २५ फेब्रुवारी २०२६ च्या पत्रानुसार निवेदनातील महिलांच्या सह्यांची पडताळणी करण्यासाठी दि. ७ मार्च २०२६ रोजी सावित्रीबाई फुले कन्या विद्यालय, महागाव येथे सकाळी ११ वाजता पडताळणी प्रक्रिया आयोजित करण्यात आली. या वेळी प्रभागातील महिलांनी मोठ्या संख्येने उपस्थित राहून आपली भूमिका स्पष्ट केली. निवेदनावर एकूण ५० महिलांच्या सह्या असून त्यापैकी दुपारी एक वाजेपर्यंत ४१ महिलांच्या सह्यांची पडताळणी पूर्ण झाली. सायंकाळी पाच वाजेपर्यंत ही प्रक्रिया सुरू राहणार असल्याची माहिती देण्यात आली. गावातील सामाजिक वातावरण बिघडू नये, तसेच शाळा व सार्वजनिक ठिकाणांच्या परिसरात दारूविक्री होऊ नये, या उद्देशाने महिलांनी ही भूमिका घेतली आहे. गावाच्या हितासाठी महिलांनी एकत्र येत उचललेले हे पाऊल सध्या महागावमध्ये चर्चेचा विषय ठरत आहे. या पडताळणी प्रक्रियेवेळी राज्य उत्पादन शुल्क विभागाचे निरीक्षक, पुसद यांनी उपस्थित राहून सह्यांची तपासणी केली.

Taha Mirza

Teacher महागाव, यवतमाळ, महाराष्ट्र•

on 7 March

गावा साठी महिला रणरागिनी सरसावल्या : महागावमध्ये देशी दारू दुकान व वाईनबार बंद करण्यासाठी महिलांची ठाम भूमिका महागाव : शहरातील प्रभाग क्रमांक १ मधील कै. वसंतरावजी नाईक यांच्या तैलचित्राजवळ सुरू असलेले देशी दारू दुकान (सीएल-३ क्र. ७९) तसेच बाजूला सुरू असलेले बैठक वाईनबार तात्काळ बंद करण्यात यावे, या मागणीसाठी प्रभागातील महिला नागरिकांनी एकजूट दाखवत प्रशासनाकडे निवेदन दिले असून या मागणीची पडताळणी प्रक्रिया शनिवारी (दि. ७ मार्च) पार पडली. प्रभाग क्रमांक १ मधील समस्त महिला नागरिकांनी दि. २३ जानेवारी २०२६ रोजी राज्य उत्पादन शुल्क विभागाकडे निवेदन सादर केले होते. हे निवेदन दि. २७ जानेवारी २०२६ रोजी कार्यालयास प्राप्त झाले. त्यानंतर मा. अधीक्षक, राज्य उत्पादन शुल्क, यवतमाळ यांच्या दि. २५ फेब्रुवारी २०२६ च्या पत्रानुसार निवेदनातील महिलांच्या सह्यांची पडताळणी करण्यासाठी दि. ७ मार्च २०२६ रोजी सावित्रीबाई फुले कन्या विद्यालय, महागाव येथे सकाळी ११ वाजता पडताळणी प्रक्रिया आयोजित करण्यात आली. या वेळी प्रभागातील महिलांनी मोठ्या संख्येने उपस्थित राहून आपली भूमिका स्पष्ट केली. निवेदनावर एकूण ५० महिलांच्या सह्या असून त्यापैकी दुपारी एक वाजेपर्यंत ४१ महिलांच्या सह्यांची पडताळणी पूर्ण झाली. सायंकाळी पाच वाजेपर्यंत ही प्रक्रिया सुरू राहणार असल्याची माहिती देण्यात आली. गावातील सामाजिक वातावरण बिघडू नये, तसेच शाळा व सार्वजनिक ठिकाणांच्या परिसरात दारूविक्री होऊ नये, या उद्देशाने महिलांनी ही भूमिका घेतली आहे. गावाच्या हितासाठी महिलांनी एकत्र येत उचललेले हे पाऊल सध्या महागावमध्ये चर्चेचा विषय ठरत आहे. या पडताळणी प्रक्रियेवेळी राज्य उत्पादन शुल्क विभागाचे निरीक्षक, पुसद यांनी उपस्थित राहून सह्यांची तपासणी केली.