ఐదేళ్ల చిన్నారిని పై లైంగిక అసభ్య దృశ్యాలను చిత్రీకరించిన నిందితుడు వరుసకు అన్నయ్య... నిందితుడిని అరెస్ట్ చేసినట్లు టీజీసీఎస్‌బీ డైరెక్టర్ శిఖా గోయల్ వెల్లడి... ఐదేళ్ల చిన్నారిపై లైంగిక అసభ్య దృశ్యాలను చిత్రీకరించిన ఉదంతంలో నిందితుడిని అరెస్ట్ చేసినట్లు తెలంగాణ సైబర్ సెక్యూరిటీ బ్యూరో డైరెక్టర్ శిఖా గోయల్ మంగళవారం నాడు ఒక ప్రకటనలో వెల్లడించారు. ఈ కేసుకు సంబంధించిన వివరాలను వెల్లడిస్తూ... పిల్లలపై లైంగిక వేధింపులకు సంబంధించిన దృశ్యాలను నిరోధించే ‘టిప్‌లైన్’ ద్వారా అందిన సమాచారాన్ని బ్యూరోలోని చైల్డ్ ప్రొటెక్షన్ యూనిట్ లోతుగా విశ్లేషించిందని తెలిపారు. సేకరించిన వీడియో ఆధారాలను సాంకేతిక పరిజ్ఞానంతో పరిశీలించగా, ఈ నేరం స్థానికంగానే జరిగిందని, బాధితురాలి తల్లిదండ్రులకు ఈ విషయం తెలియదని గుర్తించినట్లు ఆమె పేర్కొన్నారు. లోతైన దర్యాప్తు అనంతరం గోల్కొండ, కుమ్మరివాడికి చెందిన మహమ్మద్ ఫహాద్ అలియాస్ ఆదిల్ (19) అనే డిగ్రీ రెండో సంవత్సరం విద్యార్థిని నిందితుడిగా గుర్తించి అరెస్ట్ చేశామని, 2026 సంవత్సరంలో బ్యూరో విజయవంతంగా చిన్నారిని రక్షించిన రెండో కేసు అని వివరించారు. బాధితురాలు నిందితుడికి అత్యంత సమీప బంధువు అని, ఆ చిన్నారి అతడిని ఎంతో ఇష్టంగా ‘భయ్యా’ అని పిలుస్తుండేదని డైరెక్టర్ తెలిపారు. ఆ నమ్మకాన్నే ఆసరాగా చేసుకుని నిందితుడు తరచూ బాధితురాలి ఇంటికి వెళ్లి, ఎవరూ లేని సమయంలో బాలికను ఇంటి పైకప్పు పైకి తీసుకెళ్లి అసభ్య దృశ్యాలను చిత్రీకరించేవాడని విచారణలో తేలిందని ఆమె పేర్కొన్నారు. నిందితుడి వద్ద ఉన్న ఎలక్ట్రానిక్ పరికరాన్ని స్వాధీనం చేసుకుని ఫోరెన్సిక్ పరీక్షల నిమిత్తం పంపామని, అతనిపై ఐటీ చట్టంలోని సెక్షన్ 67-బి తో పాటు పోక్సో చట్టంలోని వివిధ సెక్షన్ల కింద సీసీపీఎస్ లో కేసు నమోదు చేసి రిమాండ్‌కు తరలించినట్లు స్పష్టం చేశారు. బాధితురాలికి అవసరమైన సహాయం అందజేయడంతో పాటు, ఆమె తల్లిదండ్రులకు కౌన్సెలింగ్ ఇప్పించామని డైరెక్టర్ వివరించారు. పిల్లలపై జరిగే ఇలాంటి నేరాల్లో దురదృష్టవశాత్తు కుటుంబ సభ్యులు లేదా తెలిసిన వారే నిందితులుగా ఉంటున్నారని, ఇది సమాజంలో నమ్మకాన్ని వంచించడమేనని శిఖా గోయల్ ఆవేదన వ్యక్తం చేశారు. పిల్లలను ఎవరి సంరక్షణలో ఉంచుతున్నామనే విషయంలో తల్లిదండ్రులు అత్యంత అప్రమత్తంగా ఉండాలని, ఆన్‌లైన్ లేదా ఆఫ్‌లైన్‌లో ఏదైనా అనుమానాస్పదంగా అనిపిస్తే ఆలస్యం చేయకుండా వెంటనే ఫిర్యాదు చేయాలని ఆమె కోరారు. పిల్లల రక్షణ అనేది మన అందరి సామూహిక బాధ్యత అని, అధునాతన సాంకేతికతతో ఇటువంటి నేరాలను అరికట్టడానికి బ్యూరో నిరంతరం కృషి చేస్తోందని డైరెక్టర్ శిఖా గోయల్ స్పష్టం చేశారు.

దినేష్ కుమార్

సికింద్రాబాద్, హైదరాబాద్, తెలంగాణ•

2 hrs ago

ఐదేళ్ల చిన్నారిని పై లైంగిక అసభ్య దృశ్యాలను చిత్రీకరించిన నిందితుడు వరుసకు అన్నయ్య... నిందితుడిని అరెస్ట్ చేసినట్లు టీజీసీఎస్‌బీ డైరెక్టర్ శిఖా గోయల్ వెల్లడి... ఐదేళ్ల చిన్నారిపై లైంగిక అసభ్య దృశ్యాలను చిత్రీకరించిన ఉదంతంలో నిందితుడిని అరెస్ట్ చేసినట్లు తెలంగాణ సైబర్ సెక్యూరిటీ బ్యూరో డైరెక్టర్ శిఖా గోయల్ మంగళవారం నాడు ఒక ప్రకటనలో వెల్లడించారు. ఈ కేసుకు సంబంధించిన వివరాలను వెల్లడిస్తూ... పిల్లలపై లైంగిక వేధింపులకు సంబంధించిన దృశ్యాలను నిరోధించే ‘టిప్‌లైన్’ ద్వారా అందిన సమాచారాన్ని బ్యూరోలోని చైల్డ్ ప్రొటెక్షన్ యూనిట్ లోతుగా విశ్లేషించిందని తెలిపారు. సేకరించిన వీడియో ఆధారాలను సాంకేతిక పరిజ్ఞానంతో పరిశీలించగా, ఈ నేరం స్థానికంగానే జరిగిందని, బాధితురాలి తల్లిదండ్రులకు ఈ విషయం తెలియదని గుర్తించినట్లు ఆమె పేర్కొన్నారు. లోతైన దర్యాప్తు అనంతరం గోల్కొండ, కుమ్మరివాడికి చెందిన మహమ్మద్ ఫహాద్ అలియాస్ ఆదిల్ (19) అనే డిగ్రీ రెండో సంవత్సరం విద్యార్థిని నిందితుడిగా గుర్తించి అరెస్ట్ చేశామని, 2026 సంవత్సరంలో బ్యూరో విజయవంతంగా చిన్నారిని రక్షించిన రెండో కేసు అని వివరించారు. బాధితురాలు నిందితుడికి అత్యంత సమీప బంధువు అని, ఆ చిన్నారి అతడిని ఎంతో ఇష్టంగా ‘భయ్యా’ అని పిలుస్తుండేదని డైరెక్టర్ తెలిపారు. ఆ నమ్మకాన్నే ఆసరాగా చేసుకుని నిందితుడు తరచూ బాధితురాలి ఇంటికి వెళ్లి, ఎవరూ లేని సమయంలో బాలికను ఇంటి పైకప్పు పైకి తీసుకెళ్లి అసభ్య దృశ్యాలను చిత్రీకరించేవాడని విచారణలో తేలిందని ఆమె పేర్కొన్నారు. నిందితుడి వద్ద ఉన్న ఎలక్ట్రానిక్ పరికరాన్ని స్వాధీనం చేసుకుని ఫోరెన్సిక్ పరీక్షల నిమిత్తం పంపామని, అతనిపై ఐటీ చట్టంలోని సెక్షన్ 67-బి తో పాటు పోక్సో చట్టంలోని వివిధ సెక్షన్ల కింద సీసీపీఎస్ లో కేసు నమోదు చేసి రిమాండ్‌కు తరలించినట్లు స్పష్టం చేశారు. బాధితురాలికి అవసరమైన సహాయం అందజేయడంతో పాటు, ఆమె తల్లిదండ్రులకు కౌన్సెలింగ్ ఇప్పించామని డైరెక్టర్ వివరించారు. పిల్లలపై జరిగే ఇలాంటి నేరాల్లో దురదృష్టవశాత్తు కుటుంబ సభ్యులు లేదా తెలిసిన వారే నిందితులుగా ఉంటున్నారని, ఇది సమాజంలో నమ్మకాన్ని వంచించడమేనని శిఖా గోయల్ ఆవేదన వ్యక్తం చేశారు. పిల్లలను ఎవరి సంరక్షణలో ఉంచుతున్నామనే విషయంలో తల్లిదండ్రులు అత్యంత అప్రమత్తంగా ఉండాలని, ఆన్‌లైన్ లేదా ఆఫ్‌లైన్‌లో ఏదైనా అనుమానాస్పదంగా అనిపిస్తే ఆలస్యం చేయకుండా వెంటనే ఫిర్యాదు చేయాలని ఆమె కోరారు. పిల్లల రక్షణ అనేది మన అందరి సామూహిక బాధ్యత అని, అధునాతన సాంకేతికతతో ఇటువంటి నేరాలను అరికట్టడానికి బ్యూరో నిరంతరం కృషి చేస్తోందని డైరెక్టర్ శిఖా గోయల్ స్పష్టం చేశారు.