କେନ୍ଦୁଝର ଜିଲ୍ଲାର ସଦର ବ୍ଲକ ଅନ୍ତର୍ଗତ ମଇଦାନକେଲ ଓ କେରି ଗାଁ ଅଞ୍ଚଳରେ ବର୍ତ୍ତମାନ ହାତୀ ଆତଙ୍କ ଦେଖିବାକୁ ମିଳିଛି। ଗୋଟିଏ ପଟେ ଦନ୍ତା ହାତୀର ଉତ୍ପାତ ଓ ଅନ୍ୟପଟେ ଅସହ୍ୟ ଗରମ ସହ ଘନ ଘନ ବିଦ୍ୟୁତ କାଟ ଯୋଗୁଁ ସ୍ଥାନୀୟ ବାସିନ୍ଦାମାନେ ଅତିଶୟ ହଇରାଣ ହେଉଛନ୍ତି, ଏବଂ ଆତଙ୍କ ଓ ଭୟରେ ରାତି କାଟୁଛନ୍ତି। ସୂଚନା ଅନୁଯାୟୀ, ମଇଦାନକେଲ ସ୍କୁଲ ପଡ଼ିଆରେ ଏକ ଦନ୍ତା ହାତୀ ଆଡ୍ଡା ଜମାଇବା ସହ ସ୍କୁଲର ପାଚେରୀକୁ ଭାଙ୍ଗି ଚୁରମାର କରିଦେଇଛି। ହାତୀଟି ଦିନରାତି ଏହି ଅଞ୍ଚଳରେ ବୁଲୁଥିବାରୁ ସାଧାରଣ ଲୋକେ ଘରୁ ବାହାରିବାକୁ ଭୟ କରୁଛନ୍ତି। ଖରା ଦିନର ପ୍ରବଳ ଗରମ ଓ ଗୁଳୁଗୁଳି ଏହି ପରିସ୍ଥିତିକୁ ଆହୁରି ଜଟିଳ କରିଛି। ହାତୀ ଆତଙ୍କ ଯୋଗୁଁ ବାରମ୍ବାର ବିଦ୍ୟୁତ କାଟ କରାଯାଉଥିବାରୁ, ଲୋକମାନେ ଗରମରୁ ରକ୍ଷା ପାଇବା ପାଇଁ ଘର ବାହାରେ, ବାରଣ୍ଡାରେ କିମ୍ବା ପିଣ୍ଡାରେ ଶୋଇବାକୁ ବାଧ୍ୟ ହେଉଛନ୍ତି। ଏହି ପରିସ୍ଥିତିରେ ବିଷଧର ସାପମାନେ ମଧ୍ୟ ଥଣ୍ଡା ସ୍ଥାନ ଖୋଜି ନିଜ ଗାତରୁ ବାହାରି ସିଧା ଲୋକଙ୍କ ଘର ଭିତରକୁ ଓ ବାରଣ୍ଡାକୁ ପଳାଇ ଆସୁଛନ୍ତି। କେରି ଗାଁର କିଛି ଗ୍ରାମବାସୀ ରାତିରେ ବାରଣ୍ଡାରେ ଶୋଇଥିବା ବେଳେ ସକାଳୁ ଉଠି ସେମାନଙ୍କ ବିଛଣା ଉପରେ ବିଷଧର ସାପ ଥିବା ଦେଖିଥିଲେ, ଯାହା ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଛି। ସରକାର ହାତୀଙ୍କ ସୁରକ୍ଷା ପାଇଁ ନିୟମ କରୁଥିଲେ ମଧ୍ୟ, ଅନ୍ଧାରର ସୁଯୋଗ ନେଇ ସାପ କାମୁଡ଼ାରେ ନିରୀହ ଲୋକଙ୍କ ଜୀବନ ଯାଉଥିବାର ହିସାବ କାହା ପାଖରେ ନାହିଁ ବୋଲି ଅଭିଯୋଗ ହେଉଛି। ଗ୍ରାମବାସୀମାନେ ବିଦ୍ୟୁତ କାର୍ଯ୍ୟାଳୟକୁ ଫୋନ୍ କରିବା ସମୟରେ, ସେମାନଙ୍କୁ ଫୋରେଷ୍ଟ ଡିପାର୍ଟମେଣ୍ଟ ମନା କରିଥିବା ଏବଂ ହାତୀ ଥିବାରୁ କିଛି କରିହେବ ନାହିଁ ବୋଲି ରୁଟିନ୍ ଜବାବ ମିଳୁଛି। ଏହି ସମସ୍ୟାର ସ୍ଥାୟୀ ସମାଧାନ ପାଇଁ ସ୍ଥାନୀୟ ଜନସାଧାରଣ ଜିଲ୍ଲା ପ୍ରଶାସନ ଏବଂ ବନ ବିଭାଗର ଉଚ୍ଚକର୍ତ୍ତୃପକ୍ଷଙ୍କୁ ତୁରନ୍ତ ହସ୍ତକ୍ଷେପ କରି ହାତୀକୁ ଘଉଡ଼ାଇବା ସହ ବିଦ୍ୟୁତ ସମସ୍ୟାର ସମାଧାନ କରିବାକୁ ଦାବି କରିଛନ୍ତି।

ଦୁର୍ଯ୍ୟୋଧନ ପାତ୍ର

Building society କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

6 hrs ago

କେନ୍ଦୁଝର ଜିଲ୍ଲାର ସଦର ବ୍ଲକ ଅନ୍ତର୍ଗତ ମଇଦାନକେଲ ଓ କେରି ଗାଁ ଅଞ୍ଚଳରେ ବର୍ତ୍ତମାନ ହାତୀ ଆତଙ୍କ ଦେଖିବାକୁ ମିଳିଛି। ଗୋଟିଏ ପଟେ ଦନ୍ତା ହାତୀର ଉତ୍ପାତ ଓ ଅନ୍ୟପଟେ ଅସହ୍ୟ ଗରମ ସହ ଘନ ଘନ ବିଦ୍ୟୁତ କାଟ ଯୋଗୁଁ ସ୍ଥାନୀୟ ବାସିନ୍ଦାମାନେ ଅତିଶୟ ହଇରାଣ ହେଉଛନ୍ତି, ଏବଂ ଆତଙ୍କ ଓ ଭୟରେ ରାତି କାଟୁଛନ୍ତି। ସୂଚନା ଅନୁଯାୟୀ, ମଇଦାନକେଲ ସ୍କୁଲ ପଡ଼ିଆରେ ଏକ ଦନ୍ତା ହାତୀ ଆଡ୍ଡା ଜମାଇବା ସହ ସ୍କୁଲର ପାଚେରୀକୁ ଭାଙ୍ଗି ଚୁରମାର କରିଦେଇଛି। ହାତୀଟି ଦିନରାତି ଏହି ଅଞ୍ଚଳରେ ବୁଲୁଥିବାରୁ ସାଧାରଣ ଲୋକେ ଘରୁ ବାହାରିବାକୁ ଭୟ କରୁଛନ୍ତି। ଖରା ଦିନର ପ୍ରବଳ ଗରମ ଓ ଗୁଳୁଗୁଳି ଏହି ପରିସ୍ଥିତିକୁ ଆହୁରି ଜଟିଳ କରିଛି। ହାତୀ ଆତଙ୍କ ଯୋଗୁଁ ବାରମ୍ବାର ବିଦ୍ୟୁତ କାଟ କରାଯାଉଥିବାରୁ, ଲୋକମାନେ ଗରମରୁ ରକ୍ଷା ପାଇବା ପାଇଁ ଘର ବାହାରେ, ବାରଣ୍ଡାରେ କିମ୍ବା ପିଣ୍ଡାରେ ଶୋଇବାକୁ ବାଧ୍ୟ ହେଉଛନ୍ତି। ଏହି ପରିସ୍ଥିତିରେ ବିଷଧର ସାପମାନେ ମଧ୍ୟ ଥଣ୍ଡା ସ୍ଥାନ ଖୋଜି ନିଜ ଗାତରୁ ବାହାରି ସିଧା ଲୋକଙ୍କ ଘର ଭିତରକୁ ଓ ବାରଣ୍ଡାକୁ ପଳାଇ ଆସୁଛନ୍ତି। କେରି ଗାଁର କିଛି ଗ୍ରାମବାସୀ ରାତିରେ ବାରଣ୍ଡାରେ ଶୋଇଥିବା ବେଳେ ସକାଳୁ ଉଠି ସେମାନଙ୍କ ବିଛଣା ଉପରେ ବିଷଧର ସାପ ଥିବା ଦେଖିଥିଲେ, ଯାହା ସ୍ଥାନୀୟ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି କରିଛି। ସରକାର ହାତୀଙ୍କ ସୁରକ୍ଷା ପାଇଁ ନିୟମ କରୁଥିଲେ ମଧ୍ୟ, ଅନ୍ଧାରର ସୁଯୋଗ ନେଇ ସାପ କାମୁଡ଼ାରେ ନିରୀହ ଲୋକଙ୍କ ଜୀବନ ଯାଉଥିବାର ହିସାବ କାହା ପାଖରେ ନାହିଁ ବୋଲି ଅଭିଯୋଗ ହେଉଛି। ଗ୍ରାମବାସୀମାନେ ବିଦ୍ୟୁତ କାର୍ଯ୍ୟାଳୟକୁ ଫୋନ୍ କରିବା ସମୟରେ, ସେମାନଙ୍କୁ ଫୋରେଷ୍ଟ ଡିପାର୍ଟମେଣ୍ଟ ମନା କରିଥିବା ଏବଂ ହାତୀ ଥିବାରୁ କିଛି କରିହେବ ନାହିଁ ବୋଲି ରୁଟିନ୍ ଜବାବ ମିଳୁଛି। ଏହି ସମସ୍ୟାର ସ୍ଥାୟୀ ସମାଧାନ ପାଇଁ ସ୍ଥାନୀୟ ଜନସାଧାରଣ ଜିଲ୍ଲା ପ୍ରଶାସନ ଏବଂ ବନ ବିଭାଗର ଉଚ୍ଚକର୍ତ୍ତୃପକ୍ଷଙ୍କୁ ତୁରନ୍ତ ହସ୍ତକ୍ଷେପ କରି ହାତୀକୁ ଘଉଡ଼ାଇବା ସହ ବିଦ୍ୟୁତ ସମସ୍ୟାର ସମାଧାନ କରିବାକୁ ଦାବି କରିଛନ୍ତି।