ଆଜି ଶୁକ୍ଳପକ୍ଷର ପୂର୍ଣ୍ଣିମା ତିଥିରେ ଦେବସ୍ନାନ ପୂର୍ଣ୍ଣିମା ବା ସ୍ନାନଯାତ୍ରା ପୂର୍ଣ୍ଣିମା ପାଳିତ ହେଉଛି, ଯେଉଁଥିରେ ପୁରୀ ମନ୍ଦିରରେ ମହାପ୍ରଭୁଙ୍କ ଦିବ୍ୟ ସ୍ନାନ ଅନୁଷ୍ଠିତ ହେଉଛି। କାଳିଆ ସାଆଁନ୍ତ ନିଜ ଭାଇଭଉଣୀଙ୍କ ସହ ରତ୍ନସିଂହାସନରୁ ସ୍ନାନବେଦୀକୁ ବିଜେ କରିଛନ୍ତି ଏବଂ ସୁଗନ୍ଧିତ ଜଳର ୧୦୮ କଳସୀରେ ସ୍ନାନ କରୁଛନ୍ତି। ଏହି ପବିତ୍ର ଜଳରେ ଶ୍ରୀଜଗନ୍ନାଥଙ୍କୁ ୩୫ ଗରା, ବଳଭଦ୍ରଙ୍କୁ ୩୩ ଗରା, ସୁଭଦ୍ରାଙ୍କୁ ୨୨ ଗରା ଏବଂ ସୁଦର୍ଶନଙ୍କୁ ୧୮ ଗରା ଜଳରେ ସ୍ନାନ କରାଯାଉଛି। ଏହି ସ୍ନାନ ଉତ୍ସବକୁ ଶ୍ରୀଜଗନ୍ନାଥଙ୍କ ଜନ୍ମଦିନ ଭାବେ ମଧ୍ୟ ପାଳନ କରାଯାଏ। ମହାପ୍ରଭୁଙ୍କ ମାନବ ଲୀଳାର ଏହା ହେଉଛି ପ୍ରଥମ ଦିନ, ଯେଉଁଥିପାଇଁ ଭକ୍ତମାନେ ଦିବ୍ୟ ସ୍ନାନ କରିବା ସହ ଭଗବାନଙ୍କ ଗଜାନନ ବେଶ ଦର୍ଶନ କରିବାକୁ ଅତ୍ୟନ୍ତ ଉତ୍ସୁକତାର ସହ ଅପେକ୍ଷା କରିଛନ୍ତି। ଏହି ଅବସରରେ ମନ୍ଦିର 'ଜୟ ଜଗନ୍ନାଥ, ଜୟ ଜଗନ୍ନାଥ' ଧ୍ୱନିରେ ପ୍ରକମ୍ପିତ ହେଉଥିବା ବେଳେ ମହାପ୍ରଭୁଙ୍କ ଦର୍ଶନ କରିବା ପାଇଁ ପୁରୀରେ ଲକ୍ଷାଧିକ ଭକ୍ତଙ୍କ ଭିଡ଼ ଜମିଛି।

ଆଜି (ମଙ୍ଗଳବାର, ଜୁନ୍ ୩୦) ଶ୍ରୀ ଜଗନ୍ନାଥ ହାତୀବେଶରେ ଦର୍ଶନ ଦେଇ ଭକ୍ତମାନଙ୍କୁ ଭାବବିହ୍ୱଳ କରିଛନ୍ତି ଏବଂ ଜଳରେ ତିନ୍ତିଛନ୍ତି। ଏହି ପରିପ୍ରେକ୍ଷୀରେ ପୁରୀର ବ୍ରହ୍ମଗିରିସ୍ଥିତ ଅଲାରନାଥ ମନ୍ଦିରରେ ଆଜିଠାରୁ ଅନବସର ଦର୍ଶନ ଆରମ୍ଭ ହୋଇଛି। ରଥ ନିର୍ମାଣର ୭୦ତମ ଦିବସରେ ରଥଖଳାରେ ତିନି ରଥ ପାଇଁ ନୂଆ ବ୍ରେକ୍‌ ତିଆରି କରାଯାଉଛି। ଅନ୍ୟ ଏକ ଧାର୍ମିକ ଖବର ଅନୁଯାୟୀ, ଅମରନାଥ ଯାତ୍ରାର ‘ପ୍ରଥମ ପୂଜା’ ଉପରାଜ୍ୟପାଳଙ୍କ ଦ୍ୱାରା ଅନୁଷ୍ଠିତ ହୋଇଛି ଏବଂ ଯାତ୍ରା ଜୁଲାଇ ୩ରୁ ଆରମ୍ଭ ହେବ। ଅଯୋଧ୍ୟା ରାମ ମନ୍ଦିରରୁ ଟଙ୍କା ଓ ସୁନା ଚୋରି ଅଭିଯୁକ୍ତଙ୍କ ପାଇଁ ଓକିଲମାନେ ମାମଲା ଲଢ଼ିବେ ନାହିଁ ବୋଲି ଜଣାପଡ଼ିଛି। ସରକାରୀ ଓ ରାଜନୈତିକ ଖବର ମଧ୍ୟରେ ଶିକ୍ଷାମନ୍ତ୍ରୀ ଶ୍ରୀ ଗଣ୍ଡ ତାଙ୍କ କଥା ବଦଳାଇଛନ୍ତି ଯେ ତ୍ରୁଟିପୂର୍ଣ୍ଣ ବହି ପ୍ରତ୍ୟାହାର ହେବନାହିଁ, ବରଂ ସ୍କୁଲଗୁଡ଼ିକୁ ସଂଶୋଧିତ ପୁସ୍ତିକା ଯୋଗାଇ ଦିଆଯିବ। ସାର ବଣ୍ଟନ ପାଇଁ ସୁଧ ରିହାତି ଯୋଜନାରେ ୫ ବର୍ଷରେ ୪୨ କୋଟି ଟଙ୍କା ଖର୍ଚ୍ଚ କରାଯିବ। ଜୁଲାଇ ୪ରେ ଅମିତ ଶାହ ଓଡ଼ିଶା ଗସ୍ତରେ ଆସି ବରଗଡ଼ ଓ ସମ୍ବଲପୁରରେ ଭାଷଣ ଦେବେ। ଅନ୍ୟପକ୍ଷରେ, ସହରାଞ୍ଚଳ ଷ୍ଟ୍ରିଟ୍‌ଲାଇଟ୍‌ ଯୋଗାଣରେ ଏକ ବଡ଼ ଦୁର୍ନୀତି ହୋଇଥିବା ଅଭିଯୋଗ ହୋଇଛି, ଯେଉଁଥିରେ ଇଇଏସ୍‌ଏଲ୍‌ ସଂସ୍ଥା ସରକାରଙ୍କୁ ୩୯ କୋଟି ଟଙ୍କା ଠକି ପାର ହୋଇଥିବା କୁହାଯାଇଛି। ଜୁଲାଇ ୧ରୁ ପେଟ୍ରୋଲ-ଡିଜେଲ ପାଇଁ କମର୍ସିଆଲ୍ କ୍ରେତାଙ୍କ ଉପରୁ ସରକାର ପ୍ରତିବନ୍ଧକ ହଟାଇଛନ୍ତି। ଅପରାଧ ଏବଂ ଆଇନଗତ ଖବର ଅନୁଯାୟୀ, ଭୁବନେଶ୍ୱର ପୋଲିସ୍ ଆସାମରୁ ସାଇବର ଠକ ଜୁନାଇଦୁର (୨୨), ଇଜାଜୁଲ୍ (୨୩) ଏବଂ ହାରୁନ ରସିଦ (୨୯)ଙ୍କୁ ଗିରଫ କରିଛି। ନିଜ ଷ୍ଟାର୍ଟଅପ୍‌ର ଫ୍ରାଞ୍ଚାଇଜ୍ ବଳରେ ରୋଜଗାର ଲୋଭ ଦେଖାଇ ୨୫୦ ଜଣଙ୍କଠାରୁ ୩ କୋଟି ଟଙ୍କା ଠକିଥିବା ସଚ୍ଚିଦାନନ୍ଦ ଭୋଇ ଗିରଫ ହୋଇଛନ୍ତି। ଆୟ ବହିର୍ଭୂତ ସମ୍ପତ୍ତି ମାମଲାରେ ମୟୂରଭଞ୍ଜ ଉଠା ଜଳସେଚନର ଅବସରପ୍ରାପ୍ତ ଜେଇ ଇଂଜିନିୟରଙ୍କୁ ୨ ବର୍ଷ ଜେଲ୍‌ ଓ ପେନସନ ବନ୍ଦ ନିର୍ଦ୍ଦେଶ ଦିଆଯାଇଛି। ଖୋର୍ଦ୍ଧା ବାଲିଅନ୍ତା ସୌମ୍ୟ ହତ୍ୟା ମାମଲାରେ ଆଉ ଜଣେ ଅଭିଯୁକ୍ତ ଗିରଫ ହେବା ସହ ମୋଟ ଗିରଫଦାରୀ ସଂଖ୍ୟା ୨୦ରେ ପହଞ୍ଚିଛି, କିନ୍ତୁ କଳଙ୍କିତ ପୋଲିସ୍ କର୍ମଚାରୀ ସୁରକ୍ଷିତ ଥିବା ଦର୍ଶାଯାଇଛି। ବାରିପଦା ଲଜ୍‌ରେ ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ହୋଇଥିବା ବେଳେ ତାଙ୍କ ପୁରୁଷ ବନ୍ଧୁଙ୍କୁ ହତ୍ୟା ଅଭିଯୋଗରେ ଗିରଫ କରାଯାଇଛି। ପୁରୀ ଜିଲ୍ଲା ଚନ୍ଦ୍ରଭାଗା ବଜାରରେ ସଂଘବଦ୍ଧ ଆକ୍ରମଣରେ ୧୫ ଜଣ ଯୁବକଙ୍କ ଆକ୍ରମଣରେ ଦୁଇ ଭାଇ ଗୁରୁତର ହୋଇଛନ୍ତି। ଭୁବନେଶ୍ୱର ଖଣ୍ଡଗିରିରେ ଜଣେ ଯୁବକଙ୍କୁ ଲୁହାରେ ପିଟିପିଟି ବୀଭତ୍ସ ହତ୍ୟା କରାଯାଇଥିବା ବେଳେ ପୋଲିସ୍ ତଦନ୍ତ କରୁଛି। ଖୋର୍ଦ୍ଧାର ବାଣପୁରରେ ଯୁବକ ତୋଫାନ ନାୟକଙ୍କ ମୃତ୍ୟୁକୁ ନେଇ ହାଜତ ମୃତ୍ୟୁ ଅଭିଯୋଗ ଆସିଛି। ଆୟ ବହିର୍ଭୂତ ସମ୍ପତ୍ତି ମାମଲାରେ ସୁନ୍ଦରଗଡ଼ ଭିଜିଲାନ୍ସ କୋର୍ଟ ଜଣେ ପୂର୍ବତନ ପୁଲିସ୍ ଏଏସ୍‌ଆଇ ଓ ତାଙ୍କ ପତ୍ନୀ (ପୂର୍ବତନ ସହକାରୀ ଶିକ୍ଷୟିତ୍ରୀ)ଙ୍କୁ ୧ ବର୍ଷ କାରାଦଣ୍ଡ ଓ ୧ ଲକ୍ଷ ଟଙ୍କା ଜରିମାନା ଦଣ୍ଡାଦେଶ ଦେଇଛନ୍ତି। ନକ୍ସଲ ମିସିର ୩୦୦୦ ଯବାନଙ୍କୁ ଚକମା ଦେଇ ସରଣ୍ଡା ଛାଡ଼ି କୋଲହାନ ଜଙ୍ଗଲରେ ପହଞ୍ଚି ଖସିଯାଇଛି। ରାୟଗଡ଼ାର ମା’ ମଝିଘରିଆଣୀ ମନ୍ଦିରର ୯ଟି ଦାନ ହୁଣ୍ଡି ଖୋଲାଯାଇ ୧ କୋଟି ୨୨ ଲକ୍ଷ ୨୯ ହଜାର ୬୨୩ ଟଙ୍କା ଏବଂ ସୁନା ଓ ରୂପା ସଂଗ୍ରହ କରାଯାଇଛି। ସ୍ୱାସ୍ଥ୍ୟ, ପରିବେଶ ଓ ସାମାଜିକ ସମସ୍ୟା ମଧ୍ୟରେ, ରାୟଗଡ଼ାର ଗୁଡାରୀରେ ସ୍ୱାସ୍ଥ୍ୟ ଭିତ୍ତିଭୂମି ଅଭାବରୁ ଜଣେ ମା’ ଓ ନବଜାତ ଶିଶୁର ଜୀବନ ଚାଲିଯାଇଛି। କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ୍ କଲେକ୍ଟର ପଡ଼ାରେ ୨୦ ବର୍ଷ ଧରି ୨୫ଟି ପରିବାର ଜରି ତଳେ ମୌଳିକ ସୁବିଧାରୁ ବଞ୍ଚିତ ହୋଇ ରହିଛନ୍ତି। ରାଉରକେଲା ମହାନଗର ଏନ୍ଆଇଟିରୁ ଆହୁରି ୨ ହଜାର ଗଛ କଟାଯିବା ନେଇ କୋର୍ଟରେ ମାମଲା ଚାଲିଛି। କେନ୍ଦୁଝର ଚମ୍ପୁଆ ବ୍ଲକର ବାଲିପଶି ଗାଁରେ ହାତୀ ଆତଙ୍କ ଯୋଗୁଁ ଘର ଭାଙ୍ଗିବା ସହ ଧାନ ଖାଇଥିବା ଘଟଣା ସାମ୍ନାକୁ ଆସିଛି। କ୍ରୀଡ଼ା ଜଗତରେ, ଫିଫା ବିଶ୍ୱକପରେ ଦକ୍ଷିଣ ଆଫ୍ରିକାର ଦୁଃଖଦ ବିଦାୟ ହୋଇଛି ଏବଂ କାନାଡା ପ୍ରି-କ୍ୱାର୍ଟରରେ ପ୍ରବେଶ କରିଛି। ଓଡ଼ିଶା ମହିଳା ଫୁଟ୍‌ବଲ୍ ଲିଗ୍‌ର ଫାଇନାଲରେ ନିତା ଫୁଟ୍‌ବଲ୍ ଏକାଡେମି ବିଜେତା ହୋଇଥିବା ବେଳେ ଓଡ଼ିଶା ପୁଲିସ୍ ଉପବିଜେତା ହୋଇଛି। ଗତବର୍ଷ ଏହି ସମୟରେ ଘଟିଥିବା କିଛି ଘଟଣାକୁ ସ୍ମରଣ କରାଯାଇଛି, ଯେଉଁଥିରେ ଶ୍ରୀମନ୍ଦିରରେ ପ୍ରଭୁ ଜଗନ୍ନାଥଙ୍କ ମୋଦକ ଚୋରିରୁ ରଥଯାତ୍ରା ଦଳାଚକଟା ପର୍ଯ୍ୟନ୍ତ ବିଭିନ୍ନ ଘଟଣାକୁ ନେଇ ଆଇନ ମନ୍ତ୍ରୀଙ୍କୁ ସମାଲୋଚିତ କରାଯାଇଥିଲା। ରାଜ୍ୟର ଶିଶୁବାଟିକା ଗୁଡ଼ିକରେ ଶିଶୁ ସେବିକା ନିୟୋଜିତ ହେବେ ବୋଲି ଘୋଷଣା ହୋଇଥିଲା। ଏହା ସହ ଆଦାନୀଙ୍କ ପୁରୀ ଗସ୍ତ ପାଇଁ ଜଗନ୍ନାଥଙ୍କ ରଥକୁ ଜାଣିଶୁଣି ଅଟକା ଯାଇଥିଲା ବୋଲି ମଧ୍ୟ ଅଭିଯୋଗ ହୋଇଥିଲା। ଆଜି ବିଶ୍ୱ କ୍ଷୁଦ୍ରଗ୍ରହ ଦିବସ ପାଳିତ ହେଉଛି। ଆଜି ମାଇକ ଟାଇସନ, ଅରବିନ୍ଦ ସ୍ୱାମୀ, ସୟଦ ମିର୍ଜା, ସୁପ୍ରିୟା ସୁଲେ, କ୍ୟାପଟେନ ସୌରଭ କାଲିଆ ଏବଂ ଭବାନୀପାଟଣାର ସମାଜସେବୀ କିଷନ ପଟ୍ଟନାୟକଙ୍କ ଜନ୍ମଦିନ। ଦାଦାଭାଇ ନାରୋଜୀ ଏବଂ ରାଜା ଗୁଲାବ ସିଂଙ୍କ ତିରୋଧାନ ଦିବସ ମଧ୍ୟ ପାଳିତ ହେଉଛି। ଇତିହାସରେ ଆଜିର ଦିନରେ (୧୮୫୫) ବ୍ରିଟିଶ ଓ ଜମିଦାରଙ୍କ ବିରୋଧରେ ସାନ୍ତାଳୀ ବିଦ୍ରୋହ ଆରମ୍ଭ ହୋଇଥିଲା, (୧୯୪୭) ଭାରତ ବିଭାଜନ ପାଇଁ ସୀମା ନିର୍ଦ୍ଧାରଣ କମିଟି ଗଠିତ ହୋଇଥିଲା, (୧୯୩୭) ବିଶ୍ୱର ପ୍ରଥମ ଜରୁରୀ ଫୋନ ନମ୍ବର 999 ଜାରୀ ହୋଇଥିଲା, (୧୯୩୮) କମିକ ବହିରେ ସୁପରମ୍ୟାନ ଚରିତ୍ରର ଜନ୍ମ ହୋଇଥିଲା ଏବଂ (୧୯୬୦) କଙ୍ଗୋ ଦେଶ ସ୍ୱାଧୀନ ହୋଇଥିଲା।

କଳାହାଣ୍ଡି ଜିଲ୍ଲା ଗୋଲାମୁଣ୍ଡା ଗ୍ରାମ ପଞ୍ଚାୟତର ସିନାମାଲ ଗ୍ରାମର ଦିବ୍ୟାଙ୍ଗ ରାମେଶ୍ୱର ବନ୍ଦିଛୋଡ ବର୍ଦ୍ଧିତ ଭତ୍ତା ପାଇଁ ଆକୁଳ ନିବେଦନ କରିଛନ୍ତି। ତାଙ୍କର ଦୁଇଟି ହାତ ଅଚଳ ହୋଇପଡିଥିବା ବେଳେ ସେ ବର୍ତ୍ତମାନ ସରକାରୀ ଭତ୍ତା ବାବଦରେ ୧,୨୦୦ ଟଙ୍କା ପାଉଛନ୍ତି, ଯାହା ୭୫ ପ୍ରତିଶତ ମେଡିକାଲ ପ୍ରମାଣପତ୍ର ଆଧାରରେ ପ୍ରଦାନ କରାଯାଉଛି। ତେବେ ଏହି ଅର୍ଥରେ ପରିବାର ପ୍ରତିପୋଷଣରେ ଅସୁବିଧା ହେଉଥିବା ସେ ଅଭିଯୋଗ କରିଛନ୍ତି। ଶକ୍ତି ଟିଭିର ପଶ୍ଚିମ ଓଡ଼ିଶା ବ୍ୟୁରୋ ଚିଫ୍‌ଙ୍କୁ ସେ ଅଭିଯୋଗ କରି କହିଛନ୍ତି ଯେ, ତାଙ୍କ ପରିବାର ତାଙ୍କ ପତ୍ନୀଙ୍କ କୁଳିମଜୁରୀ ଉପରେ ନିର୍ଭର କରେ। ଯଦି ତାଙ୍କୁ ୮୦ ପ୍ରତିଶତ ମେଡିକାଲ ପ୍ରମାଣପତ୍ର ମିଳେ, ତେବେ ସରକାରଙ୍କ ଠାରୁ ୩,୫୦୦ ଟଙ୍କା ବର୍ଦ୍ଧିତ ଭତ୍ତା ମିଳିପାରିବ। ଏହି ବର୍ଦ୍ଧିତ ଭତ୍ତା ମିଳିଲେ ତାଙ୍କ ପରିବାରର ଭରଣପୋଷଣ ସୁରୁଖୁରୁରେ ଚଳିପାରିବ ବୋଲି ସେ ପ୍ରତିକ୍ରିୟା ପ୍ରକାଶ କରିଛନ୍ତି। ତାଙ୍କ ବାପା ଦୟାରାମ ବନ୍ଦିଛୋଡ ମଧ୍ୟ ଏହି ସମସ୍ୟା ଉପରେ ପ୍ରତିକ୍ରିୟା ରଖିଛନ୍ତି। ଏ ନେଇ ସରପଞ୍ଚ ପୁରୁଷୋତ୍ତମ ସାର ଓ ଅତିରିକ୍ତ ଗୋଷ୍ଠୀ ଅଧିକାରୀ ବିଜୟ କୁମାର ନାୟକଙ୍କୁ ଫୋନ୍ ଯୋଗେ ପଚାରିବାରୁ ସେମାନେ ସୂଚନା ଦେଇଛନ୍ତି ଯେ, ଆସନ୍ତା ଜୁଲାଇ ୨ ତାରିଖରେ ଧର୍ମଗଡ଼ ଉପଖଣ୍ଡରେ ଏକ କ୍ୟାମ୍ପ ଆୟୋଜନ ହେବାର ସମ୍ଭାବନା ରହିଛି। ସେଠାରେ ଡାକ୍ତର ଯେଉଁ ପ୍ରତିଶତ ଦେବେ, ସେହି ଅନୁସାରେ ରାମେଶ୍ୱରଙ୍କୁ ବର୍ଦ୍ଧିତ ଦିବ୍ୟାଙ୍ଗ ଭତ୍ତା ମିଳିପାରିବ।

ଘଣ୍ଟାପଡ଼ା ପ୍ୟାସ୍କରେ ଟାର୍ଗେଟ୍ ନଥିବା କାରଣରୁ ଚାଷୀମାନଙ୍କ ମଧ୍ୟରେ ଘୋଟାଲ ଦେଖିବାକୁ ମିଳିଛି।

ଆଜି ଡୁଙ୍ଗୁରିପାଲି ବ୍ଲକରେ ବିଜେପି ପକ୍ଷରୁ ଜନ ସମ୍ପର୍କ ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। କେନ୍ଦ୍ର ସରକାରଙ୍କ ୧୨ ବର୍ଷ ଏବଂ ରାଜ୍ୟ ସରକାରଙ୍କ ୨ ବର୍ଷ ପୂର୍ତ୍ତି ଅବସରରେ ଜିଲ୍ଲା ଉପସଭାପତି ସାନନ୍ଦ କୁମାର ମେହେର ଡୁଙ୍ଗୁରିପାଲି ବ୍ଲକର ବିଭିନ୍ନ ଗ୍ରାମ ଗସ୍ତ କରିଥିଲେ। ଏହି ଅବସରରେ ସେ ବିଭିନ୍ନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ବହୁ ବିଶିଷ୍ଟ ବ୍ୟକ୍ତିଙ୍କୁ ଭେଟି ସେମାନଙ୍କୁ ସମ୍ମାନୀତ କରିଥିଲେ।

ଆଜି ସୋନପୁର ତେଲ ଜଳ ସେଚନ ବିଭାଗ କାର୍ଯ୍ୟାଳୟରେ ଠିକା କାମକୁ ନେଇ ଏକ ହାତା ହାତି ଘଟଣା ଘଟିଛି।

ଆଜି ସୋନପୁର ଜିଲ୍ଲା ସର୍କିଟ ହାଉସଠାରେ ବିଜେପି ଯୁବ ମୋର୍ଚ୍ଚା ଓଡ଼ିଶାର ଏକ ଗୁରୁତ୍ୱପୂର୍ଣ୍ଣ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଛି। ଏହି ବୈଠକରେ ବିଜେପି ଯୁବ ମୋର୍ଚ୍ଚା ଓଡ଼ିଶା ରାଜ୍ୟ ସଭାପତି ଶ୍ରୀ ଅଭିଳାଷ ପଣ୍ଡା ଉପସ୍ଥିତ ଥିବାବେଳେ, ଜିଲ୍ଲା ବିଜେପି ଯୁବ ମୋର୍ଚ୍ଚା ସଭାପତି ଶ୍ରୀ ସନ୍ତୋଷ ପ୍ରଧାନ ଏହାର ନେତୃତ୍ୱ ନେଇଥିଲେ। ବୈଠକରେ ଡିଜିଟାଲ ଲର୍ନିଙ୍ଗ ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା। ଏଥିସହ, ସୋନପୁର ଜିଲ୍ଲା ବିଜେପି ଯୁବ ମୋର୍ଚ୍ଚା ପାଇଁ ଏକ ନୂତନ ଜିଲ୍ଲା କମିଟି ଗଠନ ନିମନ୍ତେ ରାଜ୍ୟ ସଭାପତିଙ୍କ ପକ୍ଷରୁ ଅନୁମତି ପ୍ରଦାନ କରାଯାଇଛି। ସଂଗଠନକୁ ତୃଣମୂଳ ସ୍ତରରେ ଆହୁରି ସୁଦୃଢ଼ କରିବା, ଅଧିକରୁ ଅଧିକ ଯୁବକଙ୍କୁ ସଂଗଠନ ସହ ଯୋଡ଼ିବା ଏବଂ ଡିଜିଟାଲ ମାଧ୍ୟମର ସଫଳ ବ୍ୟବହାର ଦ୍ୱାରା ସଂଗଠନର କାର୍ଯ୍ୟକୁ ଅଧିକ ଗତିଶୀଳ କରିବା ଉପରେ ଏହି ବୈଠକରେ ଗୁରୁତ୍ୱାରୋପ କରାଯାଇଥିଲା।

ଓଡ଼ିଶା ଭିଜିଲାନ୍ସ ପକ୍ଷରୁ ବୁର୍ଲା ଭୀମସରର ଜଣେ ଅଧିକାରୀଙ୍କ ଘର ଓ କାର୍ଯ୍ୟାଳୟ ଉପରେ ଚଢ଼ାଉ କରାଯାଇଛି। ଆୟ ବହିର୍ଭୂତ ସମ୍ପତ୍ତି ଠୁଳ କରିବା ଅଭିଯୋଗରେ, ୩୦.୬.୨୬ ତାରିଖରେ ବୁର୍ଲା (ଭୀମସାର)ର ଏଷ୍ଟାବ୍ଲିଶମେଣ୍ଟ ଅଫିସର-କମ୍-ଅଫିସ ସୁପରିନଟେଣ୍ଡେଣ୍ଟ ଧନୁର୍ଦ୍ଧରଙ୍କ ଚାରୋଟି ସ୍ଥାନରେ ଏକକାଳୀନ ଚଢ଼ାଉ ଆରମ୍ଭ କରାଯାଇଥିଲା। ଏହି ଚଢ଼ାଉରେ ଧନୁର୍ଦ୍ଧରଙ୍କ ଘରୁ ୨୦ ଲକ୍ଷ ଟଙ୍କା ନଗଦ ଜବତ କରାଯାଇଛି। ଏହା ବ୍ୟତୀତ, ସୁନା-ରୂପା ଓ କିଛି ଜମି କାଗଜପତ୍ର ମଧ୍ୟ ମିଳିଛି। ସମ୍ବଲପୁର ଭିଜିଲାନ୍ସ ସ୍ପେଶାଲ ଜଜ୍‌ଙ୍କ ଦ୍ୱାରା ଜାରି ହୋଇଥିବା ସର୍ଚ୍ଚ ୱାରେଣ୍ଟ ଆଧାରରେ ଏହି ଚଢ଼ାଉ କରିଥିଲା। ଏଥିରେ ୨ ଜଣ ଡିଏସପି, ୫ ଜଣ ଇନ୍ସପେକ୍ଟର, ୩ ଜଣ ଏଏସଆଇ ଏବଂ ଅନ୍ୟ କର୍ମଚାରୀ ସାମିଲ ଥିଲେ।

Post by Rajes Argus news