రాష్ట్రవ్యాప్తంగా భూ సమస్యలకు శాశ్వత పరిష్కారం చూపడంతో పాటు భూ భారతి చట్టాన్ని సమర్థవంతంగా అమలు చేయడానికి భూ రీ-సర్వేను అత్యంత ప్రాధాన్యతతో చేపట్టాలని తెలంగాణ రెవెన్యూ, గృహ నిర్మాణ, సమాచార పౌర సంబంధాల శాఖ మంత్రి పొంగులేటి శ్రీనివాస్ రెడ్డి అధికారులను ఆదేశించారు. శనివారం ఖమ్మం జిల్లా సమీకృత కలెక్టరేట్ నుంచి అన్ని జిల్లాల కలెక్టర్లతో ఆయన వీడియో కాన్ఫరెన్స్ నిర్వహించారు. ఈ భూ రీ-సర్వేను మార్చి-2027 నాటికి మూడు విడతల్లో పూర్తి చేయడమే ప్రభుత్వ లక్ష్యమని ఆయన స్పష్టం చేశారు. తొలి విడతలో ప్రతి జిల్లాలో 70 గ్రామాలను ఎంపిక చేసి రీ-సర్వే చేపడుతున్నట్లు వెల్లడించారు. ప్రజా ప్రభుత్వం ఏర్పడిన తర్వాత ధరణిని రద్దు చేసి భూ భారతి చట్టాన్ని తెచ్చామని, దీని ద్వారా రైతులకు పూర్తి భద్రత కల్పిస్తామని మంత్రి తెలిపారు. భూ రీ-సర్వే కోసం శిక్షణ పొందిన 5,700 మంది లైసెన్స్ సర్వేయర్ల సేవలను రెగ్యులర్ సర్వేయర్లతో సమన్వయం చేసుకుంటూ వినియోగించుకోవాలని సూచించారు. వారికి తగిన పేమెంట్, బీమా, సామాజిక భద్రత కల్పిస్తామని హామీ ఇచ్చారు. అలాగే, గతంలో తిరస్కరణకు గురైన సాదాబైనామా దరఖాస్తులను నిబంధనల ప్రకారం త్వరితగతిన పరిష్కరించి నోటీసులు జారీ చేయాలని ఆదేశించారు. రీ-సర్వే కోసం అవసరమైన నాణ్యమైన పరికరాలను జిల్లా స్థాయిలో కొనుగోలు చేయాలని కలెక్టర్లకు సూచించారు. ఇందిరమ్మ ఇళ్ల నిర్మాణాలపై సమీక్షిస్తూ, మొదటి విడత ఇళ్లను త్వరగా పూర్తి చేయాలని, రెండో విడతలో గుడిసెల్లో నివసించే అర్హులైన కుటుంబాలకు తొలి ప్రాధాన్యత ఇవ్వాలని మంత్రి ఆదేశించారు. ఇసుక, కంకర సరఫరాలో ఎలాంటి ఇబ్బందులు లేకుండా చూడాలన్నారు. ఇదే సమావేశంలో పాల్గొన్న సెర్ప్ సీఈవో దివ్య మాట్లాడుతూ, ప్రభుత్వ పాఠశాలలు, గురుకుల విద్యార్థుల యూనిఫాంలను స్వయం సహాయక సంఘాల మహిళా టైలర్ల ద్వారా కుట్టిస్తున్నామని తెలిపారు. జూలై 15 లోపు బాలికలకు, జూలై 30 లోపు బాలురకు యూనిఫాంలు అందించి, ఆగస్టు 15 నాటికి ప్రతి విద్యార్థికి కనీసం ఒక జత అందేలా చర్యలు తీసుకుంటున్నామని పేర్కొన్నారు. ఈ వీడియో కాన్ఫరెన్స్‌లో పాల్గొన్న వనపర్తి జిల్లా కలెక్టర్ ఆదర్శ్ సురభి మాట్లాడుతూ, జిల్లాలో భూముల రీసర్వే ప్రక్రియను వేగంగా పూర్తి చేసేందుకు చర్యలు తీసుకోవాలని సర్వే ఏడీని ఆదేశించారు. లైసెన్స్ సర్వేయర్ల సేవలను సమర్థవంతంగా వినియోగించుకోవాలని సూచించారు. ఈ సమావేశంలో అదనపు కలెక్టర్ వినోద్ కుమార్, సర్వే ఏడీ శ్రీనివాసులు తదితరులు పాల్గొన్నారు.

A Rajashekar Pangal

Lawyer పాంగల్, వనపర్తి, తెలంగాణ•

9 hrs ago

రాష్ట్రవ్యాప్తంగా భూ సమస్యలకు శాశ్వత పరిష్కారం చూపడంతో పాటు భూ భారతి చట్టాన్ని సమర్థవంతంగా అమలు చేయడానికి భూ రీ-సర్వేను అత్యంత ప్రాధాన్యతతో చేపట్టాలని తెలంగాణ రెవెన్యూ, గృహ నిర్మాణ, సమాచార పౌర సంబంధాల శాఖ మంత్రి పొంగులేటి శ్రీనివాస్ రెడ్డి అధికారులను ఆదేశించారు. శనివారం ఖమ్మం జిల్లా సమీకృత కలెక్టరేట్ నుంచి అన్ని జిల్లాల కలెక్టర్లతో ఆయన వీడియో కాన్ఫరెన్స్ నిర్వహించారు. ఈ భూ రీ-సర్వేను మార్చి-2027 నాటికి మూడు విడతల్లో పూర్తి చేయడమే ప్రభుత్వ లక్ష్యమని ఆయన స్పష్టం చేశారు. తొలి విడతలో ప్రతి జిల్లాలో 70 గ్రామాలను ఎంపిక చేసి రీ-సర్వే చేపడుతున్నట్లు వెల్లడించారు. ప్రజా ప్రభుత్వం ఏర్పడిన తర్వాత ధరణిని రద్దు చేసి భూ భారతి చట్టాన్ని తెచ్చామని, దీని ద్వారా రైతులకు పూర్తి భద్రత కల్పిస్తామని మంత్రి తెలిపారు. భూ రీ-సర్వే కోసం శిక్షణ పొందిన 5,700 మంది లైసెన్స్ సర్వేయర్ల సేవలను రెగ్యులర్ సర్వేయర్లతో సమన్వయం చేసుకుంటూ వినియోగించుకోవాలని సూచించారు. వారికి తగిన పేమెంట్, బీమా, సామాజిక భద్రత కల్పిస్తామని హామీ ఇచ్చారు. అలాగే, గతంలో తిరస్కరణకు గురైన సాదాబైనామా దరఖాస్తులను నిబంధనల ప్రకారం త్వరితగతిన పరిష్కరించి నోటీసులు జారీ చేయాలని ఆదేశించారు. రీ-సర్వే కోసం అవసరమైన నాణ్యమైన పరికరాలను జిల్లా స్థాయిలో కొనుగోలు చేయాలని కలెక్టర్లకు సూచించారు. ఇందిరమ్మ ఇళ్ల నిర్మాణాలపై సమీక్షిస్తూ, మొదటి విడత ఇళ్లను త్వరగా పూర్తి చేయాలని, రెండో విడతలో గుడిసెల్లో నివసించే అర్హులైన కుటుంబాలకు తొలి ప్రాధాన్యత ఇవ్వాలని మంత్రి ఆదేశించారు. ఇసుక, కంకర సరఫరాలో ఎలాంటి ఇబ్బందులు లేకుండా చూడాలన్నారు. ఇదే సమావేశంలో పాల్గొన్న సెర్ప్ సీఈవో దివ్య మాట్లాడుతూ, ప్రభుత్వ పాఠశాలలు, గురుకుల విద్యార్థుల యూనిఫాంలను స్వయం సహాయక సంఘాల మహిళా టైలర్ల ద్వారా కుట్టిస్తున్నామని తెలిపారు. జూలై 15 లోపు బాలికలకు, జూలై 30 లోపు బాలురకు యూనిఫాంలు అందించి, ఆగస్టు 15 నాటికి ప్రతి విద్యార్థికి కనీసం ఒక జత అందేలా చర్యలు తీసుకుంటున్నామని పేర్కొన్నారు. ఈ వీడియో కాన్ఫరెన్స్‌లో పాల్గొన్న వనపర్తి జిల్లా కలెక్టర్ ఆదర్శ్ సురభి మాట్లాడుతూ, జిల్లాలో భూముల రీసర్వే ప్రక్రియను వేగంగా పూర్తి చేసేందుకు చర్యలు తీసుకోవాలని సర్వే ఏడీని ఆదేశించారు. లైసెన్స్ సర్వేయర్ల సేవలను సమర్థవంతంగా వినియోగించుకోవాలని సూచించారు. ఈ సమావేశంలో అదనపు కలెక్టర్ వినోద్ కుమార్, సర్వే ఏడీ శ్రీనివాసులు తదితరులు పాల్గొన్నారు.