सहकार भारतीचे प्रदेश महामंत्री विवेक जुगादे यांनी प्रतिपादन केले आहे की, नव्या मजबूत आणि सक्षम सहकार धोरणामुळे राज्याची अर्थव्यवस्था अधिक बळकट होईल. त्यांनी हे देखील स्पष्ट केले की, या नव्या धोरणांमुळे सहकारी संस्थांना काम करताना कोणताही त्रास होणार नाही याची पूर्ण काळजी घेतली जाईल. सहकार भारतीच्या दक्षिण विभागातर्फे आयोजित 'सहकार संवाद' कार्यक्रमाचे उद्घाटन जिल्हा उपनिबंधक मंगेश सुरवसे यांच्या हस्ते झाले, तर नागेबाबा मल्टीस्टेटचे संस्थापक अध्यक्ष कडूभाऊ काळे अध्यक्षस्थानी होते. जुगादे यांनी देशातील आणि राज्यातील सहकारी संस्था अजूनही १९६० च्या जुन्या सहकार कायद्यानुसार कार्यरत असल्याने त्यात बदल आवश्यक असल्याचे सांगितले. या गरजेपोटी २०२१ मध्ये केंद्र सरकारने सहकार मंत्रालयाची स्थापना करून गृहमंत्री अमित शहा यांच्याकडे सहकारमंत्री पदाची जबाबदारी सोपवली. सध्या देशातील सहकार चळवळ स्वच्छ, पारदर्शक आणि संस्कारक्षम बनवण्यासाठी व्यापक बदल प्राधान्याने केले जात असल्याचे त्यांनी नमूद केले. जिल्हा उपनिबंधक मंगेश सुरवसे यांनी सहकार भारतीच्या विविध उपक्रमांमुळे राज्यातील सहकारी संस्थांमध्ये सकारात्मक बदल घडत असल्याचे म्हटले. त्यांनी सांगितले की, सहकार क्षेत्रात सुधारणा करणे जे पूर्वी अशक्य वाटत होते, ते आता शक्य होत आहे. सुरवसे यांनी नागरी सहकारी पतसंस्थांमध्ये संख्यात्मक वाढीऐवजी गुणात्मक वाढीची आवश्यकता असल्याचे सांगितले आणि पतसंस्थांनी आपापसातील व्याजाची स्पर्धा कमी करून योग्य व्याजदर आकारल्यास त्या कधीही अडचणीत येणार नाहीत, असा सल्ला देत सहकार भारतीच्या उपक्रमांचे कौतुक केले. यावेळी सहकार भारतीचे नगर दक्षिण विभागाचे नूतन अध्यक्ष अजिनाथ हजारे, महामंत्री लेखापरीक्षक उमेश देवकर, प्रदेशाचे उपाध्यक्ष अँड. रवी बोरावके, प्रदेश सहसंघटन प्रमुख प्रवीण बुलाख, विभाग प्रमुख संतोष गायकवाड, जिल्हा पतसंस्था फेडरेशनचे किसनराव लोटके, उद्धवराव दुसुंगे, दत्ता गावडे, दिलीप मोहोळकर, सुनील हजारे, मिलिंद गंधे, अनंत होशिंग आणि प्रदीप पत्की आदी उपस्थित होते. या कार्यक्रमाचे सूत्रसंचालन उद्धव काळापहाड यांनी केले, तर सहकार भारतीचे जिल्हा महामंत्री उमेश देवकर यांनी उपस्थितांचे आभार मानले. कार्यक्रमाच्या यशस्वीतेसाठी संघटन प्रमुख सुरेश खामकर, आशा कराळे आणि वैभव जोशी यांनी नियोजन केले.

नव दर्पण

धुळे, धुळे, महाराष्ट्र•

5 hrs ago

सहकार भारतीचे प्रदेश महामंत्री विवेक जुगादे यांनी प्रतिपादन केले आहे की, नव्या मजबूत आणि सक्षम सहकार धोरणामुळे राज्याची अर्थव्यवस्था अधिक बळकट होईल. त्यांनी हे देखील स्पष्ट केले की, या नव्या धोरणांमुळे सहकारी संस्थांना काम करताना कोणताही त्रास होणार नाही याची पूर्ण काळजी घेतली जाईल. सहकार भारतीच्या दक्षिण विभागातर्फे आयोजित 'सहकार संवाद' कार्यक्रमाचे उद्घाटन जिल्हा उपनिबंधक मंगेश सुरवसे यांच्या हस्ते झाले, तर नागेबाबा मल्टीस्टेटचे संस्थापक अध्यक्ष कडूभाऊ काळे अध्यक्षस्थानी होते. जुगादे यांनी देशातील आणि राज्यातील सहकारी संस्था अजूनही १९६० च्या जुन्या सहकार कायद्यानुसार कार्यरत असल्याने त्यात बदल आवश्यक असल्याचे सांगितले. या गरजेपोटी २०२१ मध्ये केंद्र सरकारने सहकार मंत्रालयाची स्थापना करून गृहमंत्री अमित शहा यांच्याकडे सहकारमंत्री पदाची जबाबदारी सोपवली. सध्या देशातील सहकार चळवळ स्वच्छ, पारदर्शक आणि संस्कारक्षम बनवण्यासाठी व्यापक बदल प्राधान्याने केले जात असल्याचे त्यांनी नमूद केले. जिल्हा उपनिबंधक मंगेश सुरवसे यांनी सहकार भारतीच्या विविध उपक्रमांमुळे राज्यातील सहकारी संस्थांमध्ये सकारात्मक बदल घडत असल्याचे म्हटले. त्यांनी सांगितले की, सहकार क्षेत्रात सुधारणा करणे जे पूर्वी अशक्य वाटत होते, ते आता शक्य होत आहे. सुरवसे यांनी नागरी सहकारी पतसंस्थांमध्ये संख्यात्मक वाढीऐवजी गुणात्मक वाढीची आवश्यकता असल्याचे सांगितले आणि पतसंस्थांनी आपापसातील व्याजाची स्पर्धा कमी करून योग्य व्याजदर आकारल्यास त्या कधीही अडचणीत येणार नाहीत, असा सल्ला देत सहकार भारतीच्या उपक्रमांचे कौतुक केले. यावेळी सहकार भारतीचे नगर दक्षिण विभागाचे नूतन अध्यक्ष अजिनाथ हजारे, महामंत्री लेखापरीक्षक उमेश देवकर, प्रदेशाचे उपाध्यक्ष अँड. रवी बोरावके, प्रदेश सहसंघटन प्रमुख प्रवीण बुलाख, विभाग प्रमुख संतोष गायकवाड, जिल्हा पतसंस्था फेडरेशनचे किसनराव लोटके, उद्धवराव दुसुंगे, दत्ता गावडे, दिलीप मोहोळकर, सुनील हजारे, मिलिंद गंधे, अनंत होशिंग आणि प्रदीप पत्की आदी उपस्थित होते. या कार्यक्रमाचे सूत्रसंचालन उद्धव काळापहाड यांनी केले, तर सहकार भारतीचे जिल्हा महामंत्री उमेश देवकर यांनी उपस्थितांचे आभार मानले. कार्यक्रमाच्या यशस्वीतेसाठी संघटन प्रमुख सुरेश खामकर, आशा कराळे आणि वैभव जोशी यांनी नियोजन केले.