हॉटेलमध्ये जेवायला गेलेल्या ग्राहकांवर लोखंडी पाइपने हल्ला; बहिरम हंडी हॉटेलमधील थरारक प्रकार.. शेगांव-खामगांव रोडवर दहशत! हॉटेलमध्ये जेवायला गेलेल्या ग्राहकांवर लोखंडी पाइपने हल्ला; बहिरम हंडी हॉटेलमधील थरारक प्रकार.. शेगांव : शेगाव-खामगाव रोडवरील बहिरम हंडी हॉटेलमध्ये रात्रीच्या वेळी अक्षरशः दहशतीचे वातावरण निर्माण करणारी धक्कादायक घटना घडली असून, जेवणासाठी आलेल्या ग्राहकांवर लोखंडी पाइपने बेदम मारहाण करण्यात आल्याने शहरात संतापाची लाट उसळली आहे. या प्रकरणी शेगाव पोलीस स्टेशनमध्ये गुन्हा दाखल करण्यात आला आहे. पोलीस सूत्रांकडून मिळालेल्या माहितीनुसार, फिर्यादी निशांत भास्कर वक्ते (वय ४२, रा. अंबिकानगर, घाटपुरी नाका, खामगाव) हे ८ मार्च रोजी रात्री सुमारे साडेनऊ वाजता आपल्या चार मित्रांसह जेवणासाठी बहिरम हंडी हॉटेलमध्ये गेले होते. त्यांनी पाच जणांच्या जेवणाची ऑर्डर दिली होती. मात्र बराच वेळ उलटल्यानंतरही पूर्ण ऑर्डर न देता आरोपी आलोक बिलेवार याने केवळ दोन जणांची थाळी दिल्याने ग्राहकांनी याबाबत जाब विचारला. यावरून हॉटेलमध्ये जोरदार वाद पेटला आणि वातावरण क्षणात तापले. दरम्यान, घडणाऱ्या प्रकाराचे मोबाईलवर चित्रीकरण सुरू होताच आरोपी संतापले. त्यानंतर आलोक बिलेवार, हॉटेलमधील कारागीर, गल्ल्यावर बसलेली व्यक्ती तसेच काळा टी-शर्ट घातलेली अज्ञात व्यक्ती यांनी एकत्रितपणे हॉटेलमधील लोखंडी पाइप उचलत ग्राहकांवर जीवघेणा हल्ला चढवला. अचानक झालेल्या या हल्ल्यात फिर्यादी व त्यांच्या मित्रांना बेदम मारहाण करण्यात आली. हॉटेलमध्ये सुरू झालेल्या या राड्यामुळे परिसरात काही काळ भीती व तणावाचे वातावरण निर्माण झाले. नागरिकांमध्येही या घटनेबाबत तीव्र संताप व्यक्त होत आहे. या प्रकरणी शेगाव पोलीस स्टेशनमध्ये अपराध क्रमांक ८३/२०२६ नोंदविण्यात आला असून भारतीय न्याय संहिता (BNS) २०२३ अंतर्गत कलम 118(1), 352, 351(2) व 3(5) अन्वये गुन्हा दाखल करण्यात आला आहे. पुढील तपास मोबीन शाह (बकल नं. १५५५) करीत आहेत.

Sachin kadukar

Photographer Shegaon, Buldhana•

11 hrs ago

हॉटेलमध्ये जेवायला गेलेल्या ग्राहकांवर लोखंडी पाइपने हल्ला; बहिरम हंडी हॉटेलमधील थरारक प्रकार.. शेगांव-खामगांव रोडवर दहशत! हॉटेलमध्ये जेवायला गेलेल्या ग्राहकांवर लोखंडी पाइपने हल्ला; बहिरम हंडी हॉटेलमधील थरारक प्रकार.. शेगांव : शेगाव-खामगाव रोडवरील बहिरम हंडी हॉटेलमध्ये रात्रीच्या वेळी अक्षरशः दहशतीचे वातावरण निर्माण करणारी धक्कादायक घटना घडली असून, जेवणासाठी आलेल्या ग्राहकांवर लोखंडी पाइपने बेदम मारहाण करण्यात आल्याने शहरात संतापाची लाट उसळली आहे. या प्रकरणी शेगाव पोलीस स्टेशनमध्ये गुन्हा दाखल करण्यात आला आहे. पोलीस सूत्रांकडून मिळालेल्या माहितीनुसार, फिर्यादी निशांत भास्कर वक्ते (वय ४२, रा. अंबिकानगर, घाटपुरी नाका, खामगाव) हे ८ मार्च रोजी रात्री सुमारे साडेनऊ वाजता आपल्या चार मित्रांसह जेवणासाठी बहिरम हंडी हॉटेलमध्ये गेले होते. त्यांनी पाच जणांच्या जेवणाची ऑर्डर दिली होती. मात्र बराच वेळ उलटल्यानंतरही पूर्ण ऑर्डर न देता आरोपी आलोक बिलेवार याने केवळ दोन जणांची थाळी दिल्याने ग्राहकांनी याबाबत जाब विचारला. यावरून हॉटेलमध्ये जोरदार वाद पेटला आणि वातावरण क्षणात तापले. दरम्यान, घडणाऱ्या प्रकाराचे मोबाईलवर चित्रीकरण सुरू होताच आरोपी संतापले. त्यानंतर आलोक बिलेवार, हॉटेलमधील कारागीर, गल्ल्यावर बसलेली व्यक्ती तसेच काळा टी-शर्ट घातलेली अज्ञात व्यक्ती यांनी एकत्रितपणे हॉटेलमधील लोखंडी पाइप उचलत ग्राहकांवर जीवघेणा हल्ला चढवला. अचानक झालेल्या या हल्ल्यात फिर्यादी व त्यांच्या मित्रांना बेदम मारहाण करण्यात आली. हॉटेलमध्ये सुरू झालेल्या या राड्यामुळे परिसरात काही काळ भीती व तणावाचे वातावरण निर्माण झाले. नागरिकांमध्येही या घटनेबाबत तीव्र संताप व्यक्त होत आहे. या प्रकरणी शेगाव पोलीस स्टेशनमध्ये अपराध क्रमांक ८३/२०२६ नोंदविण्यात आला असून भारतीय न्याय संहिता (BNS) २०२३ अंतर्गत कलम 118(1), 352, 351(2) व 3(5) अन्वये गुन्हा दाखल करण्यात आला आहे. पुढील तपास मोबीन शाह (बकल नं. १५५५) करीत आहेत.