नाशिक:आम आदमी पार्टी व संभाजी ब्रिगेड च्या पदाधिकाऱ्यांचा काँग्रेस पक्षात प्रवेश महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या प्रमुख उपस्थितीत आज टिळक भवन येथे आम आदमी पार्टीचे अनेक पदाधिकारी व कार्यकर्त्यांनी काँग्रेस पक्षात प्रवेश केला. यावेळी काँग्रेस पक्षाचे विधानसभा गटनेते व माजी मंत्री आमदार विजय वडेट्टीवार, आमदार भाई जगताप, अखिल भारतीय काँग्रेस कमिटीचे सचिव सचिन सावंत, प्रदेश सरचिटणीस तसेच रोजगार व स्वयंरोजगार विभागाचे अध्यक्ष धनंजय रामकृष्ण शिंदे, नाशिक शहर अध्यक्ष मा. अभय छाजेड आदी मान्यवर उपस्थित होते. प्रांताध्यक्ष हर्षवर्धन सपकाळ यांनी नव्याने प्रवेश केलेल्या सर्व पदाधिकारी व कार्यकर्त्यांचे काँग्रेस कुटुंबात स्वागत करत, पक्षाच्या सर्वसमावेशक विचारसरणीवर भर दिला. त्यांनी सांगितले की, राहुल गांधी यांच्या नेतृत्वावर देशभरातील जनतेचा विश्वास दिवसेंदिवस वाढत असून, धर्मांध व विभाजनकारी शक्तींना तोंड देण्यासाठी काँग्रेसच सक्षम पर्याय आहे. संविधान, बहुजन हित, सामाजिक सलोखा आणि विश्वबंधुत्व या मूल्यांवर आधारित काँग्रेसचा विचार पुढे नेण्याचे आवाहन त्यांनी केले. प्रदेश सरचिटणीस धनंजय रामकृष्ण शिंदे यांनी भाजप सरकारवर टीका करताना सांगितले की, देशात सामाजिक सलोखा बिघडवण्याचे आणि आर्थिक विषमता वाढवण्याचे काम सुरू आहे. शेतकरी, कामगार, गरीब व वंचित घटकांकडे सरकार दुर्लक्ष करत आहे. काँग्रेस हा जनतेशी एकरूप असलेला पक्ष असून, भविष्यातील पिढ्यांच्या हक्कांसाठी संघर्ष करण्याची हीच योग्य वेळ असल्याचे त्यांनी नमूद केले. नासिक येथील आम आदमी पक्षाचे पदाधिकारी गिरीश उगले पाटील, संतोष राऊत, चंद्रशेखर महानुभाव, दीपक सरोदे, सुनील जाधव यांनी यावेळी पक्षप्रवेश केला या बैठकीदरम्यान संघटन विस्ताराबाबत सविस्तर चर्चा करण्यात आली. येत्या काळात काँग्रेसची संघटनात्मक ताकद अधिक बळकट करण्यासाठी नियोजन करण्यात आले असून, राज्यभरात रोजगार व स्वयं रोजगार विभाग अधिक सक्षम करण्याचा निर्धार यावेळी व्यक्त करण्यात आला.

Kapil Katyare

Photographer नाशिक, नाशिक, महाराष्ट्र•

3 hrs ago

नाशिक:आम आदमी पार्टी व संभाजी ब्रिगेड च्या पदाधिकाऱ्यांचा काँग्रेस पक्षात प्रवेश महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांच्या प्रमुख उपस्थितीत आज टिळक भवन येथे आम आदमी पार्टीचे अनेक पदाधिकारी व कार्यकर्त्यांनी काँग्रेस पक्षात प्रवेश केला. यावेळी काँग्रेस पक्षाचे विधानसभा गटनेते व माजी मंत्री आमदार विजय वडेट्टीवार, आमदार भाई जगताप, अखिल भारतीय काँग्रेस कमिटीचे सचिव सचिन सावंत, प्रदेश सरचिटणीस तसेच रोजगार व स्वयंरोजगार विभागाचे अध्यक्ष धनंजय रामकृष्ण शिंदे, नाशिक शहर अध्यक्ष मा. अभय छाजेड आदी मान्यवर उपस्थित होते. प्रांताध्यक्ष हर्षवर्धन सपकाळ यांनी नव्याने प्रवेश केलेल्या सर्व पदाधिकारी व कार्यकर्त्यांचे काँग्रेस कुटुंबात स्वागत करत, पक्षाच्या सर्वसमावेशक विचारसरणीवर भर दिला. त्यांनी सांगितले की, राहुल गांधी यांच्या नेतृत्वावर देशभरातील जनतेचा विश्वास दिवसेंदिवस वाढत असून, धर्मांध व विभाजनकारी शक्तींना तोंड देण्यासाठी काँग्रेसच सक्षम पर्याय आहे. संविधान, बहुजन हित, सामाजिक सलोखा आणि विश्वबंधुत्व या मूल्यांवर आधारित काँग्रेसचा विचार पुढे नेण्याचे आवाहन त्यांनी केले. प्रदेश सरचिटणीस धनंजय रामकृष्ण शिंदे यांनी भाजप सरकारवर टीका करताना सांगितले की, देशात सामाजिक सलोखा बिघडवण्याचे आणि आर्थिक विषमता वाढवण्याचे काम सुरू आहे. शेतकरी, कामगार, गरीब व वंचित घटकांकडे सरकार दुर्लक्ष करत आहे. काँग्रेस हा जनतेशी एकरूप असलेला पक्ष असून, भविष्यातील पिढ्यांच्या हक्कांसाठी संघर्ष करण्याची हीच योग्य वेळ असल्याचे त्यांनी नमूद केले. नासिक येथील आम आदमी पक्षाचे पदाधिकारी गिरीश उगले पाटील, संतोष राऊत, चंद्रशेखर महानुभाव, दीपक सरोदे, सुनील जाधव यांनी यावेळी पक्षप्रवेश केला या बैठकीदरम्यान संघटन विस्ताराबाबत सविस्तर चर्चा करण्यात आली. येत्या काळात काँग्रेसची संघटनात्मक ताकद अधिक बळकट करण्यासाठी नियोजन करण्यात आले असून, राज्यभरात रोजगार व स्वयं रोजगार विभाग अधिक सक्षम करण्याचा निर्धार यावेळी व्यक्त करण्यात आला.