కొండపల్లిలో సిఐటియు 56వ ఆవిర్భావ దినోత్సవాన్ని శనివారం ఉత్సాహంగా నిర్వహించారు. కొండపల్లి మున్సిపల్ కార్మికుల ఆధ్వర్యంలో జరిగిన ఈ వేడుకలో సిఐటియు ఇబ్రహీంపట్నం మండల కార్యదర్శి ఎం. మహేష్ ఎర్రజెండాను ఆవిష్కరించి, కేక్ కట్ చేసి కార్మికులకు శుభాకాంక్షలు తెలిపారు. ఈ సందర్భంగా కార్మికులు పిడికిలి బిగించి "సిఐటియు జిందాబాద్, కార్మిక ఐక్యత వర్ధిల్లాలి" అంటూ నినాదాలతో హోరెత్తించారు. ఎం. మహేష్ మాట్లాడుతూ, 1970 మే 30న స్థాపించిన నాటి నుంచి సిఐటియు కార్మికుల హక్కులు, న్యాయమైన వేతనాలు, ఉద్యోగ భద్రత, సామాజిక భద్రత కోసం నిరంతరం పోరాడుతోందని గుర్తు చేశారు. 'ఐక్యత మరియు పోరాటం' అనే నినాదంతో లక్షలాది మంది కార్మికులను సంఘటితం చేసిందని తెలిపారు. నేడు పెరుగుతున్న ధరలు, నిరుద్యోగం, కాంట్రాక్టు విధానం, కార్మిక చట్టాలను కార్పొరేట్లకు అనుకూలంగా మార్చి, మతతత్వ రాజకీయాల ముసుగులో లేబర్ కోడ్‌లను అమలు చేస్తూ కార్మికులను కట్టుబానిసలుగా మార్చే కుట్ర జరుగుతోందని ఆయన ఆవేదన వ్యక్తం చేశారు. ఈ సవాళ్లను ఎదుర్కోవడానికి కార్మికులందరూ ఐక్యంగా నిలబడాలని మహేష్ పిలుపునిచ్చారు. సిఐటియు కేవలం కార్మికుల సమస్యలకే పరిమితం కాకుండా రైతులు, వ్యవసాయ కార్మికులు, ఇతర శ్రమజీవుల సమస్యల పరిష్కారం కోసం కూడా పోరాడుతోందని, సమానత్వం, సామాజిక న్యాయం, ప్రజాస్వామిక హక్కుల పరిరక్షణ కోసం ఉద్యమాలు కొనసాగిస్తోందని వివరించారు. ఈ సందర్భంగా సిఐటియు స్థాపక నాయకులకు, కార్మిక ఉద్యమం కోసం ప్రాణాలు అర్పించిన అమరవీరులకు ఘన నివాళులర్పించారు. కార్పొరేట్ ప్రైవేటీకరణకు వ్యతిరేకంగా, లేబర్ కోడ్‌ల రద్దుకై మరింత ప్రతిఘటించాలని, బీజేపీ అనుసరిస్తున్న కార్మిక వ్యతిరేక విధానాలపై కార్మికులు ఉద్యమించాలని ఆయన స్పష్టం చేశారు. ఈ కార్యక్రమంలో కొండపల్లి మున్సిపల్ వర్కర్స్ అండ్ ఎంప్లాయీస్ యూనియన్ (సిఐటియు) అధ్యక్షులు జి. సురేష్, కార్యదర్శి టి. కృష్ణ, కోశాధికారి బి. నవీన్, ఉపాధ్యక్షులు దేవుళ్ళు, అప్పారావు, రమణ, సహాయ కార్యదర్శి రత్నారావు, సూర్యలక్ష్మి, కమిటీ సభ్యులు లక్ష్మణ, నాగేశ్వరరావు, ఎస్. శ్రీను, ప్రసాద్, లోవా రాజు తదితరులు పాల్గొన్నారు.

వేముల నాగరాజు

ఇబ్రహీంపట్నం, ఎన్టీఆర్, ఆంధ్రప్రదేశ్•

7 hrs ago

కొండపల్లిలో సిఐటియు 56వ ఆవిర్భావ దినోత్సవాన్ని శనివారం ఉత్సాహంగా నిర్వహించారు. కొండపల్లి మున్సిపల్ కార్మికుల ఆధ్వర్యంలో జరిగిన ఈ వేడుకలో సిఐటియు ఇబ్రహీంపట్నం మండల కార్యదర్శి ఎం. మహేష్ ఎర్రజెండాను ఆవిష్కరించి, కేక్ కట్ చేసి కార్మికులకు శుభాకాంక్షలు తెలిపారు. ఈ సందర్భంగా కార్మికులు పిడికిలి బిగించి "సిఐటియు జిందాబాద్, కార్మిక ఐక్యత వర్ధిల్లాలి" అంటూ నినాదాలతో హోరెత్తించారు. ఎం. మహేష్ మాట్లాడుతూ, 1970 మే 30న స్థాపించిన నాటి నుంచి సిఐటియు కార్మికుల హక్కులు, న్యాయమైన వేతనాలు, ఉద్యోగ భద్రత, సామాజిక భద్రత కోసం నిరంతరం పోరాడుతోందని గుర్తు చేశారు. 'ఐక్యత మరియు పోరాటం' అనే నినాదంతో లక్షలాది మంది కార్మికులను సంఘటితం చేసిందని తెలిపారు. నేడు పెరుగుతున్న ధరలు, నిరుద్యోగం, కాంట్రాక్టు విధానం, కార్మిక చట్టాలను కార్పొరేట్లకు అనుకూలంగా మార్చి, మతతత్వ రాజకీయాల ముసుగులో లేబర్ కోడ్‌లను అమలు చేస్తూ కార్మికులను కట్టుబానిసలుగా మార్చే కుట్ర జరుగుతోందని ఆయన ఆవేదన వ్యక్తం చేశారు. ఈ సవాళ్లను ఎదుర్కోవడానికి కార్మికులందరూ ఐక్యంగా నిలబడాలని మహేష్ పిలుపునిచ్చారు. సిఐటియు కేవలం కార్మికుల సమస్యలకే పరిమితం కాకుండా రైతులు, వ్యవసాయ కార్మికులు, ఇతర శ్రమజీవుల సమస్యల పరిష్కారం కోసం కూడా పోరాడుతోందని, సమానత్వం, సామాజిక న్యాయం, ప్రజాస్వామిక హక్కుల పరిరక్షణ కోసం ఉద్యమాలు కొనసాగిస్తోందని వివరించారు. ఈ సందర్భంగా సిఐటియు స్థాపక నాయకులకు, కార్మిక ఉద్యమం కోసం ప్రాణాలు అర్పించిన అమరవీరులకు ఘన నివాళులర్పించారు. కార్పొరేట్ ప్రైవేటీకరణకు వ్యతిరేకంగా, లేబర్ కోడ్‌ల రద్దుకై మరింత ప్రతిఘటించాలని, బీజేపీ అనుసరిస్తున్న కార్మిక వ్యతిరేక విధానాలపై కార్మికులు ఉద్యమించాలని ఆయన స్పష్టం చేశారు. ఈ కార్యక్రమంలో కొండపల్లి మున్సిపల్ వర్కర్స్ అండ్ ఎంప్లాయీస్ యూనియన్ (సిఐటియు) అధ్యక్షులు జి. సురేష్, కార్యదర్శి టి. కృష్ణ, కోశాధికారి బి. నవీన్, ఉపాధ్యక్షులు దేవుళ్ళు, అప్పారావు, రమణ, సహాయ కార్యదర్శి రత్నారావు, సూర్యలక్ష్మి, కమిటీ సభ్యులు లక్ష్మణ, నాగేశ్వరరావు, ఎస్. శ్రీను, ప్రసాద్, లోవా రాజు తదితరులు పాల్గొన్నారు.