नांदेड जिल्हा परिषदेला 23.कोटी लाख 26 रुपयाचा अर्थसंकल्प मंजूर; महिला, शेती, शिक्षण व आरोग्याला प्राधान्य! नांदेड (प्रतिनिधी) मोहम्मद रफीख नांदेड जिल्हा परिषदेचा सन 2026-27 साठीचा 23 कोटी 26 लाख रुपयांचा अर्थसंकल्प मंजूर करण्यात आला असून ग्रामीण भागाच्या सर्वांगीण विकासावर भर देण्यात आला आहे. महिला सक्षमीकरण, आधुनिक शेती, गुणवत्तापूर्ण शिक्षण आणि सक्षम आरोग्य सेवा या चार प्रमुख आधारस्तंभांवर हा अर्थसंकल्प आधारित आहे. जिल्हा परिषदेच्या मुख्य कार्यकारी अधिकारी तथा प्रशासक मेघना कावली यांनी यशवंतराव चव्हाण सभागृहात झालेल्या बैठकीत हा अर्थसंकल्प सादर केला. यावेळी अतिरिक्त मुख्य कार्यकारी अधिकारी संदीप माळोदे, प्रकल्प संचालक डॉ. संजय तुबाकले, उपमुख्य कार्यकारी अधिकारी राजकुमार मुक्कावार, मुख्य लेखा व वित्त अधिकारी शिवप्रकाश चन्ना यांच्यासह अधिकारी उपस्थित होते. शिक्षण व युवक विकासावर भर शिक्षण विभागासाठी 1 कोटी 16 लाखांची तरतूद करण्यात आली आहे. खेळाचे मैदान विकसित करणे व क्रीडा साहित्य पुरविण्यासाठी 25 लाख रुपये दिले जाणार आहेत. तसेच अकरावी-बारावीतील विद्यार्थ्यांसाठी ‘प्रज्ञा प्रकल्प’ राबवून करिअर मार्गदर्शन व आर्थिक सहाय्यासाठी 32 लाखांची तरतूद करण्यात आली आहे. आरोग्य सेवा मजबूत ग्रामीण भागातील श्वानदंश व सर्पदंश रोखण्यासाठी 20 लाख, प्राथमिक आरोग्य केंद्रात अत्याधुनिक प्रसूती कक्षासाठी 20 लाख आणि आरोग्यदूत योजना, NQAS, क्षयरोगमुक्त गाव उपक्रमासाठी एकूण 45 लाखांची तरतूद करण्यात आली आहे. सामाजिक न्याय व कल्याण अनुसूचित जाती-जमाती व दुर्बल घटकांसाठी 1 कोटी 56 लाखांचा निधी ठेवण्यात आला आहे. यामध्ये व्यवसाय सहाय्य, वाहन खरेदी अनुदान, विद्यार्थ्यांसाठी लॅपटॉप मदत आणि गर्भवती महिलांसाठी अॅनोमली स्कॅनसाठी 40 लाखांचा समावेश आहे. दिव्यांगांसाठी स्वतंत्र 1 कोटी 16 लाखांची तरतूद आहे. शेती व ग्रामीण अर्थव्यवस्था आधुनिक शेतीला चालना देण्यासाठी ड्रोन खरेदी (12 लाख), जैविक कीटकनाशक प्रयोगशाळा (12 लाख), प्रिसीजन फार्मिंग (11 लाख) आणि सूक्ष्म प्रक्रिया उद्योगांसाठी 16 लाखांची तरतूद करण्यात आली आहे. आत्महत्याग्रस्त शेतकरी कुटुंबांना 18 लाखांची मदत दिली जाणार आहे. पाणीपुरवठा व पायाभूत सुविधा पाणीपुरवठा विभागासाठी सर्वाधिक 4 कोटी 65 लाखांचा निधी देण्यात आला आहे. घनकचरा व सांडपाणी व्यवस्थापनासाठी 57 लाखांची तरतूद असून ग्रामविकासासाठी मुख्यमंत्री समृद्ध पंचायत राज अभियानांतर्गत 78 लाख रुपये देण्यात आले आहेत. महिला व बाल विकास महिला व बाल विकासासाठी 78 लाखांची तरतूद करण्यात आली आहे. अंगणवाडीतील मुलांना गणवेश, डेस्क व भांडी पुरविण्यासह विधवा व घटस्फोटित महिलांच्या मुलांना सहाय्य दिले जाणार आहे. ठळक बाबी एकूण अर्थसंकल्प : 23.26 कोटी रुपये पाणीपुरवठ्यासाठी सर्वाधिक निधी : 4.65 कोटी रुपये सामाजिक न्याय व दिव्यांग कल्याण : 2.72 कोटी रुपये प्राधान्य योजना प्रज्ञा प्रकल्प – विद्यार्थ्यांसाठी करिअर मार्गदर्शन आधुनिक शेती – ड्रोन व प्रिसीजन फार्मिंग आरोग्य – आरोग्यदूत, क्षयरोगमुक्त गाव अभियान हा अर्थसंकल्प ग्रामीण भागातील विकासाला गती देणारा ठरणार असून सर्व क्षेत्रांमध्ये संतुलित प्रगती साधण्याचा प्रयत्न करण्यात आला आहे.

Mohammad Rafikh

Graphic designer Nanded, Maharashtra•

on 17 March

नांदेड जिल्हा परिषदेला 23.कोटी लाख 26 रुपयाचा अर्थसंकल्प मंजूर; महिला, शेती, शिक्षण व आरोग्याला प्राधान्य! नांदेड (प्रतिनिधी) मोहम्मद रफीख नांदेड जिल्हा परिषदेचा सन 2026-27 साठीचा 23 कोटी 26 लाख रुपयांचा अर्थसंकल्प मंजूर करण्यात आला असून ग्रामीण भागाच्या सर्वांगीण विकासावर भर देण्यात आला आहे. महिला सक्षमीकरण, आधुनिक शेती, गुणवत्तापूर्ण शिक्षण आणि सक्षम आरोग्य सेवा या चार प्रमुख आधारस्तंभांवर हा अर्थसंकल्प आधारित आहे. जिल्हा परिषदेच्या मुख्य कार्यकारी अधिकारी तथा प्रशासक मेघना कावली यांनी यशवंतराव चव्हाण सभागृहात झालेल्या बैठकीत हा अर्थसंकल्प सादर केला. यावेळी अतिरिक्त मुख्य कार्यकारी अधिकारी संदीप माळोदे, प्रकल्प संचालक डॉ. संजय तुबाकले, उपमुख्य कार्यकारी अधिकारी राजकुमार मुक्कावार, मुख्य लेखा व वित्त अधिकारी शिवप्रकाश चन्ना यांच्यासह अधिकारी उपस्थित होते. शिक्षण व युवक विकासावर भर शिक्षण विभागासाठी 1 कोटी 16 लाखांची तरतूद करण्यात आली आहे. खेळाचे मैदान विकसित करणे व क्रीडा साहित्य पुरविण्यासाठी 25 लाख रुपये दिले जाणार आहेत. तसेच अकरावी-बारावीतील विद्यार्थ्यांसाठी ‘प्रज्ञा प्रकल्प’ राबवून करिअर मार्गदर्शन व आर्थिक सहाय्यासाठी 32 लाखांची तरतूद करण्यात आली आहे. आरोग्य सेवा मजबूत ग्रामीण भागातील श्वानदंश व सर्पदंश रोखण्यासाठी 20 लाख, प्राथमिक आरोग्य केंद्रात अत्याधुनिक प्रसूती कक्षासाठी 20 लाख आणि आरोग्यदूत योजना, NQAS, क्षयरोगमुक्त गाव उपक्रमासाठी एकूण 45 लाखांची तरतूद करण्यात आली आहे. सामाजिक न्याय व कल्याण अनुसूचित जाती-जमाती व दुर्बल घटकांसाठी 1 कोटी 56 लाखांचा निधी ठेवण्यात आला आहे. यामध्ये व्यवसाय सहाय्य, वाहन खरेदी अनुदान, विद्यार्थ्यांसाठी लॅपटॉप मदत आणि गर्भवती महिलांसाठी अॅनोमली स्कॅनसाठी 40 लाखांचा समावेश आहे. दिव्यांगांसाठी स्वतंत्र 1 कोटी 16 लाखांची तरतूद आहे. शेती व ग्रामीण अर्थव्यवस्था आधुनिक शेतीला चालना देण्यासाठी ड्रोन खरेदी (12 लाख), जैविक कीटकनाशक प्रयोगशाळा (12 लाख), प्रिसीजन फार्मिंग (11 लाख) आणि सूक्ष्म प्रक्रिया उद्योगांसाठी 16 लाखांची तरतूद करण्यात आली आहे. आत्महत्याग्रस्त शेतकरी कुटुंबांना 18 लाखांची मदत दिली जाणार आहे. पाणीपुरवठा व पायाभूत सुविधा पाणीपुरवठा विभागासाठी सर्वाधिक 4 कोटी 65 लाखांचा निधी देण्यात आला आहे. घनकचरा व सांडपाणी व्यवस्थापनासाठी 57 लाखांची तरतूद असून ग्रामविकासासाठी मुख्यमंत्री समृद्ध पंचायत राज अभियानांतर्गत 78 लाख रुपये देण्यात आले आहेत. महिला व बाल विकास महिला व बाल विकासासाठी 78 लाखांची तरतूद करण्यात आली आहे. अंगणवाडीतील मुलांना गणवेश, डेस्क व भांडी पुरविण्यासह विधवा व घटस्फोटित महिलांच्या मुलांना सहाय्य दिले जाणार आहे. ठळक बाबी एकूण अर्थसंकल्प : 23.26 कोटी रुपये पाणीपुरवठ्यासाठी सर्वाधिक निधी : 4.65 कोटी रुपये सामाजिक न्याय व दिव्यांग कल्याण : 2.72 कोटी रुपये प्राधान्य योजना प्रज्ञा प्रकल्प – विद्यार्थ्यांसाठी करिअर मार्गदर्शन आधुनिक शेती – ड्रोन व प्रिसीजन फार्मिंग आरोग्य – आरोग्यदूत, क्षयरोगमुक्त गाव अभियान हा अर्थसंकल्प ग्रामीण भागातील विकासाला गती देणारा ठरणार असून सर्व क्षेत्रांमध्ये संतुलित प्रगती साधण्याचा प्रयत्न करण्यात आला आहे.