മലപ്പുറം കൽപകഞ്ചേരി എം.എസ്.എം ഹയർ സെക്കൻഡറി സ്കൂളിൽ അഞ്ചാം ക്ലാസ് വിദ്യാർത്ഥിനിയുടെ കൈ ചൂരൽ കൊണ്ട് തല്ലിയൊടിച്ച സംഭവത്തിൽ അധ്യാപകനായ വടകര സ്വദേശി ബൽരാജിനെ കൽപകഞ്ചേരി പോലീസ് അറസ്റ്റ് ചെയ്തു. ഇയാൾക്കെതിരെ ജുവനൈൽ ജസ്റ്റിസ് ആക്ട് പ്രകാരമാണ് കേസെടുത്തിരിക്കുന്നത്. പനി ബാധിച്ച് ഏതാനും ദിവസങ്ങളായി ക്ലാസിൽ വരാതിരുന്ന കുട്ടി കഴിഞ്ഞ വെള്ളിയാഴ്ച സ്കൂളിലെത്തിയപ്പോഴാണ് ക്രൂരമായ മർദ്ദനത്തിനിരയായത്. ക്ലാസിലെ ബെഞ്ചിലിരുന്ന് നോട്ടുബുക്കിൽ എഴുതുകയായിരുന്ന കുട്ടിയെ അധ്യാപകൻ പിന്നിലൂടെ വന്ന് പെട്ടെന്ന് ചൂരൽ ഉപയോഗിച്ച് ക്രൂരമായി അടിക്കുകയായിരുന്നു. മർദ്ദനമേറ്റ് കൈ ഒടിഞ്ഞിട്ടും ആ കൈകൊണ്ട് തന്നെ കുട്ടിയെക്കൊണ്ട് ബോർഡിൽ എഴുതിക്കാൻ അധ്യാപകൻ നിർബന്ധിച്ചു. കൈയ്ക്ക് അസഹനീയമായ വേദനയുണ്ടെന്ന് കുട്ടി കരഞ്ഞു പറഞ്ഞിട്ടും ഇയാൾ ആശുപത്രിയിൽ എത്തിക്കാൻ തയ്യാറായില്ല. പിന്നീട് സംഭവം ഗുരുതരമാണെന്ന് മനസ്സിലാക്കിയ സ്കൂളിലെ മറ്റ് അധ്യാപകർ കുട്ടിയെ വീട്ടിലെത്തിക്കുകയായിരുന്നു. തുടർന്ന് രക്ഷിതാക്കൾ ചേർന്ന് കുട്ടിയെ ഉടൻ ആശുപത്രിയിൽ പ്രവേശിപ്പിച്ചു. പരിശോധനയിലാണ് കൈയിലെ അസ്ഥിക്ക് ഒടിവുണ്ടെന്ന് കണ്ടെത്തിയത്. സംഭവം വിവാദമായതോടെ സംസ്ഥാന ബാലാവകാശ കമ്മീഷൻ നേരിട്ടെത്തി കുട്ടിയുടെയും രക്ഷിതാക്കളുടെയും മൊഴി രേഖപ്പെടുത്തിയിട്ടുണ്ട്. കൂടാതെ കൽപകഞ്ചേരി പോലീസ് സ്കൂളിലെത്തി മറ്റ് കുട്ടികളിൽ നിന്നും വിവരങ്ങൾ ശേഖരിച്ചു. കുട്ടിയുടെയും രക്ഷിതാക്കളുടെയും വിശദമായ മൊഴി രേഖപ്പെടുത്തിയ ശേഷം കസ്റ്റഡിയിലെടുത്ത പ്രതിയെ പരപ്പനങ്ങാടി കോടതിയിൽ ഹാജരാക്കും. കുറ്റാരോപിതനായ അധ്യാപകൻ ബൽരാജിനെ സർവീസിൽ നിന്നും അടിയന്തരമായി സസ്പെൻഡ് ചെയ്യുമെന്ന് സ്കൂൾ ഹെഡ്മാസ്റ്റർ അറിയിച്ചു.

CN NEWS

TV News Anchor തിരൂരങ്ങാടി, മലപ്പുറം, കേരളം•

3 hrs ago

മലപ്പുറം കൽപകഞ്ചേരി എം.എസ്.എം ഹയർ സെക്കൻഡറി സ്കൂളിൽ അഞ്ചാം ക്ലാസ് വിദ്യാർത്ഥിനിയുടെ കൈ ചൂരൽ കൊണ്ട് തല്ലിയൊടിച്ച സംഭവത്തിൽ അധ്യാപകനായ വടകര സ്വദേശി ബൽരാജിനെ കൽപകഞ്ചേരി പോലീസ് അറസ്റ്റ് ചെയ്തു. ഇയാൾക്കെതിരെ ജുവനൈൽ ജസ്റ്റിസ് ആക്ട് പ്രകാരമാണ് കേസെടുത്തിരിക്കുന്നത്. പനി ബാധിച്ച് ഏതാനും ദിവസങ്ങളായി ക്ലാസിൽ വരാതിരുന്ന കുട്ടി കഴിഞ്ഞ വെള്ളിയാഴ്ച സ്കൂളിലെത്തിയപ്പോഴാണ് ക്രൂരമായ മർദ്ദനത്തിനിരയായത്. ക്ലാസിലെ ബെഞ്ചിലിരുന്ന് നോട്ടുബുക്കിൽ എഴുതുകയായിരുന്ന കുട്ടിയെ അധ്യാപകൻ പിന്നിലൂടെ വന്ന് പെട്ടെന്ന് ചൂരൽ ഉപയോഗിച്ച് ക്രൂരമായി അടിക്കുകയായിരുന്നു. മർദ്ദനമേറ്റ് കൈ ഒടിഞ്ഞിട്ടും ആ കൈകൊണ്ട് തന്നെ കുട്ടിയെക്കൊണ്ട് ബോർഡിൽ എഴുതിക്കാൻ അധ്യാപകൻ നിർബന്ധിച്ചു. കൈയ്ക്ക് അസഹനീയമായ വേദനയുണ്ടെന്ന് കുട്ടി കരഞ്ഞു പറഞ്ഞിട്ടും ഇയാൾ ആശുപത്രിയിൽ എത്തിക്കാൻ തയ്യാറായില്ല. പിന്നീട് സംഭവം ഗുരുതരമാണെന്ന് മനസ്സിലാക്കിയ സ്കൂളിലെ മറ്റ് അധ്യാപകർ കുട്ടിയെ വീട്ടിലെത്തിക്കുകയായിരുന്നു. തുടർന്ന് രക്ഷിതാക്കൾ ചേർന്ന് കുട്ടിയെ ഉടൻ ആശുപത്രിയിൽ പ്രവേശിപ്പിച്ചു. പരിശോധനയിലാണ് കൈയിലെ അസ്ഥിക്ക് ഒടിവുണ്ടെന്ന് കണ്ടെത്തിയത്. സംഭവം വിവാദമായതോടെ സംസ്ഥാന ബാലാവകാശ കമ്മീഷൻ നേരിട്ടെത്തി കുട്ടിയുടെയും രക്ഷിതാക്കളുടെയും മൊഴി രേഖപ്പെടുത്തിയിട്ടുണ്ട്. കൂടാതെ കൽപകഞ്ചേരി പോലീസ് സ്കൂളിലെത്തി മറ്റ് കുട്ടികളിൽ നിന്നും വിവരങ്ങൾ ശേഖരിച്ചു. കുട്ടിയുടെയും രക്ഷിതാക്കളുടെയും വിശദമായ മൊഴി രേഖപ്പെടുത്തിയ ശേഷം കസ്റ്റഡിയിലെടുത്ത പ്രതിയെ പരപ്പനങ്ങാടി കോടതിയിൽ ഹാജരാക്കും. കുറ്റാരോപിതനായ അധ്യാപകൻ ബൽരാജിനെ സർവീസിൽ നിന്നും അടിയന്തരമായി സസ്പെൻഡ് ചെയ്യുമെന്ന് സ്കൂൾ ഹെഡ്മാസ്റ്റർ അറിയിച്ചു.