उमरखेड येथील गोपिकाबाई सीताराम गावंडे महाविद्यालयात २१ जून रोजी 'आंतरराष्ट्रीय योग दिवस' उत्साहात साजरा करण्यात आला. यावेळी प्राचार्य डॉ. माधव कदम यांनी एकाग्रता, भावनिक नियंत्रण आणि सामाजिक सहभाग वाढवण्यासाठी योगाची आवश्यकता असल्याचे प्रतिपादन केले. डॉ. कदम यांनी उपस्थितांना मार्गदर्शन करताना सांगितले की, भारतीय प्राचीन संस्कृतीत योग, योगासने आणि योगसाधनेला अनन्यसाधारण महत्त्व आहे. योग म्हणजे तन आणि मन यांचा एकत्रित व्यायाम असून, आजच्या धकाधकीच्या जीवनात योगाच्या माध्यमातून शरीर तंदुरुस्त ठेवून मनावरही चांगले संस्कार करता येतात. नियमित व्यायाम आणि योगासने रोगप्रतिकारशक्ती वाढवतात, असे सांगत त्यांनी सर्वांना योगाचा नियमित सराव करण्याचे आवाहन केले. या कार्यक्रमात कनिष्ठ महाविद्यालयातील क्रीडा शिक्षक प्रा. अभिजीत फुलबांधे यांनी उपस्थितांना अनुलोम-विलोम क्रियेसह शास्त्रशुद्ध पद्धतीने योगासने कशी करावीत, याचे मार्गदर्शन करून सर्वांकडून प्राणायाम आणि योगासनांचे प्रात्यक्षिक करून घेतले. महाविद्यालयातील राष्ट्रीय सेवा योजना आणि राष्ट्रीय छात्र सेनेच्या पुढाकाराने हा 'आंतरराष्ट्रीय योग दिवस' साजरा करण्यात आला. याप्रसंगी उपप्राचार्य प्रा. डॉ. नवीन जांभेकर, राष्ट्रीय सेवा योजनेचे कार्यक्रम अधिकारी प्रा. डॉ. त्रिरत्न भगत, राष्ट्रीय छात्र सेनेचे कॅप्टन प्रा. संतोष पाचकुडके, प्रा. डॉ. विठ्ठल जीवतोडे, प्रा. डॉ. प्रफुल्ल शिरभाते, प्रा. अशोक सूर्यवंशी यांच्यासह राष्ट्रीय सेवा योजना, राष्ट्रीय छात्रसेना आणि महाविद्यालयाचे बहुसंख्य विद्यार्थी उपस्थित होते.

Shaikh irfan Shaikh isa

उमरखेड, यवतमाळ, महाराष्ट्र•

1 hr ago

उमरखेड येथील गोपिकाबाई सीताराम गावंडे महाविद्यालयात २१ जून रोजी 'आंतरराष्ट्रीय योग दिवस' उत्साहात साजरा करण्यात आला. यावेळी प्राचार्य डॉ. माधव कदम यांनी एकाग्रता, भावनिक नियंत्रण आणि सामाजिक सहभाग वाढवण्यासाठी योगाची आवश्यकता असल्याचे प्रतिपादन केले. डॉ. कदम यांनी उपस्थितांना मार्गदर्शन करताना सांगितले की, भारतीय प्राचीन संस्कृतीत योग, योगासने आणि योगसाधनेला अनन्यसाधारण महत्त्व आहे. योग म्हणजे तन आणि मन यांचा एकत्रित व्यायाम असून, आजच्या धकाधकीच्या जीवनात योगाच्या माध्यमातून शरीर तंदुरुस्त ठेवून मनावरही चांगले संस्कार करता येतात. नियमित व्यायाम आणि योगासने रोगप्रतिकारशक्ती वाढवतात, असे सांगत त्यांनी सर्वांना योगाचा नियमित सराव करण्याचे आवाहन केले. या कार्यक्रमात कनिष्ठ महाविद्यालयातील क्रीडा शिक्षक प्रा. अभिजीत फुलबांधे यांनी उपस्थितांना अनुलोम-विलोम क्रियेसह शास्त्रशुद्ध पद्धतीने योगासने कशी करावीत, याचे मार्गदर्शन करून सर्वांकडून प्राणायाम आणि योगासनांचे प्रात्यक्षिक करून घेतले. महाविद्यालयातील राष्ट्रीय सेवा योजना आणि राष्ट्रीय छात्र सेनेच्या पुढाकाराने हा 'आंतरराष्ट्रीय योग दिवस' साजरा करण्यात आला. याप्रसंगी उपप्राचार्य प्रा. डॉ. नवीन जांभेकर, राष्ट्रीय सेवा योजनेचे कार्यक्रम अधिकारी प्रा. डॉ. त्रिरत्न भगत, राष्ट्रीय छात्र सेनेचे कॅप्टन प्रा. संतोष पाचकुडके, प्रा. डॉ. विठ्ठल जीवतोडे, प्रा. डॉ. प्रफुल्ल शिरभाते, प्रा. अशोक सूर्यवंशी यांच्यासह राष्ट्रीय सेवा योजना, राष्ट्रीय छात्रसेना आणि महाविद्यालयाचे बहुसंख्य विद्यार्थी उपस्थित होते.