ఆంధ్రప్రదేశ్ ప్రభుత్వ విప్ మరియు నరసాపురం శాసనసభ్యులు బొమ్మిడి నాయకర్ సోమవారం పాత నవరసాపురం గ్రామంలో రూ.2.10 కోట్లతో నిర్మించిన బీటీ రోడ్డును ప్రారంభించారు. రోడ్లు & భవనాల (R&B) శాఖ నిధులతో ఏనుగువానిలంక శివారు నుండి కొత్త నవరసాపురం జాతీయ రహదారి వరకు ఈ బీటీ రోడ్డును నిర్మించారు. ఈ సందర్భంగా ఎమ్మెల్యే బొమ్మిడి నాయకర్ మాట్లాడుతూ, గతంలో ఎన్నో ప్రభుత్వాలు వచ్చినప్పటికీ పాత నవరసాపురం గ్రామానికి సరైన రహదారి సౌకర్యం కల్పించలేకపోయాయని తెలిపారు. కూటమి ప్రభుత్వం అధికారంలోకి వచ్చి రెండేళ్లు పూర్తయిన సందర్భంగా గ్రామ ప్రజల దీర్ఘకాలిక కోరిక అయిన ఈ రహదారి నిర్మాణాన్ని పూర్తి చేసి ప్రజలకు అందించడం సంతోషంగా ఉందన్నారు. గత ప్రభుత్వంలా కేవలం శంకుస్థాపనలు చేసి పనులను మధ్యలో వదిలిపెట్టే విధానం తమది కాదని, ప్రజలకు ఇచ్చిన ప్రతి హామీని నెరవేర్చడంతో పాటు ప్రారంభించిన ప్రతి అభివృద్ధి పనిని పూర్తి చేసి ప్రజలకు అందించడమే తమ ప్రభుత్వ లక్ష్యమని ఆయన స్పష్టం చేశారు. నరసాపురం నియోజకవర్గ సమగ్ర అభివృద్ధే ధ్యేయంగా పనిచేస్తున్నామని, ప్రజలకు అవసరమైన అన్ని మౌలిక సదుపాయాల కల్పనకు కూటమి ప్రభుత్వం కట్టుబడి ఉందని పేర్కొన్నారు. ఈ కార్యక్రమంలో టీడీపీ పార్టీ ఇంచార్జ్ పొత్తూరి రామరాజు, రాష్ట్ర మత్స్యకార అభివృద్ధి సంఘాల చైర్మన్ కొల్లు పెద్దరాజు, ఏఎంసీ చైర్మన్ జక్కం శ్రీమన్నారాయణ, వైస్ చైర్మన్ దేసినీడి గంగాధర్, జనసేన పార్టీ మండల అధ్యక్షులు ఆకన చంద్రశేఖర్, అర్బన్ బ్యాంక్ చైర్మన్ వలవల నాని, అడ్డాల బాబి, పైడికొండల కృష్ణ, దేవరపు బాబి, ఆదీములపు వెంకటేశ్వరరావు, జనసేన, టీడీపీ, బీజేపీ నాయకులు, కార్యకర్తలు, వీరమహిళలు, జనసైనికులు, ప్రభుత్వ అధికారులు, సిబ్బంది మరియు పెద్ద సంఖ్యలో గ్రామ ప్రజలు పాల్గొన్నారు.

శిద్దాని వేణుగోపాల్ (చిన్ని)

Paan shop నరసాపురం, పశ్చిమ గోదావరి, ఆంధ్రప్రదేశ్•

4 hrs ago

ఆంధ్రప్రదేశ్ ప్రభుత్వ విప్ మరియు నరసాపురం శాసనసభ్యులు బొమ్మిడి నాయకర్ సోమవారం పాత నవరసాపురం గ్రామంలో రూ.2.10 కోట్లతో నిర్మించిన బీటీ రోడ్డును ప్రారంభించారు. రోడ్లు & భవనాల (R&B) శాఖ నిధులతో ఏనుగువానిలంక శివారు నుండి కొత్త నవరసాపురం జాతీయ రహదారి వరకు ఈ బీటీ రోడ్డును నిర్మించారు. ఈ సందర్భంగా ఎమ్మెల్యే బొమ్మిడి నాయకర్ మాట్లాడుతూ, గతంలో ఎన్నో ప్రభుత్వాలు వచ్చినప్పటికీ పాత నవరసాపురం గ్రామానికి సరైన రహదారి సౌకర్యం కల్పించలేకపోయాయని తెలిపారు. కూటమి ప్రభుత్వం అధికారంలోకి వచ్చి రెండేళ్లు పూర్తయిన సందర్భంగా గ్రామ ప్రజల దీర్ఘకాలిక కోరిక అయిన ఈ రహదారి నిర్మాణాన్ని పూర్తి చేసి ప్రజలకు అందించడం సంతోషంగా ఉందన్నారు. గత ప్రభుత్వంలా కేవలం శంకుస్థాపనలు చేసి పనులను మధ్యలో వదిలిపెట్టే విధానం తమది కాదని, ప్రజలకు ఇచ్చిన ప్రతి హామీని నెరవేర్చడంతో పాటు ప్రారంభించిన ప్రతి అభివృద్ధి పనిని పూర్తి చేసి ప్రజలకు అందించడమే తమ ప్రభుత్వ లక్ష్యమని ఆయన స్పష్టం చేశారు. నరసాపురం నియోజకవర్గ సమగ్ర అభివృద్ధే ధ్యేయంగా పనిచేస్తున్నామని, ప్రజలకు అవసరమైన అన్ని మౌలిక సదుపాయాల కల్పనకు కూటమి ప్రభుత్వం కట్టుబడి ఉందని పేర్కొన్నారు. ఈ కార్యక్రమంలో టీడీపీ పార్టీ ఇంచార్జ్ పొత్తూరి రామరాజు, రాష్ట్ర మత్స్యకార అభివృద్ధి సంఘాల చైర్మన్ కొల్లు పెద్దరాజు, ఏఎంసీ చైర్మన్ జక్కం శ్రీమన్నారాయణ, వైస్ చైర్మన్ దేసినీడి గంగాధర్, జనసేన పార్టీ మండల అధ్యక్షులు ఆకన చంద్రశేఖర్, అర్బన్ బ్యాంక్ చైర్మన్ వలవల నాని, అడ్డాల బాబి, పైడికొండల కృష్ణ, దేవరపు బాబి, ఆదీములపు వెంకటేశ్వరరావు, జనసేన, టీడీపీ, బీజేపీ నాయకులు, కార్యకర్తలు, వీరమహిళలు, జనసైనికులు, ప్రభుత్వ అధికారులు, సిబ్బంది మరియు పెద్ద సంఖ్యలో గ్రామ ప్రజలు పాల్గొన్నారు.