सन २०२६-२७ या कालावधीतील मालमत्ता कर देयके निर्गमित, मालमत्ता कर भरण्यासाठी ऑनलाइन व ऑफलाइन सुविधा उपलब्ध मुंबई। बृहन्मुंबई महानगरपालिकेच्या करनिर्धारण व संकलन खात्यामार्फत दिनांक १ एप्रिल २०२६ ते दिनांक ३१ मार्च २०२७ या आर्थिक वर्षातील मालमत्ता कराची देयके मनपा चे सिटिजन पोर्टलवर दिनांक २१ जुलै २०२६ पासून ऑनलाईन स्वरूपात उपलब्‍ध करून देण्यात आली आहे. तसेच छापील देयके मालमत्ता धारकांना वितरित करण्यात आली आहेत. भूखंड प्रवर्गातील मालमत्ता वगळता इतर सर्व करनिर्धारित मालमत्तांचा या देयकांमध्ये समावेश आहे. देय दिनांकाच्या आतमध्ये ऑनलाइन पद्धतीने अथवा विभाग कार्यालयातील नागरी सुविधा केंद्रांमध्ये (CFC) कर भरण्याची सुविधा उपलब्ध आहे. विहित मुदतीत मालमत्ता कर भरणा न केल्यास महानगरपालिका अधिनियमातील कलम २०२ अन्वये दंडात्मक कारवाई होऊ शकते. दंडात्मक कारवाई होऊ नये, यासाठी मालमत्ता धारकांना वेळेत कर भरणा करावा, असे आवाहन महानगरपालिकेमार्फत करण्यात येत आहे. ग्राहकाची ओळख व माहिती पडताळणी (KYC) अंतर्गत नोंदणी पूर्ण झालेल्या तसेच अद्याप केवायसी नोंदणी न केलेल्या मालमत्ताधारकांसाठीही ऑनलाइन पद्धतीने मालमत्ता कर भरण्याची सुविधा उपलब्ध करून देण्यात आली आहे. त्यामुळे संबंधित मालमत्ताधारकांनी महानगरपालिकेच्या मालमत्ता कर पोर्टलचा वापर करून आपल्या मालमत्तेची देय रक्कम तपासून कराचा भरणा करता येणार आहे. मालमत्ता कराचा ऑनलाइन भरणा कशा पद्धतीने करावा, तसेच केवासी नोंदणी करावयाची असल्यास त्यासाठीची प्रक्रिया याबाबतची सविस्तर माहिती महानगरपालिकेच्या पोर्टलवर उपलब्ध करून देण्यात आली आहे. करदात्यांना ऑनलाइन सुविधेचा वापर करून घरबसल्या मालमत्ता कराचा भरणा करता येणार असल्याने नागरिकांचा वेळ व श्रम वाचणार आहेत. या समवेतच, एनएफटीई, आरटीजीएस, गुगल पे, डेबिट कार्ड, क्रेडिट कार्ड द्वारे नागरिक कर भरणा करू शकतात. तसेच, सिटी बँक, बँक ऑफ बडोदा, स्टेट बँक ऑफ इंडिया, इंडियन बँक आणि बँक ऑफ महाराष्ट्र या बँकांचा पेमेंट गेट वे निवडू शकतात. या व्यतिरिक्त ऑफलाईन पद्धतीने मालमत्ता कर भरण्याची सुविधाही उपलब्ध आहे. ज्या मालमत्ताधारकांना मालमत्ता कराचा भरणा ऑफलाईन पद्धतीने करावयाचा आहे, ते मालमत्ताधारक बृहन्मुंबई महानगरपालिकेच्या विभाग कार्यालयांतील नागरी सुविधा केंद्रांमध्ये जाऊन धनादेश, धनाकर्ष / डिमांड ड्राफ्ट (D.D.) / रोख स्वरूपात मालमत्ता कराचा भरणा करू शकतात. तरी, सर्व मालमत्ताधारक करदाते व नागरिकांनी सन २०२६ - २७ या आर्थिक वर्षाचा मालमत्ता कर वेळेत भरून महानगरपालिकेने उपलब्ध करून दिलेल्या ऑनलाइन तसेच ऑफलाइन भरणा सुविधांचा लाभ घ्यावा, असे आवाहन बृहन्मुंबई महानगरपालिकेच्या वतीने करण्यात येत आहे.

Amit Omprakash tiwari

मुंबई, मुंबई, महाराष्ट्र•

1 hr ago

सन २०२६-२७ या कालावधीतील मालमत्ता कर देयके निर्गमित, मालमत्ता कर भरण्यासाठी ऑनलाइन व ऑफलाइन सुविधा उपलब्ध मुंबई। बृहन्मुंबई महानगरपालिकेच्या करनिर्धारण व संकलन खात्यामार्फत दिनांक १ एप्रिल २०२६ ते दिनांक ३१ मार्च २०२७ या आर्थिक वर्षातील मालमत्ता कराची देयके मनपा चे सिटिजन पोर्टलवर दिनांक २१ जुलै २०२६ पासून ऑनलाईन स्वरूपात उपलब्‍ध करून देण्यात आली आहे. तसेच छापील देयके मालमत्ता धारकांना वितरित करण्यात आली आहेत. भूखंड प्रवर्गातील मालमत्ता वगळता इतर सर्व करनिर्धारित मालमत्तांचा या देयकांमध्ये समावेश आहे. देय दिनांकाच्या आतमध्ये ऑनलाइन पद्धतीने अथवा विभाग कार्यालयातील नागरी सुविधा केंद्रांमध्ये (CFC) कर भरण्याची सुविधा उपलब्ध आहे. विहित मुदतीत मालमत्ता कर भरणा न केल्यास महानगरपालिका अधिनियमातील कलम २०२ अन्वये दंडात्मक कारवाई होऊ शकते. दंडात्मक कारवाई होऊ नये, यासाठी मालमत्ता धारकांना वेळेत कर भरणा करावा, असे आवाहन महानगरपालिकेमार्फत करण्यात येत आहे. ग्राहकाची ओळख व माहिती पडताळणी (KYC) अंतर्गत नोंदणी पूर्ण झालेल्या तसेच अद्याप केवायसी नोंदणी न केलेल्या मालमत्ताधारकांसाठीही ऑनलाइन पद्धतीने मालमत्ता कर भरण्याची सुविधा उपलब्ध करून देण्यात आली आहे. त्यामुळे संबंधित मालमत्ताधारकांनी महानगरपालिकेच्या मालमत्ता कर पोर्टलचा वापर करून आपल्या मालमत्तेची देय रक्कम तपासून कराचा भरणा करता येणार आहे. मालमत्ता कराचा ऑनलाइन भरणा कशा पद्धतीने करावा, तसेच केवासी नोंदणी करावयाची असल्यास त्यासाठीची प्रक्रिया याबाबतची सविस्तर माहिती महानगरपालिकेच्या पोर्टलवर उपलब्ध करून देण्यात आली आहे. करदात्यांना ऑनलाइन सुविधेचा वापर करून घरबसल्या मालमत्ता कराचा भरणा करता येणार असल्याने नागरिकांचा वेळ व श्रम वाचणार आहेत. या समवेतच, एनएफटीई, आरटीजीएस, गुगल पे, डेबिट कार्ड, क्रेडिट कार्ड द्वारे नागरिक कर भरणा करू शकतात. तसेच, सिटी बँक, बँक ऑफ बडोदा, स्टेट बँक ऑफ इंडिया, इंडियन बँक आणि बँक ऑफ महाराष्ट्र या बँकांचा पेमेंट गेट वे निवडू शकतात. या व्यतिरिक्त ऑफलाईन पद्धतीने मालमत्ता कर भरण्याची सुविधाही उपलब्ध आहे. ज्या मालमत्ताधारकांना मालमत्ता कराचा भरणा ऑफलाईन पद्धतीने करावयाचा आहे, ते मालमत्ताधारक बृहन्मुंबई महानगरपालिकेच्या विभाग कार्यालयांतील नागरी सुविधा केंद्रांमध्ये जाऊन धनादेश, धनाकर्ष / डिमांड ड्राफ्ट (D.D.) / रोख स्वरूपात मालमत्ता कराचा भरणा करू शकतात. तरी, सर्व मालमत्ताधारक करदाते व नागरिकांनी सन २०२६ - २७ या आर्थिक वर्षाचा मालमत्ता कर वेळेत भरून महानगरपालिकेने उपलब्ध करून दिलेल्या ऑनलाइन तसेच ऑफलाइन भरणा सुविधांचा लाभ घ्यावा, असे आवाहन बृहन्मुंबई महानगरपालिकेच्या वतीने करण्यात येत आहे.