उदगीर येथील कृषी उत्पन्न बाजार समितीने शेतकऱ्यांच्या हिताचे रक्षण करण्यासाठी एक महत्त्वपूर्ण निर्णय घेतला आहे. हमाल आणि खरेदीदार मुनिम यांच्यातील वादामुळे मागील चार दिवसांपासून बाजार बंद होता, ज्यामुळे शेतकरी आणि व्यापाऱ्यांचे मोठे नुकसान झाले होते. या पार्श्वभूमीवर, कृषी उत्पन्न बाजार समितीचे सभापती शिवाजीराव हुडे यांनी आपल्या दालनात खरेदीदार आणि दाल मिल मालकांची बैठक बोलावली. यावेळी सभापतींनी स्पष्ट केले की, बाजार समिती शेतकऱ्यांच्या हितासाठी कटिबद्ध आहे आणि जर कोणी शेतकऱ्यांना किंवा व्यापाऱ्यांना वेठीस धरण्याचा प्रयत्न करत असेल तर त्याची गय केली जाणार नाही. दोन दिवसांपूर्वी हमाल आणि मुनिम यांच्यातील वाद मिटल्यानंतरही बाजार बंद ठेवल्याने त्यांनी नाराजी व्यक्त केली, तसेच आता 'पाणी डोक्यावरून जात असून' कडक निर्णय घेण्याची वेळ आल्याचा इशारा दिला. या बैठकीला सचिव प्रदीप पाटील, व्यापारी प्रतिनिधी जगदीश बाहेती, रवींद्र कोरे, दाल मिल असोसिएशनचे अध्यक्ष सुदर्शन मुंढे, सचिव मुन्ना पेन्सलवार, कोषाध्यक्ष माऊली पंदिलवार, कल्पेश बाहेती, लक्ष्मीकांत चिकटवार, राजेश अंबरखाने, दत्ता बिरादार, मोहन हैबतपुरे, शिवलिंग हैबतपुरे, विष्णू अरदवाड, साईनाथ कोरे, नरसिंग चिमणचोडे, लक्ष्मीकांत रायवाड, राहुल मलगे, सूरज नावंदर यांसह अनेक व्यापारी व खरेदीदार उपस्थित होते. या बैठकीत असा निर्णय घेण्यात आला की, आता खरेदीदार अडत दुकानासमोर येणाऱ्या वाहनातील शेतकऱ्याचा शेतमाल जागेवरच प्रतवारी करून, भाव ठरवून थेट आपल्या दुकानात किंवा गोडाऊनमध्ये वजन करून उतरवून घेतील. यामुळे शेतकऱ्याला आता 'मातरे', 'कडत' आणि 'हमाली' लागणार नाही, तसेच खरेदीदारांचाही वेळ वाचेल, असे उपस्थित सर्वांचे म्हणणे होते. कृषी उत्पन्न बाजार समिती ही शेतकरी, व्यापारी आणि हमाल मापारींच्या हिताची एक मोठी संस्था असल्याचे सभापती शिवाजीराव हुडे यांनी पुन्हा एकदा अधोरेखित केले.

Laxman Ugile

उदगीर, लातूर, महाराष्ट्र•

10 hrs ago

उदगीर येथील कृषी उत्पन्न बाजार समितीने शेतकऱ्यांच्या हिताचे रक्षण करण्यासाठी एक महत्त्वपूर्ण निर्णय घेतला आहे. हमाल आणि खरेदीदार मुनिम यांच्यातील वादामुळे मागील चार दिवसांपासून बाजार बंद होता, ज्यामुळे शेतकरी आणि व्यापाऱ्यांचे मोठे नुकसान झाले होते. या पार्श्वभूमीवर, कृषी उत्पन्न बाजार समितीचे सभापती शिवाजीराव हुडे यांनी आपल्या दालनात खरेदीदार आणि दाल मिल मालकांची बैठक बोलावली. यावेळी सभापतींनी स्पष्ट केले की, बाजार समिती शेतकऱ्यांच्या हितासाठी कटिबद्ध आहे आणि जर कोणी शेतकऱ्यांना किंवा व्यापाऱ्यांना वेठीस धरण्याचा प्रयत्न करत असेल तर त्याची गय केली जाणार नाही. दोन दिवसांपूर्वी हमाल आणि मुनिम यांच्यातील वाद मिटल्यानंतरही बाजार बंद ठेवल्याने त्यांनी नाराजी व्यक्त केली, तसेच आता 'पाणी डोक्यावरून जात असून' कडक निर्णय घेण्याची वेळ आल्याचा इशारा दिला. या बैठकीला सचिव प्रदीप पाटील, व्यापारी प्रतिनिधी जगदीश बाहेती, रवींद्र कोरे, दाल मिल असोसिएशनचे अध्यक्ष सुदर्शन मुंढे, सचिव मुन्ना पेन्सलवार, कोषाध्यक्ष माऊली पंदिलवार, कल्पेश बाहेती, लक्ष्मीकांत चिकटवार, राजेश अंबरखाने, दत्ता बिरादार, मोहन हैबतपुरे, शिवलिंग हैबतपुरे, विष्णू अरदवाड, साईनाथ कोरे, नरसिंग चिमणचोडे, लक्ष्मीकांत रायवाड, राहुल मलगे, सूरज नावंदर यांसह अनेक व्यापारी व खरेदीदार उपस्थित होते. या बैठकीत असा निर्णय घेण्यात आला की, आता खरेदीदार अडत दुकानासमोर येणाऱ्या वाहनातील शेतकऱ्याचा शेतमाल जागेवरच प्रतवारी करून, भाव ठरवून थेट आपल्या दुकानात किंवा गोडाऊनमध्ये वजन करून उतरवून घेतील. यामुळे शेतकऱ्याला आता 'मातरे', 'कडत' आणि 'हमाली' लागणार नाही, तसेच खरेदीदारांचाही वेळ वाचेल, असे उपस्थित सर्वांचे म्हणणे होते. कृषी उत्पन्न बाजार समिती ही शेतकरी, व्यापारी आणि हमाल मापारींच्या हिताची एक मोठी संस्था असल्याचे सभापती शिवाजीराव हुडे यांनी पुन्हा एकदा अधोरेखित केले.