হাউলীত এচি চোৰৰ অপৰাধ পোহৰলৈ অহাৰ পিছতে এইবাৰ হাউলী আৰক্ষীয়ে বিপুল দাস নামৰ এজন টিভী চোৰক জালত পেলাবলৈ সক্ষম হৈছে।

বৰপেটা জিলাৰ মন্দিয়া বিধানসভা সমষ্টিৰ অন্তৰ্গত ১ নং ৰছুলপুৰ গাঁৱৰ নৈপৰীয়া ৰাইজে বিশুদ্ধ খোৱাপানীৰ অভাৱত বেকী নৈৰ ঘোলা পানী সেৱন কৰি প্ৰাণ বচাবলগীয়া হৈছে। গাঁওখনত পানী যোগানৰ এটা আঁচনি আছে যদিও ৰাইজে এটুপি পানীও পোৱা নাই। পানীৰ পাইপসমূহ সংযোগ কৰাৰ পিছতেই বেকী নদীৰ খহনীয়াই উটুৱাই লৈ যোৱাৰ ফলত গাঁওবাসী বিশুদ্ধ খোৱাপানীৰ পৰা বঞ্চিত হৈছে। ফলস্বৰূপে, তেওঁলোকে নদীৰ এই লেতেৰা পানীৰে ৰন্ধা-বঢ়া, খোৱা-লোৱা, গা ধোৱা আদি সকলো দৈনন্দিন কাম কাজ সম্পন্ন কৰিবলৈ বাধ্য হৈছে। এই লেতেৰা পানী সেৱন কৰি ১ নং ৰছুলপুৰ গাঁৱৰ নৈপৰীয়া ৰাইজ বিভিন্ন বেমাৰত আক্ৰান্ত হৈছে। ভুক্তভোগী ৰাইজে অভিযোগ কৰিছে যে চৰকাৰৰ জল জীৱন আঁচনি ফুটুকাৰ ফেনত পৰিণত হৈছে। সেয়েহে, তেওঁলোকে চৰকাৰক শীঘ্ৰে খোৱাপানীৰ সু-ব্যৱস্থা কৰিবলৈ দাবী জনাইছে আৰু এই ক্ষেত্ৰত চৰকাৰৰ সুদৃষ্টি কামনা কৰিছে।

আজি অসমৰ কেবিনেট মন্ত্ৰী পীয়ূষ হাজৰিকা বকো ছয়গাঁও সমষ্টিৰ অন্তৰ্গত ৰাজাপাৰাত উপস্থিত হয়।

আজি চিৰাঙৰ কাজলগাঁৱত আঠটা বিলুপ্তপ্ৰায় সোণালী বান্দৰ উদ্ধাৰ কৰা হৈছে, য'ত ৯ জন চোৰাং চিকাৰীক আটক কৰা হৈছে। এক গোপন সূত্ৰৰ ভিত্তিত কাজলগাঁও থানা, চিডলী থানাৰ আৰক্ষী আৰু গুৱাহাটীৰ পৰা অহা STF বাহিনীয়ে অভিযান চলাই এই চোৰাং চিকাৰীকেইজনক আটক কৰিবলৈ সক্ষম হয়। অসম চৰকাৰে বন্যপ্ৰাণী সুৰক্ষাৰ বাবে প্ৰণয়ন কৰা আইনক বৃদ্ধাংগুষ্ঠ প্ৰদৰ্শন কৰি একাংশ চোৰাং চিকাৰীয়ে সংৰক্ষিত উল্টাপানী বনাঞ্চলৰ পৰা এই বিলুপ্ত প্ৰজাতিৰ বান্দৰকেইটা লৈ আহিছিল। চিৰাং জিলা আৰক্ষী প্ৰশাসন আৰু STF বাহিনীয়ে উদ্ধাৰ কৰা সোণালী বান্দৰকেইটাক পুনৰ বনাঞ্চলত মুকলি কৰি দিয়াৰ বাবে লৈ যায়। আটক কৰা চোৰাং চিকাৰীসকলৰ মাজৰ এজন বাংলাদেশৰ নাগৰিক, যাৰ নাম জামাল বুলি জনা গৈছে। আনহাতে, পশ্চিম বংগৰ পাঁচজন নাগৰিকক চিনাক্ত কৰা হৈছে আলমগীৰ মোল্লা, ফকিৰচান মণ্ডল, খালেক মণ্ডল, লতিবুল শেইখ আৰু ইমজামুল হক হিচাপে। ইয়াৰ উপৰিও, চিৰাং জিলাৰ পিংকুশ নাৰ্জাৰী, জেকছন বিশ্বকৰ্মা আৰু ৰঞ্জিত নাৰ্জাৰীকো এই ঘটনাৰ সৈতে জড়িত থকাৰ অভিযোগত আটক কৰা হৈছে। ঘটনাত জড়িত চোৰাং চিকাৰীকেইজনক আটক কৰি STF বাহিনীয়ে অধিক তথ্যৰ বাবে তদন্ত অব্যাহত ৰাখিছে। আনহাতে, আজি বঙাইগাঁও জিলাৰ ভাৰতীয় জনতা পাৰ্টীৰ উদ্যোগত বঙাইগাঁও ৱাকিং জনতত ভাৰতৰ প্ৰধানমন্ত্ৰীৰ কাৰ্যকালত ভাৰতৰ বিকাশ আৰু জনকল্যাণৰ ১২ বছৰীয়া কাৰ্যসূচীৰ ওপৰত ভিত্তি কৰি এখন তিনিদিনীয়া চিত্ৰ প্ৰদৰ্শনী অনুষ্ঠিত কৰা হৈছে। এই চিত্ৰ প্ৰদৰ্শনী আজিৰ পৰা আৰম্ভ হৈছে আৰু অনুষ্ঠানটো মুকলি কৰা সময়ত বহু লোক উপস্থিত আছিল।

আজি পৱিত্ৰ ৰাভা দিৱস উপলক্ষে সমগ্ৰ ৰাজ্যজুৰি কলা-সংস্কৃতিৰ মহীৰূহ, বৰেণ্য অসমীয়া, গণশিল্পী তথা কলাগুৰু বিষ্ণুপ্ৰসাদ ৰাভাদেৱৰ মৃত্যু বাৰ্ষিকী শ্ৰদ্ধাৰে সোঁৱৰা হৈছে। ৰাজ্যৰ বিভিন্ন প্ৰান্তত ৰাইজে গীতে-মাতে বৰেণ্য অসমীয়াগৰাকীক স্মৰণ কৰে। বিদ্যালয়, মহাবিদ্যালয়ৰ পৰা আৰম্ভ কৰি বিভিন্ন দল-সংগঠনে কলাগুৰুৰ প্ৰতিচ্ছবিত বন্তি প্ৰজ্বলন আৰু মাল্যাৰ্পণ কৰাৰ লগতে তেখেতৰ অমৰ সৃষ্টিসমূহৰ চৰ্চাৰে শিল্পীগৰাকীলৈ গভীৰ শ্ৰদ্ধাঞ্জলি জ্ঞাপন কৰে। সমগ্ৰ ৰাজ্যৰ সমান্তৰালভাৱে বৃহত্তৰ বঙাইগাঁও প্ৰেছ ক্লাবতো অনুষ্টুপীয়াভাৱে ৰাভা দিৱস উদযাপন কৰা হয়। প্ৰেছ ক্লাবৰ বিষয়ববীয়াসকল আৰু সাংবাদিকসকলে একত্ৰিত হৈ শ্ৰদ্ধাৰ শিল্পীগৰাকীক গভীৰ শ্ৰদ্ধাঞ্জলি জ্ঞাপন কৰে। সাংবাদিকসকলে কলাগুৰুৰ কালজয়ী গীতৰ সুৰেৰে অনুষ্ঠানটি জীপাল কৰি তোলে। এই অনুষ্ঠানত সকলোৱে বিষ্ণুপ্ৰসাদ ৰাভাদেৱে অসমীয়া জাতীয় জীৱন, সমাজ আৰু সংস্কৃতিলৈ আগবঢ়াই যোৱা অনবদ্য অৱদানৰ কথা শ্ৰদ্ধাৰে সুঁৱৰে।

বাক্সা জিলাৰ কাহিতামাত যাতায়তৰ ক্ষেত্ৰত জনসাধাৰণে চৰম দুৰ্ভোগ ভুগিবলগীয়া হৈছে। কাহিতামাত থকা হাকুৱা নদীৰ ওপৰত নিৰ্মিত বাক্সা আৰু চিৰাং সংযোগী কালভাৰ্টটো ভঙা হোৱাৰ বাবেই ৰাইজে এই দুৰ্ভোগ ভুগিবলগীয়া হৈছে।

বাক্সাস্থিত অনন্ত একাডেমী ছিনিয়ৰ ছেকেণ্ডাৰী স্কুলত সগৌৰৱে বিষ্ণু ৰাভা দিৱস পালন কৰা হয়। এই উপলক্ষে বিদ্যালয়খনত বিভিন্ন ধৰণৰ কাৰ্যসূচীও অনুষ্ঠিত কৰা হয়।

নতুন মন্ত্ৰীসভাৰ সম্প্ৰসাৰণ সন্দৰ্ভত সাংবাদিকৰ প্ৰশ্নৰ উত্তৰ দি অখিল গগৈয়ে মুখ্যমন্ত্ৰী আৰু পীযুষ হাজৰিকাৰ মাজত বিসম্বাদ বৃদ্ধি পোৱা বুলি মন্তব্য কৰিছে।

কামৰূপ জিলাৰ বকোত কৃষি বিভাগৰ উদ্যোগত শালি ধানৰ উন্নত বীজ বিতৰণ কাৰ্যসূচী ৰূপায়ণ কৰা হৈছে। এই কাৰ্যসূচীৰ লগে লগে প্ৰধান মন্ত্ৰীৰ সপোন 'খেতি বাচাও মাটি বাচাও' শীৰ্ষক এক সজাগতা সভাও অনুষ্ঠিত কৰা হয়।

বঙাইগাঁও জিলাৰ ভাৰতীয় জনতা পাৰ্টীৰ উদ্যোগত আজিৰ পৰা বঙাইগাঁও ৱৰ্কিং জনতাত তিনিদিনীয়া চিত্ৰ প্ৰদৰ্শনী অনুষ্ঠিত হ'ব। এই প্ৰদৰ্শনীৰ জৰিয়তে ভাৰতৰ প্ৰধানমন্ত্ৰীৰ কাৰ্যকালত ভাৰতৰ বিকাশ আৰু জনকল্যাণৰ যোৱা ১২ বছৰৰ কাৰ্যসূচীসমূহ উপস্থাপন কৰা হ'ব। ইফালে, এক গোপন সূত্ৰৰ ভিত্তিত চিৰাং জিলাৰ কাজলগাঁৱত আটটাকৈ বিলুপ্তপ্ৰায় সোণালী বান্দৰ উদ্ধাৰ কৰা হৈছে। এই অভিযান কাজলগাঁও থানাৰ আৰক্ষী, চিদলী থানাৰ আৰক্ষী আৰু গুৱাহাটীৰ পৰা অহা STF বাহিনীয়ে যৌথভাৱে চলাই কেইবাজনো চোৰাংচিকাৰীক আটক কৰে। এই চোৰাংচিকাৰীসকলে অসম চৰকাৰে বন্যপ্ৰাণী সুৰক্ষাৰ বাবে প্ৰণয়ন কৰা আইনক আওকাণ কৰি সংৰক্ষিত উল্টাপানী বনাঞ্চলৰ পৰা এই বিলুপ্তপ্ৰায় সোণালী বান্দৰকেইটা আনিছিল। আটক কৰা চোৰাংচিকাৰীসকলৰ ভিতৰত এজন বাংলাদেশৰ নাগৰিক, যাৰ নাম জামাল বুলি জানিব পৰা গৈছে। আন কেইজন চোৰাংচিকাৰী ক্ৰমে আলমগীৰ মোল্লা, ফকিৰচান মণ্ডল, খালেক মণ্ডল, লতিবুল শেইখ আৰু ইমজামুল হক পশ্চিম বংগৰ নাগৰিক। পিংকুশ নাৰ্জাৰী, জেকছন বিশ্বকৰ্মা আৰু ৰঞ্জিত নাৰ্জাৰী চিৰাং জিলাৰ বাসিন্দা বুলি উল্লেখ কৰা হৈছে। উদ্ধাৰ হোৱা বিলুপ্তপ্ৰায় সোণালী বান্দৰকেইটাক চিৰাং জিলা আৰক্ষী প্ৰশাসন আৰু STF বাহিনীয়ে পুনৰ বনাঞ্চলত মুকলি কৰি দিয়াৰ বাবে লৈ গৈছে। আনহাতে, এই ঘটনাত জড়িত চোৰাংচিকাৰী কেইজনক আটক কৰি STF বাহিনীয়ে অধিক তথ্যৰ বাবে তদন্ত অব্যাহত ৰাখিছে।