ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅନ୍ତର୍ଗତ ଗଙ୍ଗାଧରପୁର ଗ୍ରାମ ପଞ୍ଚାୟତରେ 'ମା ପାଇଁ ଗଛଟିଏ' କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ରାଜ୍ୟରେ ପ୍ରଥମରୁ ଅଷ୍ଟମ ଶ୍ରେଣୀ ପୁସ୍ତକ ତ୍ରୁଟି ଘଟଣାରେ ମୋହନ ସରକାରଙ୍କ ଶକ୍ତ ଛାଟ ବାଜିଛି। ଗ୍ରାଉଣ୍ଡରେ ଅପରାଧିଙ୍କୁ ଧରିବା ପାଇଁ ଏହି ମାମଲାରେ କ୍ରାଇମବ୍ରାଞ୍ଚ ତଦନ୍ତ କରାଯିବ। ଏହି ଘଟଣାକୁ ନେଇ କ୍ରାଇମବ୍ରାଞ୍ଚ ଏସପିଙ୍କ ନିକଟରେ ଏଫ.ଆଇ.ଆର ରୁଜ୍ଜୁ କରିବା ପାଇଁ ଏସ.ସି.ଇ.ଆର.ଟି ନିର୍ଦେଶକଙ୍କୁ ମୁଖ୍ୟମନ୍ତ୍ରୀ ସ୍ପଷ୍ଟ ନିର୍ଦେଶ ଦେଇଛନ୍ତି।

ଯାଜପୁର ବ୍ୟାସନଗର ପୌରପାରିଷଦ ସ୍ଥିତ ଟାଉନ ହଲ୍‌ରେ ଓଜେସି ର ସାଂଗଠିନିକ ସଭା ଅନୁଷ୍ଠିତ ହୋଇଯାଇଛି। ଜିଲ୍ଲା ସଭାପତି ଶ୍ରୀଯୁକ୍ତ ବିଦ୍ୟାଧର ମହାନ୍ତିଙ୍କ ନେତୃତ୍ୱରେ ଏହି ସଭା ଆୟୋଜିତ ହୋଇଥିଲା। ଏହି ସଭାରେ ଓଜେସି ରାଜ୍ୟ ସଭାପତି ମହମଦ ମୁକିମ ଆଗାମୀ ନିର୍ବାଚନ ପାଇଁ ଏକ ବଡ଼ ବୟାନ ଦେଇଛନ୍ତି।

ଯାଜପୁର ଟାଉନ ହଲ୍‌ଠାରେ ଓଡ଼ିଶା ଜନତା କଂଗ୍ରେସର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି।

ଯାଜପୁର ଜିଲ୍ଲା କୋରେଇ ବ୍ଲକ ଅନ୍ତର୍ଗତ ବନ୍ଦlଳ ପଞ୍ଚାୟତରେ ବୈତରଣୀ ନଦୀ ଉପରେ ପ୍ରାୟ ୨୫ କୋଟି ଟଙ୍କା ବ୍ୟୟରେ ନିର୍ମିତ ବିଜୁସେତୁ ଆଜିବି ସାଧାରଣ ଲୋକଙ୍କ ପାଇଁ ସମ୍ପୂର୍ଣ୍ଣ ଉପଯୋଗୀ ହୋଇପାରିନାହିଁ। ଏହି ବୃହତ ପ୍ରକଳ୍ପର ସଂଯୋଗ ରାସ୍ତା କାମ ସମ୍ପୂର୍ଣ୍ଣ ହୋଇ ନଥିବାରୁ ଏତେ ବଡ଼ ବଜେଟର ସେତୁଟି ଲୋକଙ୍କ କାମରେ ଆସିପାରୁ ନାହିଁ। ଏହି କାରଣରୁ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି ଏବଂ ଏହି ୨୫ କୋଟିର ବିଜୁସେତୁ ସମ୍ପୂର୍ଣ୍ଣ ଭାବେ ଅଚଳ ହୋଇ ପଡ଼ିରହିଛି।

କେନ୍ଦ୍ରାପଡ଼ା ଜିଲ୍ଲା ଉନ୍ନୟନ ବୋର୍ଡ ନିର୍ବାଚନରେ ବିଜୟୀ ହୋଇଥିବା ସଭ୍ୟ ଏବଂ ଜିଲ୍ଲାର ନେତୃବର୍ଗଙ୍କୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଭେଟିଛନ୍ତି। ଏହି ସାକ୍ଷାତ ସମୟରେ ସେ ସମସ୍ତ ବିଜୟୀ ସଭ୍ୟ ଓ ଜିଲ୍ଲା ନେତୃବର୍ଗଙ୍କୁ ଶୁଭେଚ୍ଛା ଜଣାଇଛନ୍ତି।

ଯାଜପୁର ଜିଲ୍ଲାର ଧର୍ମଶାଳା ନିର୍ବାଚନ ମଣ୍ଡଳୀ ୧୫ ନମ୍ବର ଜୋନ ପକ୍ଷରୁ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଛି। ବିଜେପି ସରକାରଙ୍କ ଶାସନର ୨ ବର୍ଷ ପୂର୍ତ୍ତି ଉପଲକ୍ଷେ ଏହି ସାମ୍ବାଦିକ ସମ୍ମିଳନୀଟି ଅନୁଷ୍ଠିତ ହୋଇଯାଇଛି।

ଓଡ଼ିଶା ଓ ଛତିଶଗଡ଼ ସରକାରଙ୍କ ମଧ୍ୟରେ ମହାନଦୀ ସମସ୍ୟାର ସମାଧାନ ପାଇଁ ଆପୋଷ ଆଲୋଚନା ମାଧ୍ୟମରେ ସହମତି ପ୍ରକାଶ ପାଇଛି। ଏହି ବିବାଦର ସମାଧାନ ପାଇଁ କୌଣସି ଟ୍ରିବୁନାଲ ନୁହେଁ, ବରଂ ଟେବୁଲ ଉପରେ ବସି ଆଲୋଚନା କରାଯିବ। ଆଇନଗତ ପ୍ରକ୍ରିୟାରୁ ଓହରି ଆପୋଷ ଆଲୋଚନା ଜରିଆରେ ମହାନଦୀ ସମସ୍ୟାର ସମାଧାନ କରିବାକୁ ଉଭୟ ରାଜ୍ୟ ସରକାରଙ୍କ ମଧ୍ୟରେ ସହମତି ହୋଇଛି, ଯାହାଦ୍ୱାରା ଏହି ଦୀର୍ଘ ଦିନର କଳି ତୁଟିବ।

ଯାଜପୁର ଜିଲ୍ଲା ବଡ଼ଚଣା ଥାନା ଅଧୀନ ୫୩ ନମ୍ବର ଜାତୀୟ ରାଜପଥ କୁନ୍ଦଳ ଛକ ନିକଟରେ ଥିବା ଏକ ପୋଖରୀରୁ ଏକ ଅଚିନ୍ନା ଶବ ଭାସୁଥିବା ଦେଖିବାକୁ ମିଳିଛି। ଏହି ଘଟଣା ସ୍ଥଳରେ ସାଇଣ୍ଟିଫିକ ଟିମ ଓ ବଡ଼ଚଣା ପୋଲିସ ପହଞ୍ଚି ତଦନ୍ତ ଚଳାଇଛନ୍ତି। ୫୩ ନମ୍ବର ଜାତୀୟ ରାଜପଥ କଡ଼ କୁନ୍ଦଳ ଛକ ନିକଟରେ ଥିବା ପୋଖରୀରୁ ଏହି ଅଚିନ୍ନା ଶବକୁ ଉଦ୍ଧାର କରାଯାଇଛି।

ଧର୍ମଶାଳା ବ୍ଲକ ଏଣ୍ଡଳବା ଗ୍ରାମରେ ଆଜି ଅପରାହ୍ନରେ ନଡ଼ିଆ ବମ ବାଣ ଫୁଟି ଜଣେ ବ୍ୟକ୍ତି ଗୁରୁତର ହୋଇଛନ୍ତି। ଗ୍ରାମର ରାମ ମଳିକଙ୍କ ପୁଅ ବିପିନ ନିଜ ଘରେ ଥିବା ଏକ ନଡ଼ିଆ ବମ ବାଣକୁ ହାତରେ ଧରି ଚିପି ଦେଇଥିଲେ, ଯାହାଫଳରେ ଏହା ଫୁଟିଯାଇଥିଲା। ଏହି ଦୁର୍ଘଟଣାରେ ବିପିନ ଗୁରୁତର ଭାବେ ଆହତ ହୋଇଛନ୍ତି। ତାଙ୍କୁ ପ୍ରଥମେ ଧର୍ମଶାଳା ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବା ବେଳେ ସେଠାରୁ ଅଧିକ ଚିକିତ୍ସା ପାଇଁ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି।