राऊतांनी इंडी आघाडीची लक्तरे वेशीवर टांगली - नवनाथ बन संजय राऊत यांनी पत्रकार परिषदेतून इंडी आघाडीतील बेबनाव सर्वांसमोर मांडत इंडी आघाडीची लक्तरे अक्षरश: वेशीवर टांगली आहेत. इंडी आघाडी ही विचारांची नव्हे तर केवळ सत्तेसाठी झालेली आघाडी आहे त्यामुळे इंडी आघाडीची मोट बांधायचा कितीही आटापिटा केला तरी तो असफलच होणार अशी टीका भाजपचे माध्यम विभाग प्रमुख नवनाथ बन यांनी आज केली. मुंबईतील भाजप प्रदेश कार्यालयात झालेल्या पत्रकार परिषदेमध्ये ते बोलत होते. इंडी आघाडीकडे कुठलाही अजेंडा नसून भाजपा विरोध हाच एकमेव अजेंडा असल्याने देशातील मतदारांनी त्यांना सपशेल नाकारले आहे असेही त्यांनी नमूद केले. यावेळी बन म्हणाले की, आगामी काळात इंडी आघाडीच्या अजून ठिक-या उडणार आहेत. इंडी आघाडीच्या नेतृत्वावरून इंडी आघाडीमध्ये एकमत होत नाही अशी दयनीय स्थिती आहे. उद्धव ठाकरे यांचे नाव इंडी आघाडीच्या नेतृत्वासाठी राऊतांनी लावून धरावे म्हणजे महाराष्ट्रात जसा भोपळा हाती आला तसाच भोपळा इंडी आघाडीला देशभरात हाती लागल्याशिवाय राहणार नाही अशी खिल्ली त्यांनी उडवली. विधानसभा निवडणुकीत मोठमोठे दावे करत महाविकास आघाडी एकत्रच लढली होती तरीही 'मविआ' च्या घटक पक्षांना धोबीपछाड देत भाजपा महायुती सत्तेत आली हे राऊत विसरले असे म्हणत श्री. बन यांनी शरसंधान साधले. विधानसभेला उबाठा गटाने 90 जागा लढून हाती केवळ 20 जागा मिळाल्या, तीच गत सर्व घटक पक्षांची झाली. याउलट विधानसभेला एकट्या भाजपा 137 जागा जिंकून नंबर एक चा पक्ष ठरला होता. मुंबई महापालिकेवर सत्ता मिळवण्यासाठीही झुंडीने सर्व पक्ष एकत्र येऊन लढले असते तरी मतदारांनी भाजपा महायुतीलाच कौल दिला असता असेही बन म्हणाले.

Ajinkya

मुंबई, मुंबई, महाराष्ट्र•

11 hrs ago

राऊतांनी इंडी आघाडीची लक्तरे वेशीवर टांगली - नवनाथ बन संजय राऊत यांनी पत्रकार परिषदेतून इंडी आघाडीतील बेबनाव सर्वांसमोर मांडत इंडी आघाडीची लक्तरे अक्षरश: वेशीवर टांगली आहेत. इंडी आघाडी ही विचारांची नव्हे तर केवळ सत्तेसाठी झालेली आघाडी आहे त्यामुळे इंडी आघाडीची मोट बांधायचा कितीही आटापिटा केला तरी तो असफलच होणार अशी टीका भाजपचे माध्यम विभाग प्रमुख नवनाथ बन यांनी आज केली. मुंबईतील भाजप प्रदेश कार्यालयात झालेल्या पत्रकार परिषदेमध्ये ते बोलत होते. इंडी आघाडीकडे कुठलाही अजेंडा नसून भाजपा विरोध हाच एकमेव अजेंडा असल्याने देशातील मतदारांनी त्यांना सपशेल नाकारले आहे असेही त्यांनी नमूद केले. यावेळी बन म्हणाले की, आगामी काळात इंडी आघाडीच्या अजून ठिक-या उडणार आहेत. इंडी आघाडीच्या नेतृत्वावरून इंडी आघाडीमध्ये एकमत होत नाही अशी दयनीय स्थिती आहे. उद्धव ठाकरे यांचे नाव इंडी आघाडीच्या नेतृत्वासाठी राऊतांनी लावून धरावे म्हणजे महाराष्ट्रात जसा भोपळा हाती आला तसाच भोपळा इंडी आघाडीला देशभरात हाती लागल्याशिवाय राहणार नाही अशी खिल्ली त्यांनी उडवली. विधानसभा निवडणुकीत मोठमोठे दावे करत महाविकास आघाडी एकत्रच लढली होती तरीही 'मविआ' च्या घटक पक्षांना धोबीपछाड देत भाजपा महायुती सत्तेत आली हे राऊत विसरले असे म्हणत श्री. बन यांनी शरसंधान साधले. विधानसभेला उबाठा गटाने 90 जागा लढून हाती केवळ 20 जागा मिळाल्या, तीच गत सर्व घटक पक्षांची झाली. याउलट विधानसभेला एकट्या भाजपा 137 जागा जिंकून नंबर एक चा पक्ष ठरला होता. मुंबई महापालिकेवर सत्ता मिळवण्यासाठीही झुंडीने सर्व पक्ष एकत्र येऊन लढले असते तरी मतदारांनी भाजपा महायुतीलाच कौल दिला असता असेही बन म्हणाले.