ଦେବଗଡ଼ ଜିଲ୍ଲାର କଳାମାଟିସ୍ଥିତ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟରେ ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି। ଏହି ଭବ୍ୟ କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀମାନେ ଅଂଶଗ୍ରହଣ କରିଥିଲେ। ଅଧ୍ୟାପକ ମନୋରଞ୍ଜନ ବାରିକ୍ ମଞ୍ଜୁଳ ସମଗ୍ର କାର୍ଯ୍ୟକ୍ରମକୁ ପରିଚାଳନା କରିଥିଲେ। ଏହି ଅବସରରେ ପ୍ରାଚାର୍ଯ୍ୟ ଡୋମନ ଏକ୍କା ଯୋଗଭ୍ୟାସର ମହତ୍ତ୍ୱ ଉପରେ ଆଲୋକପାତ କରିଥିଲେ। ସବୁଜ ବନାନୀ ପରିବେଶରେ ଛାତ୍ରଛାତ୍ରୀମାନେ ସୂର୍ଯ୍ୟ ନମସ୍କାର ସହିତ ପତଞ୍ଜଳି ମହର୍ଷିଙ୍କର ପ୍ରାଣାୟାମ ଇତ୍ୟାଦିର ଆଙ୍ଗିକ ଅଭ୍ୟାସ କରିଥିଲେ। କ୍ରୀଡା ଶିକ୍ଷୟିତ୍ରୀ ନନ୍ଦିନୀ ସାହୁ ଓ କ୍ରୀଡା ଶିକ୍ଷକ ରଞ୍ଜନ ବିଶ୍ୱାଳ କାର୍ଯ୍ୟକ୍ରମରେ ସକ୍ରିୟ ଭାବେ ଅଂଶଗ୍ରହଣ କରିଥିଲେ। ଶେଷରେ ସିକନ୍ଦର ନିଷଦ ଧନ୍ୟବାଦ ଅର୍ପଣ କରିଥିଲେ।

ଦେବଗଡ଼ ଜିଲ୍ଲାର ବାରକୋଟ ବ୍ଲକ୍ ଅନ୍ତର୍ଗତ ମସିନ୍ତା ଗ୍ରାମରେ ଜୁନ୍ ୨୧, ୨୦୨୬ ତାରିଖରେ ଜୀବନ ଜ୍ୟୋତି ସମନ୍ୱିତ ନିଶାମୁକ୍ତ ଥାଇଥାନ କେନ୍ଦ୍ର କଣ୍ଡଳ ଆନୁକୂଲ୍ୟରେ ନିଶାମୁକ୍ତ ସପ୍ତାହ, ନିଶାମୁକ୍ତ ଭାରତ ଅଭିଯାନ, ବିକଶିତ ଭାରତ ଏବଂ ଆନ୍ତର୍ଜାତୀୟ ବିଶ୍ୱ ଯୋଗ ଦିବସ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ଅନୁଷ୍ଠାନର କର୍ମଚାରୀ ହୃଷିକେଶ ସାହୁ ଉପସ୍ଥିତ ଅତିଥି ଓ ଅଂଶଗ୍ରହଣକାରୀଙ୍କୁ କାର୍ଯ୍ୟକ୍ରମର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ପ୍ରାରମ୍ଭିକ ସୂଚନା ଦେଇଥିଲେ। ମୁଖ୍ୟ ଅତିଥି ଭାବେ ଯୋଗ ଦେଇଥିବା ବିଶିଷ୍ଟ ସମାଜସେବୀ ଶ୍ରୀଯୁକ୍ତ ଦେବପ୍ରସାଦ ନନ୍ଦ, ଯୋଗର ଉପକାରିତା ଓ ସୁସ୍ଥ ଓ ନିରାମୟ ଜୀବନ ପାଇଁ ଏହାର ଆବଶ୍ୟକତା ଉପରେ ଗୁରୁତ୍ୱାରୋପ କରି ନିଶାମୁକ୍ତ ଭାରତ ଅଭିଯାନରେ ସମସ୍ତଙ୍କୁ ସାମିଲ୍ ହୋଇ ଏକ ବିକଶିତ ଭାରତ ଗଠନ କରିବାକୁ ପରାମର୍ଶ ଦେଇଥିଲେ। ଏହି ଅବସରରେ ଯୋଗ ଗୁରୁ ସଞ୍ଜୟ କୁମାର ନାୟକ ଯୋଗାଭ୍ୟାସ କରାଇଥିଲେ। ଶେଷରେ ରାଜେଶ କୁମାର ନାୟକ ଧନ୍ୟବାଦ ଅର୍ପଣ କରିଥିଲେ।

ଦେବଗଡ଼ ଜିଲ୍ଲାର ବାଳିଘାଟା, ସିଙ୍ଗାସାଳ ଏବଂ ମଦାର ଅଞ୍ଚଳରେ ଏକ ଅତ୍ୟନ୍ତ ଦୁଃଖଦ ଓ ଶୋକାକୂଳ ବାତାବରଣ ଦେଖିବାକୁ ମିଳିଛି। ସ୍ଥାନୀୟ ଅଞ୍ଚଳରେ ଗଭୀର ଶୋକ ଓ କଷ୍ଟ ବ୍ୟାପିଥିବା ସୂଚନା ମିଳିଛି, ଯାହା ଏକ ହୃଦୟ ବିଦାରକ ପରିସ୍ଥିତିକୁ ପ୍ରତିଫଳିତ କରୁଛି।

ବଣାଇ ଉପଖଣ୍ଡର ଲହୁଣୀପଡ଼ା ବ୍ଲକ ଅନ୍ତର୍ଗତ ଗମଲେଇ ଗ୍ରାମରେ ଭାସ୍କର ଷ୍ଟିଲ ଫେରୋ ଏଲୟ ପ୍ଲାଣ୍ଟ ବିରୁଦ୍ଧରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଛି।

କେନ୍ଦୁଝର ଜିଲ୍ଲା ଚମ୍ପୁଆ ସୀମାରେ ମୋଟ ୩୨ଟି ହାତୀ ଏକାଠି ହୋଇଥିବା ଜଣାପଡ଼ିଛି। ସୂଚନା ଅନୁଯାୟୀ, ପୂର୍ବରୁ ଚମ୍ପୁଆ ରେଞ୍ଜରେ ୭ଟି ହାତୀ ରହିଥିବା ବେଳେ, ଦୁଇ ଦିନ ତଳେ ମୟୂରଭଞ୍ଜରୁ ୨୫ଟି ହାତୀ ଚମ୍ପୁଆକୁ ଫେରିଆସିଥିଲେ। ବର୍ତ୍ତମାନ ଏହି ସମସ୍ତ ୩୨ଟି ହାତୀ କେଶରୀ ଗାଁର ଏକ ରବର ବଗିଚାରେ ଏକାଠି ହୋଇ ରହିଛନ୍ତି।

କେନ୍ଦେଇପଶି ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି, ଯେଉଁଥିରେ BLOOM Education ସମ୍ମୁଖରେ ପଡ଼ିଥିବା ବ୍ୟବହୃତ ପୁରୁଣା ପାପୋଛ ଚୋରି ହୋଇଛି। ରାତି ଅଧିଆରେ ଚୋରମାନେ ଏକ ବୋଲେରୋ ଗାଡ଼ିରେ ଆସି ଏହି ଚୋରି କରିଛନ୍ତି। ସମ୍ପୂର୍ଣ୍ଣ ଘଟଣାଟି ସେଠାରେ ଲାଗିଥିବା CCTV କ୍ୟାମେରାରେ କଏଦ ହୋଇଛି।

ଆଜି ଜମନକିରା ବ୍ଲକ ଅନ୍ତର୍ଗତ ଫାଶୀମାଲ ଡାକ୍ତରଖାନା ପରିସରରେ ୧୨ତମ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି। ସମାଜସେବୀ ସୁନୀଲ ମୁଦୁଲି ଏବଂ ଡାକ୍ତର ହରିଶ ଚନ୍ଦ୍ର ବାଘଙ୍କ ତତ୍ତ୍ୱାବଧାନରେ ଆୟୋଜିତ ଏହି ଯୋଗ ଶିବିରରେ ଯୋଗର ଉପକାରିତା ଓ ସୁସ୍ଥ ଜୀବନଶୈଳୀ ସମ୍ପର୍କରେ ସଚେତନତା ସୃଷ୍ଟି କରାଯାଇଥିଲା। ଏହି କାର୍ଯ୍ୟକ୍ରମରେ ଅଞ୍ଚଳର ବରିଷ୍ଠ ନାଗରିକ, ଯୁବକ-ଯୁବତୀ ଓ କୁନି କୁନି ଶିଶୁମାନେ ବହୁ ଉତ୍ସାହର ସହ ଭାଗ ନେଇଥିଲେ। ଯୋଗ ଶିକ୍ଷକ ସୁଧାଂଶୁ ଶେଖର ଥଲାପତି ଓ ମୀନା କୁମାରୀ ନାୟକ ଉପସ୍ଥିତ ଲୋକଙ୍କୁ ବିଭିନ୍ନ ଯୋଗାସନ ଓ ପ୍ରାଣାୟାମ ସମ୍ପର୍କରେ ପ୍ରଶିକ୍ଷଣ ପ୍ରଦାନ କରିଥିଲେ। ସେମାନେ ଜଣାଇଥିଲେ ଯେ ନିୟମିତ ଯୋଗ ଅଭ୍ୟାସ ଦ୍ୱାରା ଶାରୀରିକ ଓ ମାନସିକ ସୁସ୍ଥତା ବଜାୟ ରହିବା ସହ ବିଭିନ୍ନ ରୋଗରୁ ମଧ୍ୟ ଦୂରେଇ ରହିବା ସମ୍ଭବ। କାର୍ଯ୍ୟକ୍ରମରେ ଅନେକ ଲୋକ ଯୋଗଦେଇ ଯୋଗାଭ୍ୟାସ କରିବା ସହ ଏହାକୁ ନିଜ ଦୈନନ୍ଦିନ ଜୀବନର ଏକ ଅବିଚ୍ଛେଦ୍ୟ ଅଙ୍ଗ କରିବାକୁ ସଂକଳ୍ପ ନେଇଥିଲେ।

ଦେବଗଡ଼ ଜିଲ୍ଲାର ତିଳେଇବଣୀ ବ୍ଲକ ଅନ୍ତର୍ଗତ ଝରାଗୁଗୁଆ ପଞ୍ଚାୟତର ପୋଲପଥର ଗ୍ରାମରେ ଘାଗି ଖୋଲ, ଯାହା କଣ୍ଡୁରୁ ଖୋଲ ନାମରେ ମଧ୍ୟ ଜଣାଶୁଣା, ଅବସ୍ଥିତ। ଏହି ସ୍ଥାନକୁ ଏକ ପ୍ରମୁଖ ପର୍ଯ୍ୟଟନ ସ୍ଥଳୀରେ ପରିଣତ କରିବା ପାଇଁ ସ୍ଥାନୀୟ ଅଞ୍ଚଳବାସୀ ସରକାରୀ ସହାୟତା ଦାବି କରିଛନ୍ତି। ଅଞ୍ଚଳବାସୀଙ୍କ କହିବାନୁଯାୟୀ, ଯଦି ସରକାରଙ୍କ ଠାରୁ କିଛି ସହାୟତା ମିଳେ, ତେବେ ଏହି ପର୍ଯ୍ୟଟନ ସ୍ଥାନଟି ପ୍ରବଳ ଭିଡ଼ରେ ଗଢ଼ି ଉଠିବ।

ଦେବଗଡ଼ରେ ଜିଲ୍ଲା ପ୍ରଶାସନ, ଜିଲ୍ଲା କ୍ରୀଡ଼ା ବିଭାଗ, ଜିଲ୍ଲା ଯୋଗ ମହୋତ୍ସବ ସମିତି ଏବଂ ଜିଲ୍ଲା କ୍ରୀଡ଼ା ସଂସଦର ମିଳିତ ଆନୁକୂଲ୍ୟରେ ଇନ୍ଦିରା ଗାନ୍ଧୀ ଷ୍ଟାଡିୟମଠାରେ ଜୁନ୍ ୨୧, ୨୦୨୬ ରେ ୧୨ତମ ଜିଲ୍ଲାସ୍ତରୀୟ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଛି। କ୍ରୀଡ଼ା ଓ ଯୁବ ସେବା ବିଭାଗ ଦ୍ୱାରା ଏହି ବର୍ଷର ବିଷୟବସ୍ତୁ "ସୁସ୍ଥ ବାର୍ଦ୍ଧକ୍ୟ ନିମନ୍ତେ ଯୋଗ" ରଖାଯାଇଥିଲା। ଜିଲ୍ଲା କ୍ରୀଡ଼ା ଅଧିକାରୀ ହେମନ୍ତ କୁମାର ସିଂହଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲାପାଳ କବିନ୍ଦ୍ର କୁମାର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ ଜିଲ୍ଲା ପରିଷଦ ରାଜେନ୍ଦ୍ର ମିଞ୍ଜ, ଉପଜିଲ୍ଲାପାଳ ପରୀକ୍ଷିତ ସାହୁ, ପୂର୍ବତନ ବିଧାୟକ ତଥା ସମ୍ବଲପୁର ସାଂସଦ ପ୍ରତିନିଧି ସୁବାସ ଚନ୍ଦ୍ର ପାଣିଗ୍ରାହି, ମାନ୍ୟବର ବିଧାୟକ ପ୍ରତିନିଧି ଚନ୍ଦ୍ର ଶେଖର ଭୁକ୍ତା, ଜିଲ୍ଲା ବିଜେପି ସଭାପତି ଅରୁଣ ସାହୁ, ଏବଂ ସ୍ୱତନ୍ତ୍ର ଉନ୍ନୟନ ପରିଷଦ ଅଧ୍ୟକ୍ଷ ପ୍ରଶାନ୍ତ କୁମାର ବେହେରା ପ୍ରମୁଖ ବରଣ୍ୟ ଅତିଥି ଭାବେ ଉପସ୍ଥିତ ଥିଲେ। ସକାଳ ୬:୩୦ ଘଟିକାରେ ପ୍ରଦୀପ ପ୍ରଜ୍ବଳନ କରି ଅତିଥିମାନେ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଏହି ଅବସରରେ ଜିଲ୍ଲାପାଳ ଶ୍ରୀ ସାହୁ ମତବ୍ୟକ୍ତ କରିଥିଲେ ଯେ, ଶରୀରକୁ ସୁସ୍ଥ ରଖିବାକୁ ହେଲେ ପ୍ରତିଦିନ ଯୋଗ ବ୍ୟାୟାମ କରିବା ଆବଶ୍ୟକ। ଯୋଗ ଦ୍ୱାରା ମନ ପ୍ରଫୁଲ୍ଲିତ ରୁହେ ଏବଂ ଏହାର ସୁପ୍ରଭାବ ଶରୀର ଉପରେ ପଡେ। ଏହାପରେ ଜିଲ୍ଲା ଯୋଗ ମହୋତ୍ସବ ସମିତିର ଯୋଗ ଗୁରୁ ଦେବରାଜ ସାହୁ ଏବଂ ତାଙ୍କ ସାଥୀମାନଙ୍କ ଦ୍ୱାରା ଯୋଗାଭ୍ୟାସ କରାଯାଇଥିଲା। ପରେ ଶପଥ ପାଠ କରାଯିବା ସହ ଓମ୍ ଶାନ୍ତି ପ୍ରଜାପତି ବ୍ରହ୍ମକୁମାରୀ ଅନୁଷ୍ଠାନର ଭଉଣୀ ସ୍ନେହାଙ୍କ ଦ୍ୱାରା ଓମ୍ ଶାନ୍ତି ମନ୍ତ୍ର ପାଠ କରାଯାଇଥିଲା। ଜିଲ୍ଲାସ୍ତରରେ ଆୟୋଜିତ ଓଡ଼ିଆ ବକ୍ତୃତା ଓ ଚିତ୍ରାଙ୍କନ ପ୍ରତିଯୋଗିତାରେ କୃତି ପ୍ରତିଯୋଗୀମାନଙ୍କୁ ମୁଖ୍ୟ ଅତିଥି ଓ ବରଣ୍ୟ ଅତିଥିମାନଙ୍କ ଦ୍ୱାରା ମାନପତ୍ର ଓ ଟ୍ରଫି ପ୍ରଦାନ କରାଯାଇ ପୁରସ୍କୃତ କରାଯାଇଥିଲା। ଏହି କାର୍ଯ୍ୟକ୍ରମରେ ଜିଲ୍ଲାସ୍ତରୀୟ ଅଧିକାରୀ, କର୍ମଚାରୀ, ଛାତ୍ରଛାତ୍ରୀ, ସାମ୍ବାଦିକ, ସମାଜସେବୀ, ବିଭିନ୍ନ ଅନୁଷ୍ଠାନର କର୍ମକର୍ତ୍ତା, ପୌରାଞ୍ଚଳର ଅଧିବାସୀ, ବୁଦ୍ଧିଜୀବୀ ଏବଂ ବହୁ ସଂଖ୍ୟାରେ ଜନସାଧାରଣ ଉପସ୍ଥିତ ଥିଲେ। ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋରଞ୍ଜନ ସୂତାର କାର୍ଯ୍ୟକ୍ରମକୁ ସଂଯୋଜନା କରିଥିଲେ।