આંતરરાષ્ટ્રીય યોગ દિવસ નિમિત્તે, ૨૧મી જૂનને સમગ્ર વિશ્વમાં સ્વાસ્થ્ય, શાંતિ અને એકતાનો સંદેશ આપતા તથા યોગને વિશ્વ સુધી લઈ જતા દિવસ તરીકે ઉજવવામાં આવે છે. ભારતીય સંસ્કૃતિ અને ઋષિમુનિઓની માનવજાતને આપેલી આ અનમોલ ભેટને વૈશ્વિક ફલક પર લાવવાના ઉમદા હેતુથી, વડાપ્રધાન નરેન્દ્રભાઈ મોદીએ વર્ષ ૨૦૧૪ માં સંયુક્ત રાષ્ટ્ર સંઘની સામાન્ય સભા સમક્ષ ૨૧ જૂનને આંતરરાષ્ટ્રીય યોગ દિવસ તરીકે ઉજવવાનો પ્રસ્તાવ મૂક્યો હતો. વિશ્વના ૧૯૩ દેશોએ આ પ્રસ્તાવને સહમતિ આપી સ્વીકાર્યો હતો, જેના પરિણામે ત્યારથી દર વર્ષે ૨૧મી જૂને આંતરરાષ્ટ્રીય યોગ દિવસની ઉજવણી કરવામાં આવે છે. આ વર્ષે ભારત સરકાર અને રાજ્ય સરકાર દ્વારા ‘સ્વસ્થ ગુજરાત, મેદસ્વિતા મુક્ત ગુજરાત’ની થીમ સાથે આંતરરાષ્ટ્રીય યોગ દિવસની ઉજવણી કરવાનું નક્કી કરવામાં આવ્યું હતું. આ ઉજવણી અંતર્ગત કાલોલ તાલુકાના શામળદેવી ગામ નજીક આવેલી શાંતિનિકેતન સ્કૂલમાં તાલુકા કક્ષાના ૧૨માં આંતરરાષ્ટ્રીય યોગ દિવસની હર્ષોલ્લાસભેર ઉજવણી કરવામાં આવી હતી. આ પ્રસંગે કાલોલ મામલતદાર વિકાસભાઇ પટેલ, કાલોલ તાલુકા પંચાયત પ્રમુખ જયપાલસિંહ રાઠોડ, નગરપાલિકાના પ્રમુખ હસમુખભાઇ મકવાણા અને ઉપપ્રમુખ ગૌરાંગભાઈ દરજી, કાલોલ ભાજપ મંડળના પ્રમુખ મહિદીપસિંહ ગોહિલ, કાલોલ શહેર ભાજપ પ્રમુખ કલ્પેશભાઇ પારેખ, ડો. યોગેશ પંડ્યા સહિત સંગઠનના હોદ્દેદારો અને કાર્યકરો તેમજ નગરના આગેવાનોએ મોટી સંખ્યામાં ઉત્સાહભેર ભાગ લીધો હતો. યોગ પ્રશિક્ષકો દ્વારા ઉપસ્થિત સૌને વિવિધ યોગાસનો, પ્રાણાયામ અને ધ્યાનની ક્રિયાઓ કરાવવામાં આવી હતી. આ સામૂહિક યોગમાં ભાગ લઈને સૌએ તંદુરસ્ત જીવનશૈલી અપનાવવાનો સંકલ્પ કર્યો હતો. કાલોલની એમજીએસ હાઈસ્કુલ અને સી બી ગર્લ્સ હાઈસ્કુલ સહિતની વિવિધ શાળા કોલેજોમાં પણ વિદ્યાર્થીઓએ યોગ, પ્રાણાયામ અને વિવિધ આસનો કરીને યોગ દિવસની ઉજવણી કરી હતી.

Virendra Mehta

Classified ads newspaper publisher Kalol, Panch Mahals•

3 hrs ago

આંતરરાષ્ટ્રીય યોગ દિવસ નિમિત્તે, ૨૧મી જૂનને સમગ્ર વિશ્વમાં સ્વાસ્થ્ય, શાંતિ અને એકતાનો સંદેશ આપતા તથા યોગને વિશ્વ સુધી લઈ જતા દિવસ તરીકે ઉજવવામાં આવે છે. ભારતીય સંસ્કૃતિ અને ઋષિમુનિઓની માનવજાતને આપેલી આ અનમોલ ભેટને વૈશ્વિક ફલક પર લાવવાના ઉમદા હેતુથી, વડાપ્રધાન નરેન્દ્રભાઈ મોદીએ વર્ષ ૨૦૧૪ માં સંયુક્ત રાષ્ટ્ર સંઘની સામાન્ય સભા સમક્ષ ૨૧ જૂનને આંતરરાષ્ટ્રીય યોગ દિવસ તરીકે ઉજવવાનો પ્રસ્તાવ મૂક્યો હતો. વિશ્વના ૧૯૩ દેશોએ આ પ્રસ્તાવને સહમતિ આપી સ્વીકાર્યો હતો, જેના પરિણામે ત્યારથી દર વર્ષે ૨૧મી

જૂને આંતરરાષ્ટ્રીય યોગ દિવસની ઉજવણી કરવામાં આવે છે. આ વર્ષે ભારત સરકાર અને રાજ્ય સરકાર દ્વારા ‘સ્વસ્થ ગુજરાત, મેદસ્વિતા મુક્ત ગુજરાત’ની થીમ સાથે આંતરરાષ્ટ્રીય યોગ દિવસની ઉજવણી કરવાનું નક્કી કરવામાં આવ્યું હતું. આ ઉજવણી અંતર્ગત કાલોલ તાલુકાના શામળદેવી ગામ નજીક આવેલી શાંતિનિકેતન સ્કૂલમાં તાલુકા કક્ષાના ૧૨માં આંતરરાષ્ટ્રીય યોગ દિવસની હર્ષોલ્લાસભેર ઉજવણી કરવામાં આવી હતી. આ પ્રસંગે કાલોલ મામલતદાર વિકાસભાઇ પટેલ, કાલોલ તાલુકા પંચાયત પ્રમુખ જયપાલસિંહ રાઠોડ, નગરપાલિકાના પ્રમુખ હસમુખભાઇ મકવાણા અને ઉપપ્રમુખ ગૌરાંગભાઈ દરજી, કાલોલ ભાજપ મંડળના પ્રમુખ

મહિદીપસિંહ ગોહિલ, કાલોલ શહેર ભાજપ પ્રમુખ કલ્પેશભાઇ પારેખ, ડો. યોગેશ પંડ્યા સહિત સંગઠનના હોદ્દેદારો અને કાર્યકરો તેમજ નગરના આગેવાનોએ મોટી સંખ્યામાં ઉત્સાહભેર ભાગ લીધો હતો. યોગ પ્રશિક્ષકો દ્વારા ઉપસ્થિત સૌને વિવિધ યોગાસનો, પ્રાણાયામ અને ધ્યાનની ક્રિયાઓ કરાવવામાં આવી હતી. આ સામૂહિક યોગમાં ભાગ લઈને સૌએ તંદુરસ્ત જીવનશૈલી અપનાવવાનો સંકલ્પ કર્યો હતો. કાલોલની એમજીએસ હાઈસ્કુલ અને સી બી ગર્લ્સ હાઈસ્કુલ સહિતની વિવિધ શાળા કોલેજોમાં પણ વિદ્યાર્થીઓએ યોગ, પ્રાણાયામ અને વિવિધ આસનો કરીને યોગ દિવસની ઉજવણી કરી હતી.