പ്രസിദ്ധീകരണത്തിന് 27/08/2026 എറണാകുളം ശബരിമല അയ്യപ്പനെയും മാളികപ്പുറത്ത് അമ്മയെയും അപമാനിക്കുന്ന പരാമർശം; സണ്ണി കപിക്കാടിനെതിരെ നിയമനടപടി ആവശ്യപ്പെട്ട് പരാതി നൽകി ബിജെപി കൊച്ചി: ശബരിമല അയ്യപ്പനെയും മാളികപ്പുറത്തമ്മയെയും സംബന്ധിച്ച് അത്യന്തം നിന്ദ്യവും അപലപനീയവുമായ പരാമർശങ്ങൾ നടത്തിയ സണ്ണി കപിക്കാടിനെതിരെ നിയമനടപടി സ്വീകരിക്കണമെന്നാവശ്യപ്പെട്ട് ബിജെപി സംസ്ഥാന സെക്രട്ടറി പി. ശ്യാംരാജ് സംസ്ഥാന പൊലീസ് മേധാവിക്കും കൊച്ചി സിറ്റി പൊലീസ് കമ്മീഷണർക്കും പരാതി നൽകി. തിരൂർ തുഞ്ചത്തെഴുത്തച്ഛൻ മലയാള സർവകലാശാലയ്ക്ക് മുന്നിൽ നടന്ന പ്രസംഗത്തിൽ സണ്ണി കപിക്കാട് നടത്തിയ പരാമർശങ്ങൾ ഹിന്ദു മതവിശ്വാസികളുടെയും ശബരിമല അയ്യപ്പഭക്തരുടെയും മതവികാരങ്ങളെ ആഴത്തിൽ വേദനിപ്പിക്കുന്നതും അപമാനിക്കുന്നതുമാണെന്ന് ശ്യാംരാജ് പരാതിയിൽ ചൂണ്ടിക്കാട്ടി. ശബരിമല അയ്യപ്പനെയും മാളികപ്പുറത്ത് അമ്മയെയും കോടിക്കണക്കിന് ഭക്തർ അതീവ ഭക്തിയോടും വിശ്വാസത്തോടും കൂടി ആരാധിക്കുന്നവരാണ്. ശബരിമലയിലും പരിസരപ്രദേശങ്ങളിലും നൂറ്റാണ്ടുകളായി താമസിച്ചുവരുന്ന മലയരയ ആദിവാസി സമൂഹത്തിനും അയ്യപ്പനുമായി ചരിത്രപരവും സാംസ്കാരികവും ആത്മീയവുമായ ബന്ധമുണ്ട്. ഈ സമൂഹത്തിന്റെ വിശ്വാസങ്ങളെയും ആരാധനാ പാരമ്പര്യങ്ങളെയും അപമാനിക്കുന്ന തരത്തിലുള്ള പരാമർശങ്ങൾ ഗൗരവത്തോടെ കാണേണ്ടതാണെന്നും പരാതിയിൽ പറയുന്നു. ഭരണഘടന ഉറപ്പുനൽകുന്ന അഭിപ്രായ സ്വാതന്ത്ര്യം മറ്റുള്ളവരുടെ മതവിശ്വാസങ്ങളെയും മതവികാരങ്ങളെയും മനഃപൂർവവും ദുരുദ്ദേശപരവുമായി അപമാനിക്കാനുള്ള അവകാശം നൽകുന്നില്ലെന്ന് പരാതിയിൽ ചൂണ്ടിക്കാട്ടുന്നു. BNS 2023-ലെ Section 297, 351(2) പ്രകാരം മതവികാരങ്ങളെ മനഃപൂർവവും ദുരുദ്ദേശപരവുമായ പ്രവർത്തനങ്ങളിലൂടെ വ്രണപ്പെടുത്തുകയോ മതത്തെയോ മതവിശ്വാസങ്ങളെയോ അപമാനിക്കുകയോ ചെയ്യുന്ന പ്രവർത്തനങ്ങൾ ശിക്ഷാർഹമാണെന്നും പരാതിയിൽ വ്യക്തമാക്കുന്നു. അതിനാൽ വിഷയത്തിൽ അടിയന്തരമായി ഇടപെട്ട് അന്വേഷണം നടത്തുകയും നിയമാനുസൃതമായ കർശന നടപടി സ്വീകരിക്കുകയും ചെയ്യണമെന്ന് ശ്യാംരാജ് ആവശ്യപ്പെട്ടു. സണ്ണി കപിക്കാടിന്റെ പ്രസംഗത്തിന്റെ മാധ്യമങ്ങളിൽ വന്ന വാർത്താ ഭാഗങ്ങളും പരാതിയോടൊപ്പം പൊലീസിന് കൈമാറിയിട്ടുണ്ട്.

സന്തോഷ് ആലുവ

Local News Reporter ആലുവ, എറണാകുളം, കേരളം•

1 hr ago

പ്രസിദ്ധീകരണത്തിന് 27/08/2026 എറണാകുളം ശബരിമല അയ്യപ്പനെയും മാളികപ്പുറത്ത് അമ്മയെയും അപമാനിക്കുന്ന പരാമർശം; സണ്ണി കപിക്കാടിനെതിരെ നിയമനടപടി ആവശ്യപ്പെട്ട് പരാതി നൽകി ബിജെപി കൊച്ചി: ശബരിമല അയ്യപ്പനെയും മാളികപ്പുറത്തമ്മയെയും സംബന്ധിച്ച് അത്യന്തം നിന്ദ്യവും അപലപനീയവുമായ പരാമർശങ്ങൾ നടത്തിയ സണ്ണി കപിക്കാടിനെതിരെ നിയമനടപടി സ്വീകരിക്കണമെന്നാവശ്യപ്പെട്ട് ബിജെപി സംസ്ഥാന സെക്രട്ടറി പി. ശ്യാംരാജ് സംസ്ഥാന പൊലീസ് മേധാവിക്കും കൊച്ചി സിറ്റി പൊലീസ് കമ്മീഷണർക്കും പരാതി നൽകി. തിരൂർ തുഞ്ചത്തെഴുത്തച്ഛൻ മലയാള സർവകലാശാലയ്ക്ക് മുന്നിൽ നടന്ന പ്രസംഗത്തിൽ സണ്ണി കപിക്കാട് നടത്തിയ പരാമർശങ്ങൾ ഹിന്ദു മതവിശ്വാസികളുടെയും ശബരിമല അയ്യപ്പഭക്തരുടെയും മതവികാരങ്ങളെ ആഴത്തിൽ വേദനിപ്പിക്കുന്നതും അപമാനിക്കുന്നതുമാണെന്ന് ശ്യാംരാജ് പരാതിയിൽ ചൂണ്ടിക്കാട്ടി. ശബരിമല അയ്യപ്പനെയും മാളികപ്പുറത്ത് അമ്മയെയും കോടിക്കണക്കിന് ഭക്തർ അതീവ ഭക്തിയോടും വിശ്വാസത്തോടും കൂടി ആരാധിക്കുന്നവരാണ്. ശബരിമലയിലും പരിസരപ്രദേശങ്ങളിലും നൂറ്റാണ്ടുകളായി താമസിച്ചുവരുന്ന മലയരയ ആദിവാസി സമൂഹത്തിനും അയ്യപ്പനുമായി ചരിത്രപരവും സാംസ്കാരികവും ആത്മീയവുമായ ബന്ധമുണ്ട്. ഈ സമൂഹത്തിന്റെ വിശ്വാസങ്ങളെയും ആരാധനാ പാരമ്പര്യങ്ങളെയും അപമാനിക്കുന്ന തരത്തിലുള്ള പരാമർശങ്ങൾ ഗൗരവത്തോടെ കാണേണ്ടതാണെന്നും പരാതിയിൽ പറയുന്നു. ഭരണഘടന ഉറപ്പുനൽകുന്ന അഭിപ്രായ സ്വാതന്ത്ര്യം മറ്റുള്ളവരുടെ മതവിശ്വാസങ്ങളെയും മതവികാരങ്ങളെയും മനഃപൂർവവും ദുരുദ്ദേശപരവുമായി അപമാനിക്കാനുള്ള അവകാശം നൽകുന്നില്ലെന്ന് പരാതിയിൽ ചൂണ്ടിക്കാട്ടുന്നു. BNS 2023-ലെ Section 297, 351(2) പ്രകാരം മതവികാരങ്ങളെ മനഃപൂർവവും ദുരുദ്ദേശപരവുമായ പ്രവർത്തനങ്ങളിലൂടെ വ്രണപ്പെടുത്തുകയോ മതത്തെയോ മതവിശ്വാസങ്ങളെയോ അപമാനിക്കുകയോ ചെയ്യുന്ന പ്രവർത്തനങ്ങൾ ശിക്ഷാർഹമാണെന്നും പരാതിയിൽ വ്യക്തമാക്കുന്നു. അതിനാൽ വിഷയത്തിൽ അടിയന്തരമായി ഇടപെട്ട് അന്വേഷണം നടത്തുകയും നിയമാനുസൃതമായ കർശന നടപടി സ്വീകരിക്കുകയും ചെയ്യണമെന്ന് ശ്യാംരാജ് ആവശ്യപ്പെട്ടു. സണ്ണി കപിക്കാടിന്റെ പ്രസംഗത്തിന്റെ മാധ്യമങ്ങളിൽ വന്ന വാർത്താ ഭാഗങ്ങളും പരാതിയോടൊപ്പം പൊലീസിന് കൈമാറിയിട്ടുണ്ട്.