హైదరాబాద్‌లోని ఓయూ కాంట్రాక్ట్ కార్మికులకు చట్టబద్ధంగా రావాల్సిన కనీస వేతనాలు అమలు చేయడం లేదని, దీనికి నిరసనగా జులై 13 నుండి హాస్టల్స్, మెస్ బంద్ చేసి సమ్మెకు వెళ్తున్నట్లు ప్రోగ్రెసివ్ కాంట్రాక్ట్ క్యాజువల్ వర్కర్స్ యూనియన్ (టియుసిఐ) ప్రకటించింది. శనివారం వివిధ హాస్టల్స్‌లో కార్మికులతో జరిగిన సమావేశం అనంతరం యూనియన్ ఓయూ గౌరవ అధ్యక్షులు ఎస్. ఎల్ పద్మ, అధ్యక్షులు కె. ఎస్ ప్రదీప్, కార్యదర్శి శివాజీలు ఈ విషయాన్ని వెల్లడించారు. ఈ సమస్యపై అధికారుల దృష్టికి తీసుకెళ్లినా ఎలాంటి ఫలితం లేకుండా పోయిందని వారు ఆవేదన వ్యక్తం చేశారు. కార్మికులకు న్యాయపరంగా రావాల్సిన వారపు సెలవు (వీక్లీ ఆఫ్), 20 రోజులకు ఒక క్యాజువల్ లీవ్, జాతీయ లేదా పండుగ సెలవులు ఇవ్వడం లేదా ఆ రోజుల్లో పని చేస్తే డబుల్ జీతం ఇవ్వడం వంటి నియమాలను అధికారులు అమలు చేయడం లేదని యూనియన్ నేతలు మండిపడ్డారు. అంతేకాకుండా, 2022 నుండి కనీసం వి.డి.ఎ (V.D.A) కూడా అమలు చేయకపోవడంతో కార్మికులు అతి తక్కువ జీతాలకే పనిచేయాల్సి వస్తోందని, ఇది వెట్టిచాకిరి కిందకే వస్తుందని ఆరోపించారు. వీటిని అమలు చేయాలని లేబర్ కమీషనర్ స్వయంగా యూనివర్సిటీకి లేఖ రాసినప్పటికీ అధికారులు పట్టించుకోకపోవడం బాధాకరమని అన్నారు. ఇప్పటికైనా యూనివర్సిటీ అధికారులు తక్షణమే స్పందించి తమ జీతాలు పెంచాలని, లేని పక్షంలో జులై 13 నుండి హాస్టల్స్, మెస్ బంద్ చేసి సమ్మెకు దిగుతామని కార్మికులు స్పష్టం చేశారు. ఈ సమ్మె వల్ల కలిగే ఇబ్బందులను విద్యార్థులు అర్థం చేసుకోవాలని వారు కోరారు.

Nitturi Ravi

అంబర్‌పేట్, హైదరాబాద్, తెలంగాణ•

6 hrs ago

హైదరాబాద్‌లోని ఓయూ కాంట్రాక్ట్ కార్మికులకు చట్టబద్ధంగా రావాల్సిన కనీస వేతనాలు అమలు చేయడం లేదని, దీనికి నిరసనగా జులై 13 నుండి హాస్టల్స్, మెస్ బంద్ చేసి సమ్మెకు వెళ్తున్నట్లు ప్రోగ్రెసివ్ కాంట్రాక్ట్ క్యాజువల్ వర్కర్స్ యూనియన్ (టియుసిఐ) ప్రకటించింది. శనివారం వివిధ హాస్టల్స్‌లో కార్మికులతో జరిగిన సమావేశం అనంతరం యూనియన్ ఓయూ గౌరవ అధ్యక్షులు ఎస్. ఎల్ పద్మ, అధ్యక్షులు కె. ఎస్ ప్రదీప్, కార్యదర్శి శివాజీలు ఈ విషయాన్ని వెల్లడించారు. ఈ సమస్యపై అధికారుల దృష్టికి తీసుకెళ్లినా ఎలాంటి ఫలితం లేకుండా పోయిందని వారు ఆవేదన వ్యక్తం చేశారు. కార్మికులకు న్యాయపరంగా రావాల్సిన వారపు సెలవు (వీక్లీ ఆఫ్), 20 రోజులకు ఒక క్యాజువల్ లీవ్, జాతీయ లేదా పండుగ సెలవులు ఇవ్వడం లేదా ఆ రోజుల్లో పని చేస్తే డబుల్ జీతం ఇవ్వడం వంటి నియమాలను అధికారులు అమలు చేయడం లేదని యూనియన్ నేతలు మండిపడ్డారు. అంతేకాకుండా, 2022 నుండి కనీసం వి.డి.ఎ (V.D.A) కూడా అమలు చేయకపోవడంతో కార్మికులు అతి తక్కువ జీతాలకే పనిచేయాల్సి వస్తోందని, ఇది వెట్టిచాకిరి కిందకే వస్తుందని ఆరోపించారు. వీటిని అమలు చేయాలని లేబర్ కమీషనర్ స్వయంగా యూనివర్సిటీకి లేఖ రాసినప్పటికీ అధికారులు పట్టించుకోకపోవడం బాధాకరమని అన్నారు. ఇప్పటికైనా యూనివర్సిటీ అధికారులు తక్షణమే స్పందించి తమ జీతాలు పెంచాలని, లేని పక్షంలో జులై 13 నుండి హాస్టల్స్, మెస్ బంద్ చేసి సమ్మెకు దిగుతామని కార్మికులు స్పష్టం చేశారు. ఈ సమ్మె వల్ల కలిగే ఇబ్బందులను విద్యార్థులు అర్థం చేసుకోవాలని వారు కోరారు.