ଜୋନାଲ ସ୍ତରୀୟ କ୍ରୀଡ଼ା ପାଇଁ ପ୍ରସ୍ତୁତି ବୈଠକ -୨୧ରେ ଅମରପାଲି ହାଇସ୍କୁଲ ପଡ଼ିଆରେ ହେବ ପ୍ରତିଯୋଗିତା ଲ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ହାଇସ୍କୁଲରେ ଜୋନାଲ ସ୍ତରୀୟ ଖେଳ ଓ କ୍ରୀଡ଼ା ପ୍ରତିଯୋଗିତା ଆୟୋଜନ ନେଇ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ହାଇସ୍କୁଲର ପ୍ରଧାନ ଶିକ୍ଷକ ତଥା ଜୋନାଲ ସ୍ତରୀୟ ଖେଳ ଓ କ୍ରୀଡ଼ା ପ୍ରତିଯୋଗିତା କମିଟିର ସଭାପତି ଉମେଶ ଚନ୍ଦ୍ର ପଣ୍ଡାଙ୍କ ପୌରୋହିତ୍ୟରେ ଏହି ବୈଠକ ହୋଇଥିଲା। ବୈଠକରେ ବିଭିନ୍ନ କ୍ଲଷ୍ଟରର ସିଆରସିସି, ପ୍ରଧାନ ଶିକ୍ଷକ ଓ ଖେଳ ଶିକ୍ଷକମାନେ ଯୋଗଦେଇ ପ୍ରତିଯୋଗିତାର ସୁଚାରୁ ପରିଚାଳନା ନେଇ ଆଲୋଚନା କରିଥିଲେ। ୧୪ ବର୍ଷରୁ କମ୍ ଓ ୧୭ ବର୍ଷରୁ କମ୍ ବୟସ ବର୍ଗର ଉଭୟ ବାଳିକା ଓ ବାଳକଙ୍କ ପାଇଁ ବିଭିନ୍ନ କ୍ରୀଡ଼ା ପ୍ରତିଯୋଗିତା ଆୟୋଜନ ହେବ। ୧୭ ବର୍ଷରୁ କମ୍ ବର୍ଗରେ ଫୁଟବଲ, ଖୋ-ଖୋ ଓ କବାଡ଼ି ପ୍ରତିଯୋଗିତା ହେବାକୁ ଥିବାବେଳେ ୧୪ ବର୍ଷରୁ କମ୍ ବର୍ଗରେ ଖୋ-ଖୋ ଓ କବାଡ଼ି ପ୍ରତିଯୋଗିତା ଆୟୋଜିତ ହେବ। ବହଳପଦର, ଲୁତୁରପଙ୍କ, ଦୁର୍ଜନତୈଲା ଓ କେନଝିରିଆପାଲି କ୍ଲଷ୍ଟର ଅନ୍ତର୍ଗତ ସମସ୍ତ ବିଦ୍ୟାଳୟର ଛାତ୍ରୀଛାତ୍ର ଏହି ଜୋନାଲ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ। ଜୋନ ଅଧୀନରେ ଥିବା ୫ଟି ହାଇସ୍କୁଲରୁ ପ୍ରାୟ ୫୦ ଜଣ ଛାତ୍ରୀଛାତ୍ର ୧୭ ବର୍ଷରୁ କମ୍ ବର୍ଗରେ ଫୁଟବଲ, ଖୋ-ଖୋ ଓ କବାଡ଼ିରେ ଅଂଶଗ୍ରହଣ କରିବେ। ସେହିପରି ଜୋନ ଅଧୀନସ୍ଥ ୨୨ଟି ୟୁପି ସ୍କୁଲର ଛାତ୍ରୀଛାତ୍ର ୧୪ ବର୍ଷରୁ କମ୍ ବର୍ଗର ଖୋ-ଖୋ ଓ କବାଡ଼ି ପ୍ରତିଯୋଗିତାରେ ଭାଗ ନେବେ। ଆସନ୍ତା ୨୧ ତାରିଖରେ ଅମରପାଲି ହାଇସ୍କୁଲ ପଡ଼ିଆରେ ଏହି ଜୋନାଲ ସ୍ତରୀୟ କ୍ରୀଡ଼ା ପ୍ରତିଯୋଗିତା ଆୟୋଜନ କରିବାକୁ ବୈଠକରେ ସ୍ଥିର କରାଯାଇଛି। ବୈଠକରେ ସିଆରସିସି କମ୍ଭୁ ପ୍ରଧାନ, ବିନୟ ବିଶ୍ୱାଳ, ବାଙ୍କା ବିହାରୀ ମହାକୁର ଓ ଅଶୋକ ଲୁହାଙ୍କ ସମେତ ପ୍ରଧାନ ଶିକ୍ଷକ ପ୍ରାଣବନ୍ଧୁ ସାହୁ, ରାସବିହାରୀ ମେହେର, ଆଲେକଜାଣ୍ଡାର ଡୁଙ୍ଗଡୁଙ୍ଗ ଓ ଲାଲ ସିଂ ବାବୁ, ମମତା ପ୍ରଧାନ ଯୋଗଦେଇ ମତବ୍ୟକ୍ତ କରିଥିଲେ। ଖେଳ ଶିକ୍ଷକ ଶକ୍ତି ସାମନ୍ତରାୟ, ସୁରେନ ପ୍ରଧାନ, ରେଖାଚନ୍ଦ୍ର ମେହେର, ବିପ୍ରଚରଣ ପେରା, ଆନନ୍ଦିନୀ ପ୍ରଧାନ ଓ ଇନ୍ଦ୍ରଜିତ ଦାସ ପ୍ରମୁଖ ପ୍ରତିଯୋଗିତାର ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ। ଅମରପାଲି ହାଇସ୍କୁଲର ଖେଳ ଶିକ୍ଷକ ତଥା ଜୋନାଲ ସ୍ତରୀୟ ଖେଳ ଓ କ୍ରୀଡ଼ା ପ୍ରତିଯୋଗିତା କମିଟିର ସମ୍ପାଦକ କହ୍ନେଇ ଚରଣ ପ୍ରଧାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବୈଠକ ଅନୁଷ୍ଠିତ ହୋଇଥିଲା। ଶେଷରେ ଶିକ୍ଷକ ପଦ୍ମନାଭ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ବୈଠକ ପରିଚାଳନାରେ ଅମରପାଲି ହାଇସ୍କୁଲର ସମସ୍ତ ଶିକ୍ଷକ ଓ କର୍ମଚାରୀ ସହଯୋଗ କରିଥିଲେ।

Pitambar Sahu

Reporter ବୀରମହାରାଜପୁର, ସୋନପୁର, ଓଡ଼ିଶା•

20 hrs ago

ଜୋନାଲ ସ୍ତରୀୟ କ୍ରୀଡ଼ା ପାଇଁ ପ୍ରସ୍ତୁତି ବୈଠକ -୨୧ରେ ଅମରପାଲି ହାଇସ୍କୁଲ ପଡ଼ିଆରେ ହେବ ପ୍ରତିଯୋଗିତା ଲ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ହାଇସ୍କୁଲରେ ଜୋନାଲ ସ୍ତରୀୟ ଖେଳ ଓ କ୍ରୀଡ଼ା ପ୍ରତିଯୋଗିତା ଆୟୋଜନ ନେଇ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ହାଇସ୍କୁଲର ପ୍ରଧାନ ଶିକ୍ଷକ ତଥା ଜୋନାଲ ସ୍ତରୀୟ ଖେଳ ଓ କ୍ରୀଡ଼ା ପ୍ରତିଯୋଗିତା କମିଟିର ସଭାପତି ଉମେଶ ଚନ୍ଦ୍ର ପଣ୍ଡାଙ୍କ ପୌରୋହିତ୍ୟରେ ଏହି ବୈଠକ ହୋଇଥିଲା। ବୈଠକରେ ବିଭିନ୍ନ କ୍ଲଷ୍ଟରର ସିଆରସିସି, ପ୍ରଧାନ ଶିକ୍ଷକ ଓ ଖେଳ ଶିକ୍ଷକମାନେ ଯୋଗଦେଇ ପ୍ରତିଯୋଗିତାର ସୁଚାରୁ ପରିଚାଳନା ନେଇ ଆଲୋଚନା କରିଥିଲେ। ୧୪ ବର୍ଷରୁ କମ୍ ଓ ୧୭ ବର୍ଷରୁ କମ୍ ବୟସ ବର୍ଗର ଉଭୟ ବାଳିକା ଓ ବାଳକଙ୍କ ପାଇଁ ବିଭିନ୍ନ କ୍ରୀଡ଼ା ପ୍ରତିଯୋଗିତା ଆୟୋଜନ ହେବ। ୧୭ ବର୍ଷରୁ କମ୍ ବର୍ଗରେ ଫୁଟବଲ, ଖୋ-ଖୋ ଓ କବାଡ଼ି ପ୍ରତିଯୋଗିତା ହେବାକୁ ଥିବାବେଳେ ୧୪ ବର୍ଷରୁ କମ୍ ବର୍ଗରେ ଖୋ-ଖୋ ଓ କବାଡ଼ି ପ୍ରତିଯୋଗିତା ଆୟୋଜିତ ହେବ। ବହଳପଦର, ଲୁତୁରପଙ୍କ, ଦୁର୍ଜନତୈଲା ଓ କେନଝିରିଆପାଲି କ୍ଲଷ୍ଟର ଅନ୍ତର୍ଗତ ସମସ୍ତ ବିଦ୍ୟାଳୟର ଛାତ୍ରୀଛାତ୍ର ଏହି ଜୋନାଲ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ। ଜୋନ ଅଧୀନରେ ଥିବା ୫ଟି ହାଇସ୍କୁଲରୁ ପ୍ରାୟ ୫୦ ଜଣ ଛାତ୍ରୀଛାତ୍ର ୧୭ ବର୍ଷରୁ କମ୍ ବର୍ଗରେ ଫୁଟବଲ, ଖୋ-ଖୋ ଓ କବାଡ଼ିରେ ଅଂଶଗ୍ରହଣ କରିବେ। ସେହିପରି ଜୋନ ଅଧୀନସ୍ଥ ୨୨ଟି ୟୁପି ସ୍କୁଲର ଛାତ୍ରୀଛାତ୍ର ୧୪ ବର୍ଷରୁ କମ୍ ବର୍ଗର ଖୋ-ଖୋ ଓ କବାଡ଼ି ପ୍ରତିଯୋଗିତାରେ ଭାଗ ନେବେ। ଆସନ୍ତା ୨୧ ତାରିଖରେ ଅମରପାଲି ହାଇସ୍କୁଲ ପଡ଼ିଆରେ ଏହି ଜୋନାଲ ସ୍ତରୀୟ କ୍ରୀଡ଼ା ପ୍ରତିଯୋଗିତା ଆୟୋଜନ କରିବାକୁ ବୈଠକରେ ସ୍ଥିର କରାଯାଇଛି। ବୈଠକରେ ସିଆରସିସି କମ୍ଭୁ ପ୍ରଧାନ, ବିନୟ ବିଶ୍ୱାଳ, ବାଙ୍କା ବିହାରୀ ମହାକୁର ଓ ଅଶୋକ ଲୁହାଙ୍କ ସମେତ ପ୍ରଧାନ ଶିକ୍ଷକ ପ୍ରାଣବନ୍ଧୁ ସାହୁ, ରାସବିହାରୀ ମେହେର, ଆଲେକଜାଣ୍ଡାର ଡୁଙ୍ଗଡୁଙ୍ଗ ଓ ଲାଲ ସିଂ ବାବୁ, ମମତା ପ୍ରଧାନ ଯୋଗଦେଇ ମତବ୍ୟକ୍ତ କରିଥିଲେ। ଖେଳ ଶିକ୍ଷକ ଶକ୍ତି ସାମନ୍ତରାୟ, ସୁରେନ ପ୍ରଧାନ, ରେଖାଚନ୍ଦ୍ର ମେହେର, ବିପ୍ରଚରଣ ପେରା, ଆନନ୍ଦିନୀ ପ୍ରଧାନ ଓ ଇନ୍ଦ୍ରଜିତ ଦାସ ପ୍ରମୁଖ ପ୍ରତିଯୋଗିତାର ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଥିଲେ। ଅମରପାଲି ହାଇସ୍କୁଲର ଖେଳ ଶିକ୍ଷକ ତଥା ଜୋନାଲ ସ୍ତରୀୟ ଖେଳ ଓ କ୍ରୀଡ଼ା ପ୍ରତିଯୋଗିତା କମିଟିର ସମ୍ପାଦକ କହ୍ନେଇ ଚରଣ ପ୍ରଧାନଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବୈଠକ ଅନୁଷ୍ଠିତ ହୋଇଥିଲା। ଶେଷରେ ଶିକ୍ଷକ ପଦ୍ମନାଭ ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ବୈଠକ ପରିଚାଳନାରେ ଅମରପାଲି ହାଇସ୍କୁଲର ସମସ୍ତ ଶିକ୍ଷକ ଓ କର୍ମଚାରୀ ସହଯୋଗ କରିଥିଲେ।