పదవీ విరమణ పొందిన పోలీసు అధికారుల సేవలకు సెల్యూట్ : సైబరాబాద్ సీపీ సైబరాబాద్ పోలీస్ కమిషనరేట్ ఆడిటోరియంలో ఈరోజు నిర్వహించిన కార్యక్రమంలో పదవీ విరమణ పొందిన ఐదుగురు పోలీసు సిబ్బందిని సైబరాబాద్ సీపీ డాక్టర్ ఎం. రమేష్ ఘనంగా సన్మానించారు. ఈ సందర్భంగా సీపీ, రిటైర్ అయిన సిబ్బందికి పెన్షన్ పత్రాలు అందజేసి, పూలమాలలు వేసి, శాలువాలతో సత్కరించి ఆత్మీయంగా వీడ్కోలు పలికారు. పదవీ విరమణ పొందిన వారిలో ఎస్‌ఐ కె. యాదయ్య (నందిగామ పోలీస్ స్టేషన్), ఎస్‌ఐ డి. చంద్రశేఖర్ (బాచుపల్లి పోలీస్ స్టేషన్), ఆర్‌ఎస్‌ఐ హెచ్. బాలకిషన్(సీఏఆర్ హెడ్‌క్వార్టర్స్), ఏఆర్‌ఎస్‌ఐ పి. విష్ణు వర్ధన్ రెడ్డి(సీఏఆర్ హెడ్‌క్వార్టర్స్), ఏఆర్‌హెచ్‌సీ పి. ధర్మరావు (సీఏఆర్ హెడ్‌క్వార్టర్స్) ఉన్నారు. ఈ కార్యక్రమంలో వారి కుటుంబ సభ్యులు, సహచరులు పాల్గొన్నారు. సైబరాబాద్ సీపీ డాక్టర్ ఎం. రమేష్ మాట్లాడుతూ, పోలీసు సేవ అనేది సాధారణ ఉద్యోగం కాకుండా సమాజానికి అంకితభావంతో చేసే బాధ్యత అని తెలిపారు. పదవీ విరమణ పొందుతున్న సిబ్బంది తమ సేవా కాలంలో క్రమశిక్షణ, నిజాయితీ, నిబద్ధతతో విధులు నిర్వహించి శాఖకు మంచి పేరు తీసుకువచ్చారని కొనియాడారు. ప్రజల భద్రత కోసం వారు చేసిన కృషి, త్యాగాలు ఎప్పటికీ గుర్తుండిపోతాయని పేర్కొన్నారు. అదేవిధంగా, పోలీసు అధికారుల విజయాల వెనుక వారి కుటుంబ సభ్యుల సహకారం మరువలేనిదని అన్నారు. విధుల్లో ఉన్నప్పుడు కుటుంబ బాధ్యతలను భుజాన వేసుకుని అండగా నిలిచిన కుటుంబ సభ్యులకు ప్రత్యేక కృతజ్ఞతలు తెలిపారు. రిటైర్మెంట్ అనంతరం వారు కుటుంబ సభ్యులతో ఆరోగ్యంగా, ఆనందంగా జీవించాలని ఆకాంక్షిస్తూ, భవిష్యత్తులో సుఖశాంతులు కలగాలని శుభాకాంక్షలు తెలిపారు. కార్యక్రమంలో అడ్మిన్ డీసీపీ టి. అన్నపూర్ణ, అడ్మిన్ ఏడీసీపీ ఎఫ్. రెహ్మాన్, సీఏఆర్ హెడ్‌క్వార్టర్స్ ఏడీసీపీ షమీర్, సీఏఓ వెంకట్ రెడ్డి, ఎస్టేట్ ఆఫీసర్ ఆర్‌ఐ హిమకర్, పోలీస్ సహకార సంఘం ఇన్‌చార్జ్ జి. మల్లేశం తదితరులు పాల్గొన్నారు.

దినేష్ కుమార్

సికింద్రాబాద్, హైదరాబాద్, తెలంగాణ•

6 hrs ago

పదవీ విరమణ పొందిన పోలీసు అధికారుల సేవలకు సెల్యూట్ : సైబరాబాద్ సీపీ సైబరాబాద్ పోలీస్ కమిషనరేట్ ఆడిటోరియంలో ఈరోజు నిర్వహించిన కార్యక్రమంలో పదవీ విరమణ పొందిన ఐదుగురు పోలీసు సిబ్బందిని సైబరాబాద్ సీపీ డాక్టర్ ఎం. రమేష్ ఘనంగా సన్మానించారు. ఈ సందర్భంగా సీపీ, రిటైర్ అయిన సిబ్బందికి పెన్షన్ పత్రాలు అందజేసి, పూలమాలలు వేసి, శాలువాలతో సత్కరించి ఆత్మీయంగా వీడ్కోలు పలికారు. పదవీ విరమణ పొందిన వారిలో ఎస్‌ఐ కె. యాదయ్య (నందిగామ పోలీస్ స్టేషన్), ఎస్‌ఐ డి. చంద్రశేఖర్ (బాచుపల్లి పోలీస్ స్టేషన్), ఆర్‌ఎస్‌ఐ హెచ్. బాలకిషన్(సీఏఆర్

హెడ్‌క్వార్టర్స్), ఏఆర్‌ఎస్‌ఐ పి. విష్ణు వర్ధన్ రెడ్డి(సీఏఆర్ హెడ్‌క్వార్టర్స్), ఏఆర్‌హెచ్‌సీ పి. ధర్మరావు (సీఏఆర్ హెడ్‌క్వార్టర్స్) ఉన్నారు. ఈ కార్యక్రమంలో వారి కుటుంబ సభ్యులు, సహచరులు పాల్గొన్నారు. సైబరాబాద్ సీపీ డాక్టర్ ఎం. రమేష్ మాట్లాడుతూ, పోలీసు సేవ అనేది సాధారణ ఉద్యోగం కాకుండా సమాజానికి అంకితభావంతో చేసే బాధ్యత అని తెలిపారు. పదవీ విరమణ పొందుతున్న సిబ్బంది తమ సేవా కాలంలో క్రమశిక్షణ, నిజాయితీ, నిబద్ధతతో విధులు నిర్వహించి శాఖకు మంచి పేరు తీసుకువచ్చారని కొనియాడారు. ప్రజల భద్రత కోసం వారు చేసిన కృషి, త్యాగాలు ఎప్పటికీ గుర్తుండిపోతాయని పేర్కొన్నారు. అదేవిధంగా,

పోలీసు అధికారుల విజయాల వెనుక వారి కుటుంబ సభ్యుల సహకారం మరువలేనిదని అన్నారు. విధుల్లో ఉన్నప్పుడు కుటుంబ బాధ్యతలను భుజాన వేసుకుని అండగా నిలిచిన కుటుంబ సభ్యులకు ప్రత్యేక కృతజ్ఞతలు తెలిపారు. రిటైర్మెంట్ అనంతరం వారు కుటుంబ సభ్యులతో ఆరోగ్యంగా, ఆనందంగా జీవించాలని ఆకాంక్షిస్తూ, భవిష్యత్తులో సుఖశాంతులు కలగాలని శుభాకాంక్షలు తెలిపారు. కార్యక్రమంలో అడ్మిన్ డీసీపీ టి. అన్నపూర్ణ, అడ్మిన్ ఏడీసీపీ ఎఫ్. రెహ్మాన్, సీఏఆర్ హెడ్‌క్వార్టర్స్ ఏడీసీపీ షమీర్, సీఏఓ వెంకట్ రెడ్డి, ఎస్టేట్ ఆఫీసర్ ఆర్‌ఐ హిమకర్, పోలీస్ సహకార సంఘం ఇన్‌చార్జ్ జి. మల్లేశం తదితరులు పాల్గొన్నారు.