बुलढाणा जिल्ह्यातील खामगाव येथे 'वनमहोत्सव : एक पेड माँ के नाम' या अभियानांतर्गत अतिशय उत्साहपूर्ण वातावरणात वृक्ष दिंडी आणि वृक्षारोपणाचे आयोजन करण्यात आले. जिल्हा परिषद (माजी शासकीय) माध्यमिक शाळा व कनिष्ठ महाविद्यालय, खामगाव तसेच बुलढाणा वन विभाग, वनपरिक्षेत्र अधिकारी कार्यालय (प्रादेशिक) व वनपरिक्षेत्र अधिकारी कार्यालय (सामाजिक वनीकरण) खामगाव यांच्या संयुक्त विद्यमाने या कार्यक्रमाचे आयोजन करण्यात आले होते. ही वृक्ष दिंडी वनपरिक्षेत्र अधिकारी कार्यालय (प्रादेशिक) पासून ते शहर पोलीस स्टेशनपर्यंत काढण्यात आली. या दरम्यान संपूर्ण परिसर 'झाडे लावा, झाडे जगवा' अशा विविध पर्यावरण संवर्धनाशी संबंधित घोषणांनी दुमदुमून गेला होता. वृक्ष दिंडीनंतर शाळेच्या परिसरात वृक्षारोपण करण्यात आले, तसेच विद्यार्थ्यांसाठी चित्रकला स्पर्धा आयोजित करून विजेत्यांना बक्षिसे देण्यात आली. हा कार्यक्रम बुलढाणा वन विभागाचे उपवनसंरक्षक जमीर शेख (भा.व.से.) आणि सहायक वनसंरक्षक (प्रादेशिक व कॅम्पा) व्ही. एम. काकडे यांच्या मार्गदर्शनाखाली पार पडला. या प्रसंगी खामगावचे प्रादेशिक वनपरिक्षेत्र अधिकारी स्वप्निल पवार, सामाजिक वनीकरणाचे वनपरिक्षेत्र अधिकारी बोबडे, वनपरिक्षेत्र अधिकारी (संरक्षण) यू. आर. राऊत, शाळेचे प्राचार्य मुळे, ठेंगझोडे, पडघान, मोहाने, वनपाल श्रीनाथ, वनपाल सोनुने, वाडेकर, वनरक्षक कु. केंद्रे, कु. जोशी, कु. चव्हाण, कु. अंबुलकर, वनरक्षक शिंदे, मोरे, खोलगडे, जुमडे, आढाव, कुलट, तायडे, धारपवार, फड आणि वनसेवक रोहिदास, मिलिंद, राहुल यांची प्रमुख उपस्थिती होती. कार्यक्रमादरम्यान वनपरिक्षेत्र अधिकारी बोबडे यांनी विद्यार्थ्यांना पर्यावरण संवर्धनाचे महत्त्व समजावून सांगितले. शिक्षिका सौ. वृषाली मोहाने यांनी वृक्ष लागवड ही आजच्या काळाची अत्यंत महत्त्वाची गरज असल्याचे प्रतिपादन केले. या प्रसंगी प्रादेशिक वनपरिक्षेत्र अधिकारी स्वप्निल पवार यांनी वृक्षांमुळे पर्यावरणाचा समतोल राखला जातो, पर्जन्यमान वाढण्यास मदत होते आणि शुद्ध प्राणवायू उपलब्ध होतो, असे सांगून खामगाव वनपरिक्षेत्रातील नागरिकांनी आपल्या वाढदिवशी किंवा इतर विशेष प्रसंगी किमान एक वृक्ष लावण्याचा संकल्प करावा, असे आवाहन केले.

Sachin boharpi

Photographer खामगाव, बुलढाणा, महाराष्ट्र•

5 hrs ago

बुलढाणा जिल्ह्यातील खामगाव येथे 'वनमहोत्सव : एक पेड माँ के नाम' या अभियानांतर्गत अतिशय उत्साहपूर्ण वातावरणात वृक्ष दिंडी आणि वृक्षारोपणाचे आयोजन करण्यात आले. जिल्हा परिषद (माजी शासकीय) माध्यमिक शाळा व कनिष्ठ महाविद्यालय, खामगाव तसेच बुलढाणा वन विभाग, वनपरिक्षेत्र अधिकारी कार्यालय (प्रादेशिक) व वनपरिक्षेत्र अधिकारी कार्यालय (सामाजिक वनीकरण) खामगाव यांच्या संयुक्त विद्यमाने या कार्यक्रमाचे आयोजन करण्यात आले होते. ही वृक्ष दिंडी वनपरिक्षेत्र अधिकारी कार्यालय (प्रादेशिक) पासून ते शहर पोलीस स्टेशनपर्यंत काढण्यात आली. या दरम्यान संपूर्ण परिसर 'झाडे लावा, झाडे जगवा' अशा विविध पर्यावरण संवर्धनाशी संबंधित घोषणांनी दुमदुमून गेला होता. वृक्ष दिंडीनंतर शाळेच्या परिसरात वृक्षारोपण करण्यात आले, तसेच विद्यार्थ्यांसाठी चित्रकला स्पर्धा आयोजित करून विजेत्यांना बक्षिसे देण्यात आली. हा कार्यक्रम बुलढाणा वन विभागाचे उपवनसंरक्षक जमीर शेख (भा.व.से.) आणि सहायक वनसंरक्षक (प्रादेशिक व कॅम्पा) व्ही. एम. काकडे यांच्या मार्गदर्शनाखाली पार पडला. या प्रसंगी खामगावचे प्रादेशिक वनपरिक्षेत्र अधिकारी स्वप्निल पवार, सामाजिक वनीकरणाचे वनपरिक्षेत्र अधिकारी बोबडे, वनपरिक्षेत्र अधिकारी (संरक्षण) यू. आर. राऊत, शाळेचे प्राचार्य मुळे, ठेंगझोडे, पडघान, मोहाने, वनपाल श्रीनाथ, वनपाल सोनुने, वाडेकर, वनरक्षक कु. केंद्रे, कु. जोशी, कु. चव्हाण, कु. अंबुलकर, वनरक्षक शिंदे, मोरे, खोलगडे, जुमडे, आढाव, कुलट, तायडे, धारपवार, फड आणि वनसेवक रोहिदास, मिलिंद, राहुल यांची प्रमुख उपस्थिती होती. कार्यक्रमादरम्यान वनपरिक्षेत्र अधिकारी बोबडे यांनी विद्यार्थ्यांना पर्यावरण संवर्धनाचे महत्त्व समजावून सांगितले. शिक्षिका सौ. वृषाली मोहाने यांनी वृक्ष लागवड ही आजच्या काळाची अत्यंत महत्त्वाची गरज असल्याचे प्रतिपादन केले. या प्रसंगी प्रादेशिक वनपरिक्षेत्र अधिकारी स्वप्निल पवार यांनी वृक्षांमुळे पर्यावरणाचा समतोल राखला जातो, पर्जन्यमान वाढण्यास मदत होते आणि शुद्ध प्राणवायू उपलब्ध होतो, असे सांगून खामगाव वनपरिक्षेत्रातील नागरिकांनी आपल्या वाढदिवशी किंवा इतर विशेष प्रसंगी किमान एक वृक्ष लावण्याचा संकल्प करावा, असे आवाहन केले.