महाराष्ट्र स्थानिक स्वराज्य संस्था मतदारसंघाच्या विधान परिषद निवडणुकीचे निकाल जाहीर झाले असून, सत्ताधारी महायुतीने यात दणदणीत विजय मिळवला आहे. मात्र, जळगाव आणि नाशिकच्या निकालांनी राज्याच्या राजकारणात एक नवा भूकंप घडवला आहे, ज्यामुळे महायुतीत युतीधर्मावरच प्रश्नचिन्ह निर्माण झाले आहे. जळगाव स्थानिक स्वराज्य संस्था मतदारसंघात महायुतीचे अधिकृत उमेदवार नंदकिशोर महाजन यांनी ५८२ मते मिळवून विक्रमी विजय नोंदवला. या विजयाचे खास वैशिष्ट्य म्हणजे निवडणुकीपूर्वी शिंदे गटाच्या नेत्या रेश्मा काळे यांनी बंडखोरी केली होती, पण महायुतीच्या वरिष्ठ नेत्यांच्या मध्यस्थीनंतर त्यांनी पक्षादेश मानून माघार घेतली. तसेच, अपक्ष उमेदवार अनिल चौधरी यांनीही उपमुख्यमंत्री एकनाथ शिंदे यांच्या मध्यस्थीनंतर महायुतीच्या उमेदवाराला पाठिंबा जाहीर केला होता. यामुळे जळगावचा निकाल हा 'शिंदे गटाने' प्रामाणिकपणे पाळलेल्या युतीधर्माचे थेट प्रतीक मानला जात आहे. याउलट, नाशिकमध्ये महायुतीमध्ये शिंदेंच्या शिवसेनेला ही जागा सुटली होती आणि नरेंद्र दराडे हे अधिकृत उमेदवार होते. मात्र, भाजपचे स्थानिक बंडखोर नेते गोकुळ गीते यांनी अपक्ष उमेदवारी कायम ठेवली. उपमुख्यमंत्री एकनाथ शिंदे, भाजपचे गिरीश महाजन आणि उदय सामंत यांनी प्रयत्न करूनही गीते यांनी माघार घेतली नाही. मतमोजणीत गोकुळ गीते यांनी ३८९ मते घेत महायुतीच्या अधिकृत उमेदवाराचा पराभव केला. नाशिकमध्ये भाजपची मोठी ताकद पाहता, ही मते नेमकी कुणाच्या छुप्या पाठिंब्याने वळली, याबाबत आता संशय व्यक्त केला जात आहे. खरं तर, निवडणुकीपूर्वी जळगाव आणि नाशिकमधील बंडखोरीचा तिढा एकमेकांशी जोडला गेला होता. नाशिकमधील भाजपचे बंडखोर माघार घेतील याच अटीवर जळगावातही माघार घेणार असल्याचे शिंदे गटाच्या बंडखोर रेश्मा काळे यांनी म्हटले होते. जळगावात शिवसेनेने आपला शब्द पाळत भाजपचा उमेदवार निवडून आणला, पण नाशिकमध्ये भाजपने आपल्या बंडखोराला रोखले नाही की दराडेंचा 'गेम' होऊ दिला, यावरून शिवसेनेच्या गोटात तीव्र नाराजी आहे. “आम्ही जळगावात प्रामाणिक राहिलो, मग नाशिकमध्ये आमच्या पाठीत खंजीर का खुपसला?” असा संतप्त सूर शिवसेना कार्यकर्त्यांमधून निघत आहे. या दोन टोकांच्या निकालांमुळे महायुतीत आनंदापेक्षा संशयाचे धुके अधिक दाटले असून, नाशिकमधील हा 'अविश्वास' आगामी निवडणुकांमध्ये महायुतीला खूप महाग पडू शकतो, असेच संकेत मिळत आहेत.

Kiran Mali

Local News Reporter धरणगाव, जळगाव, महाराष्ट्र•

2 hrs ago

महाराष्ट्र स्थानिक स्वराज्य संस्था मतदारसंघाच्या विधान परिषद निवडणुकीचे निकाल जाहीर झाले असून, सत्ताधारी महायुतीने यात दणदणीत विजय मिळवला आहे. मात्र, जळगाव आणि नाशिकच्या निकालांनी राज्याच्या राजकारणात एक नवा भूकंप घडवला आहे, ज्यामुळे महायुतीत युतीधर्मावरच प्रश्नचिन्ह निर्माण झाले आहे. जळगाव स्थानिक स्वराज्य संस्था मतदारसंघात महायुतीचे अधिकृत उमेदवार नंदकिशोर महाजन यांनी ५८२ मते मिळवून विक्रमी विजय नोंदवला. या विजयाचे खास वैशिष्ट्य म्हणजे निवडणुकीपूर्वी शिंदे गटाच्या नेत्या रेश्मा काळे यांनी बंडखोरी केली होती, पण महायुतीच्या वरिष्ठ नेत्यांच्या मध्यस्थीनंतर त्यांनी पक्षादेश मानून माघार घेतली. तसेच, अपक्ष उमेदवार अनिल चौधरी यांनीही उपमुख्यमंत्री एकनाथ शिंदे यांच्या मध्यस्थीनंतर महायुतीच्या उमेदवाराला पाठिंबा जाहीर केला होता. यामुळे जळगावचा निकाल हा 'शिंदे गटाने' प्रामाणिकपणे पाळलेल्या युतीधर्माचे थेट प्रतीक मानला जात आहे. याउलट, नाशिकमध्ये महायुतीमध्ये शिंदेंच्या शिवसेनेला ही जागा सुटली होती आणि नरेंद्र दराडे हे अधिकृत उमेदवार होते. मात्र, भाजपचे स्थानिक बंडखोर नेते गोकुळ गीते यांनी अपक्ष उमेदवारी कायम ठेवली. उपमुख्यमंत्री एकनाथ शिंदे, भाजपचे गिरीश महाजन आणि उदय सामंत यांनी प्रयत्न करूनही गीते यांनी माघार घेतली नाही. मतमोजणीत गोकुळ गीते यांनी ३८९ मते घेत महायुतीच्या अधिकृत उमेदवाराचा पराभव केला. नाशिकमध्ये भाजपची मोठी ताकद पाहता, ही मते नेमकी कुणाच्या छुप्या पाठिंब्याने वळली, याबाबत आता संशय व्यक्त केला जात आहे. खरं तर, निवडणुकीपूर्वी जळगाव आणि नाशिकमधील बंडखोरीचा तिढा एकमेकांशी जोडला गेला होता. नाशिकमधील भाजपचे बंडखोर माघार घेतील याच अटीवर जळगावातही माघार घेणार असल्याचे शिंदे गटाच्या बंडखोर रेश्मा काळे यांनी म्हटले होते. जळगावात शिवसेनेने आपला शब्द पाळत भाजपचा उमेदवार निवडून आणला, पण नाशिकमध्ये भाजपने आपल्या बंडखोराला रोखले नाही की दराडेंचा 'गेम' होऊ दिला, यावरून शिवसेनेच्या गोटात तीव्र नाराजी आहे. “आम्ही जळगावात प्रामाणिक राहिलो, मग नाशिकमध्ये आमच्या पाठीत खंजीर का खुपसला?” असा संतप्त सूर शिवसेना कार्यकर्त्यांमधून निघत आहे. या दोन टोकांच्या निकालांमुळे महायुतीत आनंदापेक्षा संशयाचे धुके अधिक दाटले असून, नाशिकमधील हा 'अविश्वास' आगामी निवडणुकांमध्ये महायुतीला खूप महाग पडू शकतो, असेच संकेत मिळत आहेत.