ठाण्यात ३ कोटींचा चरस जप्त; गुजरातमधील तस्कराला बेड्या चरस आणि प्रतिबंधित औषधांचा मोठा साठा विक्रीसाठी घेऊन आलेल्या गुजरात येथील फिरोज खान (५२) या तस्कराला ठाणे गुन्हे शाखेच्या अमली पदार्थविरोधी पथकाने कळवा- खारेगाव टोलनाका परिसरातून अटक केली आहे. त्याच्याकडून तब्बल ३ कोटी २ लाख रुपयांचा चरस आणि प्रतिबंधित औषधांचा मोठा साठा जप्त केला असून ही कारवाई ८ मे रोजी रात्री करण्यात आल्याची माहिती पोलिसांनी दिली. फिरोज खान हा कळवा- खारेगाव टोलनाका परिसरात चरस आणि स्पास्मो-प्रॉक्सिवॉन आर प्लस कॅप्सूल’ विक्रीसाठी येणार असल्याची माहिती ठाणे शहर अमली पदार्थविरोधी पथकातील पोलीस हवालदार अमोल देसाई यांना मिळाली होती. त्यानुसार वरिष्ठ पोलीस निरीक्षक जनार्दन सोनवणे यांच्या मार्गदर्शनाखाली पथकाने सापळा रचला. रात्री साडेनऊच्या सुमारास खारेगाव टोलनाक्याकडून मुंब्याकडे जाणाऱ्या मार्गावर संशयिताला ताब्यात घेत त्याच्याकडे चौकशी केली असता तो भरुच जिल्ह्यामधील अंकलेश्वरमधील असल्याचे समोर आले. यावेळी त्याच्या झडतीत त्याच्याकडून ३ किलो २० ग्रॅम चरस जप्त करण्यात आले असून त्याची किंमत ३ कोटी ०२ लाख रुपये असल्याचे पोलिसांनी सांगितले. तसेच १२ हजार ९८४ ‘स्पास्मो-प्रॉक्सिवॉन आर प्लस कॅप्सूल’ जप्त करण्यात आल्या आहेत. दिल्ली, बिहार कनेक्शन; सहाजणांवर गुन्हा खान याला हा माल जम्मू-कश्मीर, दिल्ली आणि बिहारमधील काही व्यक्तींनी पुरवल्याचे चौकशीत समोर आले आहे. याप्रकरणी त्याच्यासह जम्मू-काश्मीर गुलबानवी, जुबेर, आश्रब व दिल्लीमधील मोनू आणि बिहारचा गणेश या सहा जणांविरोधात कळवा पोलीस ठाण्यात गुन्हा दाखल करण्यात आला असून त्यांचा शोध सुरू आहे. तो कुणाला हे अमली पदार्थ विक्री करणार होता याचा तपास अमली पदार्थविरोधी पथकाचे वरिष्ठ पोलीस निरीक्षक जनार्दन सोनवणे यांच्या मार्गदर्शनाखाली सुरू आहे, अशी माहिती पोलिसांनी दिली.

लोक हिंद चॅनल

Journalist शहापूर, ठाणे, महाराष्ट्र•

3 hrs ago

ठाण्यात ३ कोटींचा चरस जप्त; गुजरातमधील तस्कराला बेड्या चरस आणि प्रतिबंधित औषधांचा मोठा साठा विक्रीसाठी घेऊन आलेल्या गुजरात येथील फिरोज खान (५२) या तस्कराला ठाणे गुन्हे शाखेच्या अमली पदार्थविरोधी पथकाने कळवा- खारेगाव टोलनाका परिसरातून अटक केली आहे. त्याच्याकडून तब्बल ३ कोटी २ लाख रुपयांचा चरस आणि प्रतिबंधित औषधांचा मोठा साठा जप्त केला असून ही कारवाई ८ मे रोजी रात्री करण्यात आल्याची माहिती पोलिसांनी दिली. फिरोज खान हा कळवा- खारेगाव टोलनाका परिसरात चरस आणि स्पास्मो-प्रॉक्सिवॉन आर प्लस कॅप्सूल’ विक्रीसाठी येणार असल्याची माहिती ठाणे शहर अमली पदार्थविरोधी पथकातील पोलीस हवालदार अमोल देसाई यांना मिळाली होती. त्यानुसार वरिष्ठ पोलीस निरीक्षक जनार्दन सोनवणे यांच्या मार्गदर्शनाखाली पथकाने सापळा रचला. रात्री साडेनऊच्या सुमारास खारेगाव टोलनाक्याकडून मुंब्याकडे जाणाऱ्या मार्गावर संशयिताला ताब्यात घेत त्याच्याकडे चौकशी केली असता तो भरुच जिल्ह्यामधील अंकलेश्वरमधील असल्याचे समोर आले. यावेळी त्याच्या झडतीत त्याच्याकडून ३ किलो २० ग्रॅम चरस जप्त करण्यात आले असून त्याची किंमत ३ कोटी ०२ लाख रुपये असल्याचे पोलिसांनी सांगितले. तसेच १२ हजार ९८४ ‘स्पास्मो-प्रॉक्सिवॉन आर प्लस कॅप्सूल’ जप्त करण्यात आल्या आहेत. दिल्ली, बिहार कनेक्शन; सहाजणांवर गुन्हा खान याला हा माल जम्मू-कश्मीर, दिल्ली आणि बिहारमधील काही व्यक्तींनी पुरवल्याचे चौकशीत समोर आले आहे. याप्रकरणी त्याच्यासह जम्मू-काश्मीर गुलबानवी, जुबेर, आश्रब व दिल्लीमधील मोनू आणि बिहारचा गणेश या सहा जणांविरोधात कळवा पोलीस ठाण्यात गुन्हा दाखल करण्यात आला असून त्यांचा शोध सुरू आहे. तो कुणाला हे अमली पदार्थ विक्री करणार होता याचा तपास अमली पदार्थविरोधी पथकाचे वरिष्ठ पोलीस निरीक्षक जनार्दन सोनवणे यांच्या मार्गदर्शनाखाली सुरू आहे, अशी माहिती पोलिसांनी दिली.