बोगस बियाण्यांचा फटका! यड्रावच्या शेतकऱ्याचा कलिंगड प्लॉट उद्ध्वस्त; लाखोंचा फटका, कारवाईची मागणी शिरोळ तालुक्यातील यड्राव येथील शेतकरी श्रेणिक उदगावे यांना बोगस बियाण्यांचा मोठा फटका बसल्याची धक्कादायक घटना समोर आली आहे.जयसिंगपूर येथील कचरे रोपवाटिकेतून सिमन एस सीड्स भुजंग कंपनीची सुमारे ४२०० कलिंगडाची रोपे खरेदी करून त्यांनी लागवड केली होती.यासाठी तब्बल १ लाख १० हजार रुपयांचा खर्च करत त्यांनी मोठ्या मेहनतीने पिक जोपासले.मात्र लागवडीला ७७ दिवस उलटूनही कलिंगड कापल्यावर आतून पांढरे निघत असल्याने संपूर्ण प्लॉट अक्षरशः उध्वस्त झाला आहे.या प्रकारामुळे संतप्त झालेल्या उदगावे यांनी शेतातच कलिंगड फोडून आपला संताप व्यक्त केला.आमच्या कष्टाची थट्टा झाली,अशी प्रतिक्रिया त्यांनी व्यक्त केली.या प्रकरणी शिरोळ तालुका पंचायत समितीचे माजी उपसभापती राजू कुरडे यांनी थेट इशारा देत संबंधित बियाणे कंपनी आणि रोपवाटिकेविरोधात फौजदारी गुन्हे दाखल करण्याची मागणी केली आहे. घटनेची गांभीर्याने दखल घेत कृषी विभागाच्या अधिकाऱ्यांनी तातडीने शेताला भेट देऊन पाहणी केली.तालुका कृषी अधिकारी चंद्रकांत जंगटे,उपविभागीय कृषी अधिकारी पोपट, गुणनियंत्रण अधिकारी अनुप रासकर आदींनी पंचनामा सुरू केला असून नेमके कारण शोधण्यासाठी अहवाल तयार केला जात आहे. दरम्यान, या प्रकरणामुळे परिसरातील शेतकऱ्यांमध्ये भीतीचे वातावरण निर्माण झाले आहे.लाखो रुपयांच्या नुकसानीला नेमके जबाबदार कोण - बियाणे कंपनी की रोपवाटिका - याबाबत प्रश्नचिन्ह निर्माण झाले आहे.बोगस बियाण्यांमुळे शेतकरी आर्थिकदृष्ट्या कोलमडत असताना अशा कंपन्यांवर कठोर कारवाई करावी,अशी जोरदार मागणी आता होत आहे.

आमची मराठी.com

शिरोळ, कोल्हापूर, महाराष्ट्र•

on 22 March

बोगस बियाण्यांचा फटका! यड्रावच्या शेतकऱ्याचा कलिंगड प्लॉट उद्ध्वस्त; लाखोंचा फटका, कारवाईची मागणी शिरोळ तालुक्यातील यड्राव येथील शेतकरी श्रेणिक उदगावे यांना बोगस बियाण्यांचा मोठा फटका बसल्याची धक्कादायक घटना समोर आली आहे.जयसिंगपूर येथील कचरे रोपवाटिकेतून सिमन एस सीड्स भुजंग कंपनीची सुमारे ४२०० कलिंगडाची रोपे खरेदी करून त्यांनी लागवड केली होती.यासाठी तब्बल १ लाख १० हजार रुपयांचा खर्च करत त्यांनी मोठ्या मेहनतीने पिक जोपासले.मात्र लागवडीला ७७ दिवस उलटूनही कलिंगड कापल्यावर आतून पांढरे निघत असल्याने संपूर्ण प्लॉट अक्षरशः उध्वस्त झाला आहे.या प्रकारामुळे संतप्त झालेल्या उदगावे यांनी शेतातच कलिंगड फोडून आपला संताप व्यक्त केला.आमच्या कष्टाची थट्टा झाली,अशी प्रतिक्रिया त्यांनी व्यक्त केली.या प्रकरणी शिरोळ तालुका पंचायत समितीचे माजी उपसभापती राजू कुरडे यांनी थेट इशारा देत संबंधित बियाणे कंपनी आणि रोपवाटिकेविरोधात फौजदारी गुन्हे दाखल करण्याची मागणी केली आहे. घटनेची गांभीर्याने दखल घेत कृषी विभागाच्या अधिकाऱ्यांनी तातडीने शेताला भेट देऊन पाहणी केली.तालुका कृषी अधिकारी चंद्रकांत जंगटे,उपविभागीय कृषी अधिकारी पोपट, गुणनियंत्रण अधिकारी अनुप रासकर आदींनी पंचनामा सुरू केला असून नेमके कारण शोधण्यासाठी अहवाल तयार केला जात आहे. दरम्यान, या प्रकरणामुळे परिसरातील शेतकऱ्यांमध्ये भीतीचे वातावरण निर्माण झाले आहे.लाखो रुपयांच्या नुकसानीला नेमके जबाबदार कोण - बियाणे कंपनी की रोपवाटिका - याबाबत प्रश्नचिन्ह निर्माण झाले आहे.बोगस बियाण्यांमुळे शेतकरी आर्थिकदृष्ट्या कोलमडत असताना अशा कंपन्यांवर कठोर कारवाई करावी,अशी जोरदार मागणी आता होत आहे.