লখিমপুৰ জিলা প্ৰশাসনৰ উদ্যোগত আৰু বগীনদী উন্নয়ন খণ্ড কাৰ্যলয়ৰ সহযোগত তিনিদিনীয়া কাৰ্যসূচীৰে আয়োজিত জনকল্যাণ শিবিৰৰ আজি সামৰণি পৰে। যোৱা ১৮ জুনৰ পৰা বগীনদী উন্নয়ন খণ্ডৰ কাৰ্যলয় চৌহদত আৰম্ভ হোৱা এই শিবিৰত লখিমপুৰ জিলা প্ৰশাসনৰ অন্তৰ্গত ১৮টা চৰকাৰী বিভাগৰ লগতে কেইবাটাও বেচৰকাৰী সংস্থাই অংশগ্ৰহণ কৰিছিল।

লখিমপুৰৰ চিয়াঁজুলিত চুতীয়া উন্নয়ন পৰিষদৰ পূঁজিৰে নিৰ্মিত লক্ষ্মীনাৰায়ণ ক্ষেত্ৰৰ নিৰ্মাণ কাৰ্যত ব্যাপক দুৰ্নীতি সংঘটিত হোৱাৰ গুৰুতৰ অভিযোগ উত্থাপন হৈছে। এই অভিযোগ কুণ্ডিল সেনা অসমৰ লখিমপুৰ জিলা সমিতিয়ে কৰিছে। আজি কুণ্ডিল সেনা অসমৰ লখিমপুৰ জিলা সমিতিৰ সভাপতি ফটিক চুতীয়াৰ নেতৃত্বত সদস্যসকলে চিয়াঁজুলি দীৰ্ঘা মাজ গাঁৱত, দীৰ্ঘা নদীৰ পাৰত নিৰ্মিত লক্ষ্মীনাৰায়ণ ক্ষেত্ৰখন পৰিদৰ্শন কৰে। এই পৰিদৰ্শনৰ পাছতে জিলা সমিতিৰ উপদেষ্টা বিপুল চুতীয়াই অভিযোগ কৰে যে, চুতীয়া উন্নয়ন পৰিষদৰ নামত ৰাজ্য চৰকাৰে অনুমোদন কৰা ১২৫ কোটি টকাৰ মাজৰ পৰা ২ কোটি টকাতকৈ অধিক ধনেৰে নিৰ্মিত এই লক্ষ্মীনাৰায়ণ ক্ষেত্ৰৰ পকী দেৱালত ব্যাপক বিসংগতি পৰিলক্ষিত হৈছে। ইয়াৰ উপৰিও, গেট আৰু জিৰণি ঘৰৰ বাবে ধন আৱন্টিত হোৱাৰ পাছতো আজিলৈকে সেইবোৰ নিৰ্মাণ নকৰি সম্পূৰ্ণ ধন আত্মসাৎ কৰা হৈছে বুলি অভিযোগ উত্থাপন কৰা হৈছে। এই দুৰ্নীতিৰ লগত বিভাগীয় ঠিকাদাৰৰ লগতে চুতীয়া উন্নয়ন পৰিষদৰ কাৰ্যবাহী সদস্যসকল জড়িত থকাৰো অভিযোগ কৰা হৈছে।

বাঁহী বাদক দিবাকৰ শৰ্মাই এটা তাৎপৰ্যপূৰ্ণ প্ৰশ্ন উত্থাপন কৰিছে যে যদি জ্যোতিপ্ৰসাদ আগৰৱালাৰ জন্ম জয়ন্তীক 'শিল্পী দিৱস' হিচাপে পালন কৰিব পৰা যায়, তেন্তে বিষ্ণুপ্ৰসাদ ৰাভাৰ জন্ম জয়ন্তী 'কলাগুৰু দিৱস' ৰূপে কিয় উদযাপন কৰিব নোৱাৰি? তেওঁৰ মতে, শিল্পী দিৱসৰ দৰেই বিষ্ণুপ্ৰসাদ ৰাভা দিৱসকো কলাগুৰু দিৱস হিচাপে পালন কৰিবলৈ কোনো বাধা থাকিব নালাগে। এই মন্তব্যই বিষ্ণুপ্ৰসাদ ৰাভাৰ স্মৃতিত এক বিশেষ স্বীকৃতিৰ পোষকতা কৰিছে।

Domay kawoi fish🐠 farming and fry"l kharidne se comment karo Domay kawoi fish 🐠 farming and fry"l kharidne se comment karo please

মাজুলীত এক ভয়ংকৰ ঘটনা সংঘটিত হৈছে, য'ত পাথৰিচুক গাঁও সংযোগী খেৰকতা নদীৰ ওপৰত থকা কাঠৰ দলংখন হঠাতে ভাগি পৰে। এই ঘটনাত বিদ্যালয়লৈ আহি থকা বহু ছাত্ৰ-ছাত্ৰীয়ে কথমপি এক ডাঙৰ বিপদৰ পৰা ৰক্ষা পৰে, যাৰ ফলত তীব্ৰ চাঞ্চল্যৰ সৃষ্টি হৈছে। স্থানীয় ৰাইজে অভিযোগ কৰিছে যে এই জৰাজীৰ্ণ কাঠৰ দলংখন দীৰ্ঘদিন ধৰি মেৰামতিৰ অভাৱত আছিল। তেওঁলোকে প্ৰশাসনক বহু দিন ধৰি ইয়াৰ মেৰামতিৰ বাবে আহ্বান জনাই আহিছিল, কিন্তু দুৰ্ভাগ্যজনকভাৱে বিভাগীয় কৰ্তৃপক্ষই কোনো কাণসাৰ দিয়া নাছিল, যাৰ ফলত আজি এই ভয়ংকৰ ঘটনা সংঘটিত হ'ল। উল্লেখ্য যে, এই ভাঙি পৰা কাঠৰ দলংখনৰ কাষেৰেই এখন পকী দলঙৰ নিৰ্মাণ কাৰ্য চলি আছে। কিন্তু ঠিকাদাৰ আৰু বিভাগীয় কৰ্তৃপক্ষৰ চৰম লেহেমীয়া গতিৰ বাবে বিগত এটা বছৰে এই স্থায়ী পকী দলংখনৰ নিৰ্মাণত বিশেষ অগ্ৰগতি হোৱা নাই। ইয়াৰ ফলত ৰাইজে আজিও এই জৰাজীৰ্ণ কাঠৰ দলংখনৰ ওপৰতে নিৰ্ভৰ কৰিবলৈ বাধ্য হৈছিল। বৰ্তমান কণ কণ ছাত্ৰ-ছাত্ৰীসকলে নিজৰ পিতৃ-মাতৃৰ সৈতে এখন টুলুঙা হাত নাৱঁত বিপদসংকুলভাৱে নদী পাৰ হ'বলগীয়া হৈছে। এই ঘটনাক লৈ এতিয়া প্ৰশ্ন উঠিছে যে, যদি কোনো ডাঙৰ দুৰ্ঘটনা ঘটি প্ৰাণহানি হ'লে ইয়াৰ বাবে জগৰীয়া কোন হ'লহেঁতেন।

মুখ্যমন্ত্ৰী হিমন্ত বিশ্ব শৰ্মাই বীৰাংগনা সতী সাধনীৰ প্ৰতিমূর্তিত শ্ৰদ্ধাৰে সেৱা জনাইছে। সতী সাধনীক সাহস, ধৈৰ্য আৰু বীৰত্বৰ এক অম্লান প্রতীক হিচাপে বৰ্ণনা কৰা হৈছে। চুতীয়া সাম্ৰাজ্যৰ শেষৰগৰাকী ৰাণী এই মহীয়সী নাৰীগৰাকীয়ে নিজৰ স্বজাতিৰ মৰ্যাদা আৰু অস্তিত্ব ৰক্ষাৰ বাবে চৰম বলিদান আগবঢ়াইছিল।

আজি সমগ্ৰ অসমৰ লগতে বিহপুৰীয়াতো শাখা সাহিত্য সভা কাৰ্যালয়, জনজাতি কৃষ্টি বিকাশ কেন্দ্ৰ বিহপুৰীয়া, বিভিন্ন বিদ্যালয় আৰু ১৯৮৯ চনত প্ৰতিষ্ঠা লাভ কৰা ৰাজবাৰী পদ্মজ্যোতি যুৱক সংঘই দিনজোৰা কাৰ্যসূচীৰে কলাগুৰু বিষ্ণু প্ৰসাদ ৰাভা দিৱস পালন কৰে। পুৱা সন্তপুৰ মধ্য ইংৰাজী বিদ্যালয়ৰ অৱসৰপ্ৰাপ্ত প্ৰধান শিক্ষক যদুমনি মহন্তই পতাকা উত্তোলন কৰি চমু ভাষণত বিষ্ণু ৰাভাৰ ঢাকাৰ পৰা আহি তেজপুৰত স্থায়ী বাসিন্দা হৈ অসমবাসীৰ বাবে কৰি যোৱা সৃষ্টিৰাজীৰ বিশ্লেষণ আগবঢ়াই তেওঁৰ বিপ্লৱী সত্ত্বাক স্মৰণ কৰে। ইয়াৰ পিছতে লোহিত ডিক্ৰং উমা বিদ্যালয়ৰ অধ্যক্ষ দিগন্ত নেওগ আৰু বিহপুৰীয়াৰ জ্যেষ্ঠ সাংবাদিক নৱজ্যোতি শৰ্মাই কলাগুৰু বিষ্ণু ৰাভা আৰু জুবিন গাৰ্গৰ প্ৰতিচ্ছবিৰ সন্মুখত বন্তি প্ৰজ্বলন কৰে। সংঘৰ উপদেষ্টা ৰঞ্জিত পূজাৰীয়ে আঁত ধৰা এই অনুস্থানটি সমাজকৰ্মী জগত মহন্তই শুভ উদ্বোধন কৰে। এই দিনজোৰা কাৰ্যসূচীত নিম্ন শাখা আৰু উচ্চ শাখাৰ প্ৰতিযোগীসকলৰ মাজত ৰাভা সংগীত, চিত্ৰাংকন, সৃষ্টিশীল নৃত্য, নিৰ্বাচিত কবিতাৰ আবৃত্তি আৰু ৰাভা দেৱৰ ওপৰত বক্তৃতা প্ৰদানৰ দৰে বিভিন্ন প্ৰতিযোগিতা অনুষ্ঠিত হয়। দীৰ্ঘদিনৰ বিৰতিৰ অন্তত সম্পাদক পৰমানন্দ শইকীয়া, সভাপতি জয়ন্ত হাজৰিকা আৰু সদস্য যতীন শইকীয়াৰ প্ৰচেষ্টাত এটি স্থায়ী সমৱেত গীত ৰচনা কৰি পৰিৱেশন কৰাত উপস্থিত সকলো আইমাতৃ আৰু যুৱ সমাজে হিয়া উজাৰি আশীৰ্বাদ জনায়।

অল ইণ্ডিয়া জাৰ্নেলিষ্ট ইউনিয়নৰ উদ্যোগত আৰু লাহোৱাল প্ৰেছ ক্লাৱ লগতে হাবিচুক গাঁওবাসী ৰাইজৰ আতিথ্যত দ্বিতীয় বাৰ্ষিক কলাগুৰু বিষ্ণুপ্ৰসাদ ৰাভা দিৱস উদযাপন কৰা হৈছে।

সোণাৰি সমষ্টিৰ ২নং ধুনীয়াপথাৰ গাঁৱত “কঠিয়া সিঁচা পৰ্ব” শীৰ্ষক এক কাৰ্যসূচী সফলতাৰে অনুষ্ঠিত হৈছে। বানপানী আৰু প্ৰাকৃতিক দুৰ্যোগৰ ফলত কঠিয়া নষ্ট হৈ ক্ষতিগ্ৰস্ত হোৱা কৃষকসকলক সহায় কৰাৰ লগতে পুনৰ খেতি আৰম্ভ কৰিবলৈ উৎসাহিত কৰাৰ উদ্দেশ্যৰে এই পৰ্বৰ আয়োজন কৰা হৈছিল। সাপেখাটী মণ্ডলৰ বিষয়ববীয়াসকলে আয়োজন কৰা এই অনুষ্ঠানত সোণাৰি সমষ্টিৰ বিধায়ক ধৰ্মেশ্বৰ কোঁৱৰ উপস্থিত থাকে। তেওঁ কৃষকসকলৰ সৈতে মত-বিনিময় কৰে আৰু কৃষি খণ্ডৰ উন্নয়ন তথা কৃষকৰ স্বাৱলম্বিতা নিশ্চিত কৰাৰ ক্ষেত্ৰত চৰকাৰে লোৱা বিভিন্ন পদক্ষেপৰ বিষয়ে অৱগত কৰে। বিধায়ক কোঁৱৰে লগতে উল্লেখ কৰে যে বানপানীৰ ফলত ক্ষতিগ্ৰস্ত হোৱা কৃষকসকলক পুনৰ উৎপাদনমুখী কৰি তোলাৰ বাবে এইধৰণৰ পদক্ষেপ অতি তাৎপৰ্যপূৰ্ণ। কাৰ্যসূচীৰ জৰিয়তে কৃষকসকলক প্ৰয়োজনীয় কঠিয়া আৰু কৃষিকাৰ্য সম্পৰ্কীয় সহায় আগবঢ়োৱা হয়, যাৰ ফলত তেওঁলোকে পুনৰ খেতি আৰম্ভ কৰাৰ সুযোগ পাব আৰু কৃষি উৎপাদন বৃদ্ধিত সহায়ক হ'ব বুলি আশা কৰা হৈছে। বিধায়ক ধৰ্মেশ্বৰ কোঁৱৰে কৃষকসকলৰ কল্যাণক অগ্ৰাধিকাৰ দি আগন্তুক দিনতো কৃষি উন্নয়নৰ বাবে বিভিন্ন পদক্ষেপ গ্ৰহণ অব্যাহত ৰখা হ'ব বুলি জনায়। তেওঁ এই “কঠিয়া সিঁচা পৰ্ব”ৰ জৰিয়তে ক্ষতিগ্ৰস্ত কৃষকসকলৰ মাজত নতুন আশাৰ সঞ্চাৰ হোৱাৰ লগতে কৃষিভিত্তিক অৰ্থনীতি অধিক শক্তিশালী কৰাৰ ক্ষেত্ৰতো ইতিবাচক প্ৰভাৱ পৰিব বুলি আশা ব্যক্ত কৰে। কঠিয়া তলিত বিধায়ক ধৰ্মেশ্বৰ কোঁৱৰক কঠিয়া সিঁচাতো ব্যস্ত থকা দেখা যায়।