ಮನೆಗೆ ನುಗ್ಗಿ ಮಹಿಳೆಯ ಸರ ಅಪಹರಿಸಿದ ಕಳ್ಳ: ಠಾಣೆಯಲ್ಲಿ ದೂರು ದಾಖಲು ಮನೆಯ ಒಳಗೆ ಟಿವಿ ನೋಡುತ್ತಾ ಕುಳಿತಿದ್ದ ಮಹಿಳೆಯ ಮೇಲೆ ದಾಳಿ ನಡೆಸಿರುವ ದುಷ್ಕರ್ಮಿ, ಆಕೆಯ ಕುತ್ತಿಗೆಯಲ್ಲಿದ್ದ ಸುಮಾರು 4 ಲಕ್ಷ ರೂ. ಮೌಲ್ಯದ 30 ಗ್ರಾಂ ಚಿನ್ನದ ಸರವನ್ನು ಕಸಿದು ಪರಾರಿಯಾಗಿದ್ದಾನೆ. ನಗರದ ಚಾಮರಾಜ ಮೊಹಲ್ಲಾ ನಿವಾಸಿ ಇಂದ್ರಾಣಿ ಎಂಬವರೇ ಆಗಂತುಕನ ದಾಳಿಗೆ ಒಳಗಾಗಿ ಸರ ಕಳೆದುಕೊಂಡವರು. ಅವರು ಬೇಸಿಗೆ ಸೆಕೆ ಹೆಚ್ಚಿದ್ದ ಕಾರಣ ಮಾ.7ರ ರಾತ್ರಿ 9.45ರ ಸುಮಾರಿನಲ್ಲಿ ಮನೆಯ ಮುಂಬಾಗಿಲನ್ನು ತೆರೆದಿಟ್ಟು ಟಿವಿ ನೋಡುತ್ತಿದ್ದರು. ಈ ವೇಳೆ ಇದ್ದಕ್ಕಿದ್ದಂತೆ ಮನೆಯ ಒಳಗೆ ಪ್ರವೇಶಿಸಿದ ಅಪರಿಚಿತ ವ್ಯಕ್ತಿ, ಇಂದ್ರಾಣಿ ಅವರ ಮುಖ ಹಾಗೂ ಕಣ್ಣಿಗೆ ರಾಸಾಯನಿಕ ಪುಡಿಯನ್ನು ಉಜ್ಜಿದ್ದಾನೆ. ಇದರಿಂದ ಅವರ ಕಣ್ಣು ಉರಿಯಲಾರಂಭಿಸಿದೆ. ಇದೇ ಸಮಯವನ್ನು ಬಳಸಿಕೊಂಡ ಆತ ಆಕೆಯ ಕುತ್ತಿಗೆಯಲ್ಲಿದ್ದ ಸರವನ್ನು ಕಸಿದು ಓಡಿ ಹೋಗಿದ್ದಾನೆ. ನಂತರ ಆಕೆ ಅಡುಗೆ ಮನೆಗೆ ತೆರಳಿ ಕಣ್ಣಿಗೆ ನೀರು ಹಾಕಿಕೊಂಡು ಹೊರಗೆ ಬಂದಿದ್ದಾರೆ. ಅಷ್ಟರಲ್ಲಿ ಖದೀಮ ಪರಾರಿಯಾಗಿದ್ದಾನೆ. ಈ ಸಂಬಂಧ ಲಕ್ಷ್ಮೀಪುರಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Ashwini

ಮೈಸೂರು, ಮೈಸೂರು, ಕರ್ನಾಟಕ•

6 hrs ago

ಮನೆಗೆ ನುಗ್ಗಿ ಮಹಿಳೆಯ ಸರ ಅಪಹರಿಸಿದ ಕಳ್ಳ: ಠಾಣೆಯಲ್ಲಿ ದೂರು ದಾಖಲು ಮನೆಯ ಒಳಗೆ ಟಿವಿ ನೋಡುತ್ತಾ ಕುಳಿತಿದ್ದ ಮಹಿಳೆಯ ಮೇಲೆ ದಾಳಿ ನಡೆಸಿರುವ ದುಷ್ಕರ್ಮಿ, ಆಕೆಯ ಕುತ್ತಿಗೆಯಲ್ಲಿದ್ದ ಸುಮಾರು 4 ಲಕ್ಷ ರೂ. ಮೌಲ್ಯದ 30 ಗ್ರಾಂ ಚಿನ್ನದ ಸರವನ್ನು ಕಸಿದು ಪರಾರಿಯಾಗಿದ್ದಾನೆ. ನಗರದ ಚಾಮರಾಜ ಮೊಹಲ್ಲಾ ನಿವಾಸಿ ಇಂದ್ರಾಣಿ ಎಂಬವರೇ ಆಗಂತುಕನ ದಾಳಿಗೆ ಒಳಗಾಗಿ ಸರ ಕಳೆದುಕೊಂಡವರು. ಅವರು ಬೇಸಿಗೆ ಸೆಕೆ ಹೆಚ್ಚಿದ್ದ ಕಾರಣ ಮಾ.7ರ ರಾತ್ರಿ 9.45ರ ಸುಮಾರಿನಲ್ಲಿ ಮನೆಯ ಮುಂಬಾಗಿಲನ್ನು ತೆರೆದಿಟ್ಟು ಟಿವಿ ನೋಡುತ್ತಿದ್ದರು. ಈ ವೇಳೆ ಇದ್ದಕ್ಕಿದ್ದಂತೆ ಮನೆಯ ಒಳಗೆ ಪ್ರವೇಶಿಸಿದ ಅಪರಿಚಿತ ವ್ಯಕ್ತಿ, ಇಂದ್ರಾಣಿ ಅವರ ಮುಖ ಹಾಗೂ ಕಣ್ಣಿಗೆ ರಾಸಾಯನಿಕ ಪುಡಿಯನ್ನು ಉಜ್ಜಿದ್ದಾನೆ. ಇದರಿಂದ ಅವರ ಕಣ್ಣು ಉರಿಯಲಾರಂಭಿಸಿದೆ. ಇದೇ ಸಮಯವನ್ನು ಬಳಸಿಕೊಂಡ ಆತ ಆಕೆಯ ಕುತ್ತಿಗೆಯಲ್ಲಿದ್ದ ಸರವನ್ನು ಕಸಿದು ಓಡಿ ಹೋಗಿದ್ದಾನೆ. ನಂತರ ಆಕೆ ಅಡುಗೆ ಮನೆಗೆ ತೆರಳಿ ಕಣ್ಣಿಗೆ ನೀರು ಹಾಕಿಕೊಂಡು ಹೊರಗೆ ಬಂದಿದ್ದಾರೆ. ಅಷ್ಟರಲ್ಲಿ ಖದೀಮ ಪರಾರಿಯಾಗಿದ್ದಾನೆ. ಈ ಸಂಬಂಧ ಲಕ್ಷ್ಮೀಪುರಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.