మైనర్ బాలికపై లైంగిక దాడి.. పోక్సో కేసు నమోదు.. యువకుడు అరెస్ట్ ఓ మైనర్ బాలికపై లైంగిక దాడికి పాల్పడిన కేసులో నిందితుడిని అడ్డగూడూర్ పోలీసులు అరెస్ట్ చేసి రిమాండ్‌కు తరలించారు. రామన్నపేట సర్కిల్ ఇన్‌స్పెక్టర్ ఎం. రవి గురువారం విలేకరులకు ఈ వివరాలను వెల్లడించారు. పోలీసుల వివరాల ప్రకారం.. జూలై 28న మండలానికి చెందిన ఓ మహిళ తన మైనర్ కుమార్తె కనిపించడం లేదని, ఆమె అదృశ్యానికి అడ్డగూడూరు గ్రామానికి చెందిన ఎలిజాల ఉమేష్ కారణమని ఫిర్యాదు చేసింది. దీంతో అదే రోజు అడ్డగూడూరు పోలీస్ స్టేషన్‌లో కిడ్నాప్ కేసు నమోదు చేసి దర్యాప్తు ప్రారంభించారు. అదే రోజు రాత్రి సుమారు 8 గంటల సమయంలో బాలిక అడ్డగూడూరు చింతలగడ్డ సమీపంలో ఒంటరిగా వస్తుండగా కుటుంబ సభ్యులకు కనిపించింది. పోలీసులకు సమాచారం అందించారు. అనంతరం బాలికను భువనగిరిలోని భరోసా కేంద్రానికి తరలించి వాంగ్మూలం నమోదు చేశారు. బాలిక వాంగ్మూలంలో తనపై ఎలిజాల ఉమేష్ లైంగిక దాడికి పాల్పడ్డాడని వెల్లడించడంతో, పోలీసులు పోక్సో కేసుగా మార్చారు. దర్యాప్తులో భాగంగా అడ్డగూడూరు గ్రామానికి చెందిన నిందితుడు ఎలిజాల ఉమేష్ (24) డ్రైవర్‌ను రామన్నపేట సర్కిల్ ఇన్‌స్పెక్టర్ ఎం. రవి ఆధ్వర్యంలో గురువారం అరెస్ట్ చేసి కోర్టులో హాజరుపరచగా, న్యాయస్థానం రిమాండ్ విధించింది. ప్రాథమిక దర్యాప్తులో నిందితుడు బాలిక 8వ తరగతి చదువుతున్నప్పటి నుంచి ప్రేమ పేరుతో, పెళ్లి చేసుకుంటానని నమ్మించి ఆమెపై లైంగికదాడి చేసినట్లు విచారణలో వెల్లడైనట్లు సీఐ ఎం. రవి తెలిపారు. ప్రస్తుతం బాధిత బాలిక ఇంటర్మీడియట్ మొదటి సంవత్సరం చదువును మధ్యలో నిలిపివేసి ఇంటి వద్దే ఉంటున్నట్లు పేర్కొన్నారు.ఈ కేసులో తదుపరి దర్యాప్తు కొనసాగుతోందని సీఐ ఎం. రవి తెలిపారు. వెంట ఎస్ఐ వెంకటరెడ్డి ఉన్నారు.

శ్రీనివాసులు

Local News Reporter మోత్కూర్, యాదాద్రి భువనగిరి, తెలంగాణ•

20 hrs ago

మైనర్ బాలికపై లైంగిక దాడి.. పోక్సో కేసు నమోదు.. యువకుడు అరెస్ట్ ఓ మైనర్ బాలికపై లైంగిక దాడికి పాల్పడిన కేసులో నిందితుడిని అడ్డగూడూర్ పోలీసులు అరెస్ట్ చేసి రిమాండ్‌కు తరలించారు. రామన్నపేట సర్కిల్ ఇన్‌స్పెక్టర్ ఎం. రవి గురువారం విలేకరులకు ఈ వివరాలను వెల్లడించారు. పోలీసుల వివరాల ప్రకారం.. జూలై 28న మండలానికి చెందిన ఓ మహిళ తన మైనర్ కుమార్తె కనిపించడం లేదని, ఆమె అదృశ్యానికి అడ్డగూడూరు గ్రామానికి చెందిన ఎలిజాల ఉమేష్ కారణమని ఫిర్యాదు చేసింది. దీంతో అదే రోజు అడ్డగూడూరు పోలీస్ స్టేషన్‌లో కిడ్నాప్ కేసు నమోదు చేసి దర్యాప్తు ప్రారంభించారు. అదే రోజు రాత్రి సుమారు 8 గంటల సమయంలో బాలిక అడ్డగూడూరు చింతలగడ్డ సమీపంలో ఒంటరిగా వస్తుండగా కుటుంబ సభ్యులకు కనిపించింది. పోలీసులకు సమాచారం అందించారు. అనంతరం బాలికను భువనగిరిలోని భరోసా కేంద్రానికి తరలించి వాంగ్మూలం నమోదు చేశారు. బాలిక వాంగ్మూలంలో తనపై ఎలిజాల ఉమేష్ లైంగిక దాడికి పాల్పడ్డాడని వెల్లడించడంతో, పోలీసులు పోక్సో కేసుగా మార్చారు. దర్యాప్తులో భాగంగా అడ్డగూడూరు గ్రామానికి చెందిన నిందితుడు ఎలిజాల ఉమేష్ (24) డ్రైవర్‌ను రామన్నపేట సర్కిల్ ఇన్‌స్పెక్టర్ ఎం. రవి ఆధ్వర్యంలో గురువారం అరెస్ట్ చేసి కోర్టులో హాజరుపరచగా, న్యాయస్థానం రిమాండ్ విధించింది. ప్రాథమిక దర్యాప్తులో నిందితుడు బాలిక 8వ తరగతి చదువుతున్నప్పటి నుంచి ప్రేమ పేరుతో, పెళ్లి చేసుకుంటానని నమ్మించి ఆమెపై లైంగికదాడి చేసినట్లు విచారణలో వెల్లడైనట్లు సీఐ ఎం. రవి తెలిపారు. ప్రస్తుతం బాధిత బాలిక ఇంటర్మీడియట్ మొదటి సంవత్సరం చదువును మధ్యలో నిలిపివేసి ఇంటి వద్దే ఉంటున్నట్లు పేర్కొన్నారు.ఈ కేసులో తదుపరి దర్యాప్తు కొనసాగుతోందని సీఐ ఎం. రవి తెలిపారు. వెంట ఎస్ఐ వెంకటరెడ్డి ఉన్నారు.