नांदेड स्थानिक प्राधिकारी मतदारसंघाच्या महाराष्ट्र विधान परिषदेच्या निवडणुकीत भारतीय जनता पार्टीचे उमेदवार अमरनाथ राजूरकर यांनी 339 मताधिक्य मिळवून विजय संपादन केला. निवडणूक निर्णय अधिकारी तथा जिल्हाधिकारी राहुल कर्डिले यांनी त्यांना विजयी घोषित करून प्रमाणपत्र प्रदान केले. या निवडणुकीसाठी भाजपचे अमरनाथ राजूरकर, अपक्ष उमेदवार कृष्णा नागेश पाटील आणि प्रशांत इंगोले असे एकूण तीन उमेदवार रिंगणात होते. जिल्ह्यातील आठ मतदान केंद्रांवर 452 पैकी 451 मतदारांनी आपला मतदानाचा हक्क बजावला होता. मतमोजणी आज जिल्हाधिकारी कार्यालय परिसरातील नियोजन भवन येथील कॅबिनेट हॉलमध्ये कडेकोट बंदोबस्तात, शांततेत आणि सुरळीतपणे पार पडली. मतमोजणीपूर्वी निवडणूक निर्णय अधिकारी राहुल कर्डिले यांनी मतमोजणी अधिकारी-कर्मचाऱ्यांना प्रक्रियेबाबत निर्देश दिले. तीन टेबलांवर झालेल्या मतमोजणीत 428 मते वैध ठरली, तर 23 मते अवैध ठरवण्यात आली. वैध मतांपैकी अमरनाथ राजूरकर यांना 339 मते मिळाली, कृष्णा नागेश पाटील यांना 84 मते, तर प्रशांत विराज इंगोले यांना 5 मते मिळाली. यावेळी निवडणूक निरीक्षक डॉ. माधवी खोडे-चवरे यांच्यासह अप्पर जिल्हाधिकारी डॉ. रत्नदीप गायकवाड, निवासी उपजिल्हाधिकारी किरण अंबेकर, उपजिल्हाधिकारी सामान्य अजय शिंदे, उपजिल्हाधिकारी निवडणूक राजकुमार माने, उपजिल्हाधिकारी (रोहयो) हनुमंत कोळेकर, उपविभागीय अधिकारी डॉ. सचिन खल्लाळ, भोकरचे उपविभागीय अधिकारी प्रविण मेगशेट्टी, देगलूरचे उपविभागीय अधिकारी अनुप पाटील, तहसिलदार संजय वारकड आणि विविध विभागांचे अधिकारी-कर्मचारी उपस्थित होते. उपजिल्हाधिकारी निवडणूक राजकुमार माने यांनी निवडणूक प्रक्रिया शांतता व सुव्यवस्थेत पार पाडण्यासाठी सहकार्य करणाऱ्या सर्वांचे आभार मानले.

राजुभाऊ गायकवाड

मी 2021 पासून पत्रकार आहे हिमायतनगर, नांदेड, महाराष्ट्र•

1 hr ago

नांदेड स्थानिक प्राधिकारी मतदारसंघाच्या महाराष्ट्र विधान परिषदेच्या निवडणुकीत भारतीय जनता पार्टीचे उमेदवार अमरनाथ राजूरकर यांनी 339 मताधिक्य मिळवून विजय संपादन केला. निवडणूक निर्णय अधिकारी तथा जिल्हाधिकारी राहुल कर्डिले यांनी त्यांना विजयी घोषित करून प्रमाणपत्र प्रदान केले. या निवडणुकीसाठी भाजपचे अमरनाथ राजूरकर, अपक्ष उमेदवार कृष्णा नागेश पाटील आणि प्रशांत इंगोले असे एकूण तीन उमेदवार रिंगणात होते. जिल्ह्यातील आठ मतदान केंद्रांवर 452 पैकी 451 मतदारांनी आपला मतदानाचा हक्क बजावला होता. मतमोजणी आज जिल्हाधिकारी कार्यालय परिसरातील नियोजन भवन येथील कॅबिनेट हॉलमध्ये कडेकोट बंदोबस्तात, शांततेत आणि सुरळीतपणे पार पडली. मतमोजणीपूर्वी निवडणूक निर्णय अधिकारी राहुल कर्डिले यांनी मतमोजणी अधिकारी-कर्मचाऱ्यांना प्रक्रियेबाबत निर्देश दिले. तीन टेबलांवर झालेल्या मतमोजणीत

428 मते वैध ठरली, तर 23 मते अवैध ठरवण्यात आली. वैध मतांपैकी अमरनाथ राजूरकर यांना 339 मते मिळाली, कृष्णा नागेश पाटील यांना 84 मते, तर प्रशांत विराज इंगोले यांना 5 मते मिळाली. यावेळी निवडणूक निरीक्षक डॉ. माधवी खोडे-चवरे यांच्यासह अप्पर जिल्हाधिकारी डॉ. रत्नदीप गायकवाड, निवासी उपजिल्हाधिकारी किरण अंबेकर, उपजिल्हाधिकारी सामान्य अजय शिंदे, उपजिल्हाधिकारी निवडणूक राजकुमार माने, उपजिल्हाधिकारी (रोहयो) हनुमंत कोळेकर, उपविभागीय अधिकारी डॉ. सचिन खल्लाळ, भोकरचे उपविभागीय अधिकारी प्रविण मेगशेट्टी, देगलूरचे उपविभागीय अधिकारी अनुप पाटील, तहसिलदार संजय वारकड आणि विविध विभागांचे अधिकारी-कर्मचारी उपस्थित होते. उपजिल्हाधिकारी निवडणूक राजकुमार माने यांनी निवडणूक प्रक्रिया शांतता व सुव्यवस्थेत पार पाडण्यासाठी सहकार्य करणाऱ्या सर्वांचे आभार मानले.