कोल्हापूर महानगरपालिकेने २७ तारखेला शहरातील तांबट कमान ते तलवार चौक परिसरात अतिक्रमणांविरोधात कडक कारवाई केली. या मोहिमेअंतर्गत अनधिकृत फेरीवाले, डिजिटल बोर्ड आणि केबिन हटवण्यात आले. ही कारवाई विभागीय कार्यालय क्र. १ (गांधी मैदान) आणि अतिक्रमण निर्मूलन पथकाने केली, ज्यामध्ये ६ अनधिकृत डिजिटल बोर्ड, ९ हातगाड्या आणि ३ केबिन जप्त करण्यात आले. विशेष म्हणजे, २४ हातगाडीधारकांनी स्वतःहून आपली अतिक्रमणे काढून घेतली. महानगरपालिकेच्या १८ मे २०२६ रोजीच्या ठराव क्र. ८३ नुसार, अतिक्रमण कारवाईदरम्यान जप्त केलेले अनधिकृत साहित्य संबंधित व्यवसायधारकांना परत न देण्याचा निर्णय घेण्यात आला आहे, त्यामुळे आज जप्त केलेले साहित्य कायमस्वरूपी जप्त करण्यात आले आहे. महापौर रुपाराणी निकम आणि आयुक्त डॉ. राजेंद्र भारुड यांच्या आदेशानुसार ही मोहीम राबविण्यात आली. अतिरिक्त आयुक्त रविकांत आडसूळ, उपआयुक्त किरणकुमार धनवाडे, सहाय्यक आयुक्त उज्वला शिंदे आणि शहर अभियंता रमेश मस्कर यांच्या मार्गदर्शनाखाली ही कारवाई पार पडली. उपशहर अभियंता महादेव फुलारी, कनिष्ठ अभियंता अनिरुद्ध कोरडे, चेतन आरमाळ, अतिक्रमण प्रमुख प्रफुल्ल कांबळे, कनिष्ठ लिपीक सजन नागलोत तसेच अतिक्रमण विभाग व विभागीय कार्यालय क्र. १ मधील कर्मचाऱ्यांनी या कारवाईत सक्रिय सहभाग घेतला. महापालिकेच्या अतिक्रमण विभागाने यापुढेही शहरातील अनधिकृत फेरीवाले, व्यवसायधारक तसेच रस्त्यांवर उभारण्यात आलेल्या अनधिकृत शेड्स व इतर अतिक्रमणांविरोधातील कारवाई अधिक तीव्र करणार असल्याचे स्पष्ट केले आहे. त्यामुळे संबंधितांनी आपली अतिक्रमणे त्वरित स्वतःहून हटवावीत, अन्यथा जप्त करण्यात आलेले साहित्य परत दिले जाणार नाही, असे आवाहन महापालिकेने केले आहे.

Journalist Ajay

करवीर, कोल्हापूर, महाराष्ट्र•

3 hrs ago

कोल्हापूर महानगरपालिकेने २७ तारखेला शहरातील तांबट कमान ते तलवार चौक परिसरात अतिक्रमणांविरोधात कडक कारवाई केली. या मोहिमेअंतर्गत अनधिकृत फेरीवाले, डिजिटल बोर्ड आणि केबिन हटवण्यात आले. ही कारवाई विभागीय कार्यालय क्र. १ (गांधी मैदान) आणि अतिक्रमण निर्मूलन पथकाने केली, ज्यामध्ये ६ अनधिकृत डिजिटल बोर्ड, ९ हातगाड्या आणि ३ केबिन जप्त करण्यात आले. विशेष म्हणजे, २४ हातगाडीधारकांनी स्वतःहून आपली अतिक्रमणे काढून घेतली. महानगरपालिकेच्या १८ मे २०२६ रोजीच्या ठराव क्र. ८३ नुसार, अतिक्रमण कारवाईदरम्यान जप्त केलेले अनधिकृत साहित्य संबंधित व्यवसायधारकांना परत न देण्याचा निर्णय घेण्यात आला आहे, त्यामुळे आज जप्त केलेले साहित्य कायमस्वरूपी जप्त करण्यात आले आहे. महापौर रुपाराणी निकम आणि आयुक्त डॉ. राजेंद्र भारुड यांच्या आदेशानुसार ही मोहीम राबविण्यात आली. अतिरिक्त आयुक्त रविकांत आडसूळ, उपआयुक्त किरणकुमार धनवाडे, सहाय्यक आयुक्त उज्वला शिंदे आणि शहर अभियंता रमेश मस्कर यांच्या मार्गदर्शनाखाली ही कारवाई पार पडली. उपशहर अभियंता महादेव फुलारी, कनिष्ठ अभियंता अनिरुद्ध कोरडे, चेतन आरमाळ, अतिक्रमण प्रमुख प्रफुल्ल कांबळे, कनिष्ठ लिपीक सजन नागलोत तसेच अतिक्रमण विभाग व विभागीय कार्यालय क्र. १ मधील कर्मचाऱ्यांनी या कारवाईत सक्रिय सहभाग घेतला. महापालिकेच्या अतिक्रमण विभागाने यापुढेही शहरातील अनधिकृत फेरीवाले, व्यवसायधारक तसेच रस्त्यांवर उभारण्यात आलेल्या अनधिकृत शेड्स व इतर अतिक्रमणांविरोधातील कारवाई अधिक तीव्र करणार असल्याचे स्पष्ट केले आहे. त्यामुळे संबंधितांनी आपली अतिक्रमणे त्वरित स्वतःहून हटवावीत, अन्यथा जप्त करण्यात आलेले साहित्य परत दिले जाणार नाही, असे आवाहन महापालिकेने केले आहे.