రాష్ట్రంలో శాంతిభద్రతలను మరింత పటిష్టం చేయడానికి, ప్రజలకు సమర్థవంతమైన సేవలను అందించడానికి పోలీస్ శాఖ సరికొత్త కార్యాచరణతో ముందుకు సాగుతోందని రాష్ట్ర డీజీపీ సీవీ ఆనంద్ వెల్లడించారు. ఈ మేరకు ఆయన శనివారం అన్ని కమీషనరేట్లు, విభాగాలు, జిల్లాల ఎస్సై మరియు అంతకంటే పైస్థాయి అధికారులతో దాదాపు రెండు గంటల పాటు సుదీర్ఘ వీడియో కాన్ఫరెన్స్ నిర్వహించారు. కరీంనగర్ నుండి సీపీ గౌష్ ఆలం కమీషనరేట్ అధికారులతో కలిసి ఈ సమీక్షా సమావేశంలో పాల్గొన్నారు. ఈ సందర్భంగా డీజీపీ మాట్లాడుతూ, సాంప్రదాయ నేరాల కంటే ప్రస్తుతం సైబర్ నేరాలు దేశవ్యాప్తంగా పెను సవాలుగా మారాయని ఆందోళన వ్యక్తం చేశారు. దేశంలో దొంగతనాలు, దోపిడీల ద్వారా ₹500 కోట్లు నష్టం వాటిల్లితే, ఒక్క సైబర్ నేరాల ద్వారానే ఏకంగా ₹15 వేల కోట్లు కొల్లగొట్టబడ్డాయని పేర్కొన్నారు. దీనిపై ప్రత్యేక దృష్టి సారించాలని ఆయన ఆదేశించారు. అలాగే మాదకద్రవ్యాల నిర్మూలనకు ప్రతీ విద్యాసంస్థలో తప్పనిసరిగా 'యాంటీ డ్రగ్ సేఫ్టీ కమిటీలు' ఏర్పాటు చేయాలని, డ్రగ్స్ దుర్వినియోగంపై ఉక్కుపాదం మోపాలని స్పష్టం చేశారు. రాష్ట్రవ్యాప్తంగా రవాణా వ్యవస్థను మెరుగుపరిచేందుకు ‘ట్రాఫిక్ మేనేజ్మెంట్ మరియు రోడ్ సేఫ్టీ బ్యూరో’తో పాటు, ఆహార కల్తీ, డ్రగ్ కంట్రోల్ కోసం ‘విజిలెన్స్ అండ్ ఎన్ఫోర్స్మెంట్’ రాష్ట్రస్థాయి కార్యాలయాన్ని ఏర్పాటు చేయనున్నట్లు డీజీపీ ప్రకటించారు. మహిళలు, పిల్లల రక్షణ, మానవ అక్రమ రవాణాపై నిరంతర నిఘా ఉంటుందని తెలిపారు. సాంకేతిక పరిజ్ఞానాన్ని అందిపుచ్చుకుంటూ డీజీపీ కార్యాలయంలో టెక్ టీం ఆఫీస్ ఏర్పాటు చేస్తున్నామని, సీసీటీఎన్ఎస్ (CCTNS) లో కేసుల డేటాను పూర్తిగా అప్లోడ్ చేయాలని ఆదేశించారు. దీనిపై టెక్నికల్ సర్వీసెస్ డీజీపీ వీ. శ్రీనివాస్ రావు మాట్లాడుతూ.. రానున్న రోజుల్లో డేటా నమోదు అత్యంత కీలకమని, ఇతర ప్రాంతాల నుండి వచ్చే ‘జీరో ఎఫ్ ఐ ఆర్’లను వెంటనే నమోదు చేయాలన్నారు. పోలీసింగ్ విధానంలో మార్పులు రావాలని, బాధితుల పట్ల ఫ్రెండ్లీ పోలీసింగ్‌ను అవలంబిస్తూనే, నేరస్థులు, సంఘవిద్రోహ శక్తుల పట్ల కఠినంగా వ్యవహరించాలని డీజీపీ సీవీ ఆనంద్ స్పష్టం చేశారు. అధికారులు నిర్లక్ష్య ధోరణి వీడి, క్రమశిక్షణతో, అంతర్గత సమన్వయంతో పనిచేయాలని పిలుపునిచ్చారు. యూనిట్ అధికారులు నాయకుడిగా ముందుండి సిబ్బందిని నడిపించాలన్నారు. ప్రజల సమస్యల పరిష్కారం కొరకు ప్రతి పనిదినాల్లో మధ్యాహ్నం 3 గంటల నుండి 5 గంటల వరకు కమీషనరేట్ కార్యాలయాల్లో అందుబాటులో ఉండి బాధితులు, కిందిస్థాయి సిబ్బంది నుండి ఫిర్యాదులు స్వీకరించాలని ఆదేశించారు. అడిషనల్ డీజీపీ (శాంతిభద్రతలు) మహేష్ భగవత్ నేరగాళ్లను పట్టుకునేందుకు ఫింగర్ ప్రింట్ స్కానర్లను విరివిగా ఉపయోగించాలని సూచించగా, సీఐడీ డీజీపీ చారు సిన్హా నెలవారీ నేర సమీక్షల డేటాను క్రోడీకరించి డీజీపీకి సమర్పిస్తామని తెలిపారు. ఐజీపీ (పర్సనల్) మాట్లాడుతూ ప్రభుత్వం త్వరలో తీసుకురాబోయే నూతన హెల్త్ స్కీమ్ కొరకు సిబ్బంది వివరాలను త్వరితగతిన నమోదు చేయాలని కోరారు. రాత్రి వేళల్లో పెట్రోలింగ్‌ను ముమ్మరం చేయడం ద్వారా నేరాలను తగ్గించవచ్చని డీజీపీ ఆనంద్ పేర్కొన్నారు. 'నేను సైతం' కార్యక్రమంలో భాగంగా ప్రజలు తమ ఇళ్లు, వ్యాపార సముదాయాల ముందు సీసీ కెమెరాలు ఏర్పాటు చేసుకునేలా అవగాహన కల్పించాలని సూచించారు. సోషల్ మీడియాలో వస్తున్న అంశాలపై అప్రమత్తంగా ఉంటూనే, పోలీసులు అందిస్తున్న సేవలను ప్రజల్లోకి తీసుకెళ్లాలన్నారు. భూవివాదాల విషయంలో ఇరువర్గాల వాదనలు విని, స్టాండర్డ్ ఆపరేటింగ్ ప్రొసీజర్ (SOP) ప్రకారం చట్టపరమైన చర్యలు తీసుకోవాలని డీజీపీ అధికారులను ఆదేశించారు.

OM NAMSHIVAYA

Karimnagar, Telangana•

2 hrs ago

రాష్ట్రంలో శాంతిభద్రతలను మరింత పటిష్టం చేయడానికి, ప్రజలకు సమర్థవంతమైన సేవలను అందించడానికి పోలీస్ శాఖ సరికొత్త కార్యాచరణతో ముందుకు సాగుతోందని రాష్ట్ర డీజీపీ సీవీ ఆనంద్ వెల్లడించారు. ఈ మేరకు ఆయన శనివారం అన్ని కమీషనరేట్లు, విభాగాలు, జిల్లాల ఎస్సై మరియు అంతకంటే పైస్థాయి అధికారులతో దాదాపు రెండు గంటల పాటు సుదీర్ఘ వీడియో కాన్ఫరెన్స్ నిర్వహించారు. కరీంనగర్ నుండి సీపీ గౌష్ ఆలం కమీషనరేట్ అధికారులతో కలిసి ఈ సమీక్షా సమావేశంలో పాల్గొన్నారు. ఈ సందర్భంగా డీజీపీ మాట్లాడుతూ, సాంప్రదాయ నేరాల కంటే ప్రస్తుతం సైబర్ నేరాలు దేశవ్యాప్తంగా పెను సవాలుగా మారాయని ఆందోళన వ్యక్తం చేశారు. దేశంలో దొంగతనాలు, దోపిడీల ద్వారా ₹500 కోట్లు నష్టం వాటిల్లితే, ఒక్క సైబర్ నేరాల ద్వారానే ఏకంగా ₹15 వేల కోట్లు కొల్లగొట్టబడ్డాయని

పేర్కొన్నారు. దీనిపై ప్రత్యేక దృష్టి సారించాలని ఆయన ఆదేశించారు. అలాగే మాదకద్రవ్యాల నిర్మూలనకు ప్రతీ విద్యాసంస్థలో తప్పనిసరిగా 'యాంటీ డ్రగ్ సేఫ్టీ కమిటీలు' ఏర్పాటు చేయాలని, డ్రగ్స్ దుర్వినియోగంపై ఉక్కుపాదం మోపాలని స్పష్టం చేశారు. రాష్ట్రవ్యాప్తంగా రవాణా వ్యవస్థను మెరుగుపరిచేందుకు ‘ట్రాఫిక్ మేనేజ్మెంట్ మరియు రోడ్ సేఫ్టీ బ్యూరో’తో పాటు, ఆహార కల్తీ, డ్రగ్ కంట్రోల్ కోసం ‘విజిలెన్స్ అండ్ ఎన్ఫోర్స్మెంట్’ రాష్ట్రస్థాయి కార్యాలయాన్ని ఏర్పాటు చేయనున్నట్లు డీజీపీ ప్రకటించారు. మహిళలు, పిల్లల రక్షణ, మానవ అక్రమ రవాణాపై నిరంతర నిఘా ఉంటుందని తెలిపారు. సాంకేతిక పరిజ్ఞానాన్ని అందిపుచ్చుకుంటూ డీజీపీ కార్యాలయంలో టెక్ టీం ఆఫీస్ ఏర్పాటు చేస్తున్నామని, సీసీటీఎన్ఎస్ (CCTNS) లో కేసుల డేటాను పూర్తిగా అప్లోడ్ చేయాలని ఆదేశించారు. దీనిపై టెక్నికల్ సర్వీసెస్ డీజీపీ వీ. శ్రీనివాస్ రావు మాట్లాడుతూ..

రానున్న రోజుల్లో డేటా నమోదు అత్యంత కీలకమని, ఇతర ప్రాంతాల నుండి వచ్చే ‘జీరో ఎఫ్ ఐ ఆర్’లను వెంటనే నమోదు చేయాలన్నారు. పోలీసింగ్ విధానంలో మార్పులు రావాలని, బాధితుల పట్ల ఫ్రెండ్లీ పోలీసింగ్‌ను అవలంబిస్తూనే, నేరస్థులు, సంఘవిద్రోహ శక్తుల పట్ల కఠినంగా వ్యవహరించాలని డీజీపీ సీవీ ఆనంద్ స్పష్టం చేశారు. అధికారులు నిర్లక్ష్య ధోరణి వీడి, క్రమశిక్షణతో, అంతర్గత సమన్వయంతో పనిచేయాలని పిలుపునిచ్చారు. యూనిట్ అధికారులు నాయకుడిగా ముందుండి సిబ్బందిని నడిపించాలన్నారు. ప్రజల సమస్యల పరిష్కారం కొరకు ప్రతి పనిదినాల్లో మధ్యాహ్నం 3 గంటల నుండి 5 గంటల వరకు కమీషనరేట్ కార్యాలయాల్లో అందుబాటులో ఉండి బాధితులు, కిందిస్థాయి సిబ్బంది నుండి ఫిర్యాదులు స్వీకరించాలని ఆదేశించారు. అడిషనల్ డీజీపీ (శాంతిభద్రతలు) మహేష్ భగవత్ నేరగాళ్లను పట్టుకునేందుకు ఫింగర్ ప్రింట్ స్కానర్లను విరివిగా

ఉపయోగించాలని సూచించగా, సీఐడీ డీజీపీ చారు సిన్హా నెలవారీ నేర సమీక్షల డేటాను క్రోడీకరించి డీజీపీకి సమర్పిస్తామని తెలిపారు. ఐజీపీ (పర్సనల్) మాట్లాడుతూ ప్రభుత్వం త్వరలో తీసుకురాబోయే నూతన హెల్త్ స్కీమ్ కొరకు సిబ్బంది వివరాలను త్వరితగతిన నమోదు చేయాలని కోరారు. రాత్రి వేళల్లో పెట్రోలింగ్‌ను ముమ్మరం చేయడం ద్వారా నేరాలను తగ్గించవచ్చని డీజీపీ ఆనంద్ పేర్కొన్నారు. 'నేను సైతం' కార్యక్రమంలో భాగంగా ప్రజలు తమ ఇళ్లు, వ్యాపార సముదాయాల ముందు సీసీ కెమెరాలు ఏర్పాటు చేసుకునేలా అవగాహన కల్పించాలని సూచించారు. సోషల్ మీడియాలో వస్తున్న అంశాలపై అప్రమత్తంగా ఉంటూనే, పోలీసులు అందిస్తున్న సేవలను ప్రజల్లోకి తీసుకెళ్లాలన్నారు. భూవివాదాల విషయంలో ఇరువర్గాల వాదనలు విని, స్టాండర్డ్ ఆపరేటింగ్ ప్రొసీజర్ (SOP) ప్రకారం చట్టపరమైన చర్యలు తీసుకోవాలని డీజీపీ అధికారులను ఆదేశించారు.