दोंडाईचा शहर आणि ग्रामीण भागातील विद्यार्थ्यांसाठी अत्यंत आवश्यक असलेली राज्य परिवहन महामंडळाची बस सेवा गेल्या काही महिन्यांपासून विस्कळीत झाल्यामुळे विद्यार्थ्यांच्या शिक्षणावर गंभीर परिणाम होत आहे. यामुळे संतप्त विद्यार्थी आणि पालकांनी बस सेवा तात्काळ पूर्ववत सुरू करण्याची जोरदार मागणी केली आहे. त्यांनी भाजपाचे जिल्हा उपाध्यक्ष प्रवीण महाजन, शहराध्यक्ष जितेंद्र गिरासे आणि इतर पदाधिकाऱ्यांकडे ही मागणी केली. ग्रामीण भागातील शेकडो विद्यार्थी दोंडाईचा शहरातील शाळा-महाविद्यालयांमध्ये शिक्षणासाठी दररोज एसटी बसवर अवलंबून असतात. मात्र, गेल्या वर्षभरात अनेक मार्गांवरील बस सेवा बंद झाल्या आहेत आणि काही बस शाळा-महाविद्यालयांच्या वेळांशी विसंगत वेळेत चालवल्या जात आहेत. यामुळे विद्यार्थ्यांना मोठ्या अडचणींचा सामना करावा लागत आहे. विशेषतः सोनशेलू, मेथी, वरझडी, देगाव, लोहगाव, कोळदे, कर्ले, रामी, खोकराळे या गावातील विद्यार्थ्यांची मोठी गैरसोय होत आहे. अनेकांना वेळेत शाळेत पोहोचणे शक्य होत नाही, तर काही विद्यार्थ्यांना प्रवासाच्या सोयीअभावी शिक्षण सोडावे लागण्याची वेळ आली आहे, जी अत्यंत चिंताजनक बाब आहे. या पार्श्वभूमीवर संतप्त विद्यार्थी, पालक आणि नागरिकांनी राज्य परिवहन महामंडळाच्या दोंडाईचा आगार व्यवस्थापनाकडे निवेदन दिले. त्यांनी सर्व मार्गांवरील बस सेवा तात्काळ पूर्ववत सुरू करण्याची आणि विद्यार्थ्यांच्या शैक्षणिक वेळेनुसार बसचे वेळापत्रक निश्चित करण्याची मागणी केली. हे निवेदन भाजपाचे जिल्हा उपाध्यक्ष प्रवीण महाजन, शहराध्यक्ष जितेंद्र गिरासे, बांधकाम सभापती मुकेश देवरे, नगरसेवक कृष्णा नगराळे, जितेंद्र डी. गिरासे, संजोग रामोळे, संजय तावडे यांच्यासह इतर पदाधिकाऱ्यांनी दोंडाईचा आगार व्यवस्थापक मिलिंद परदेसी यांना दिले. या निवेदनाच्या प्रती महाराष्ट्र राज्याचे पणन व राजशिष्टाचार मंत्री जयकुमार भाऊ रावल आणि विभाग नियंत्रक, महाराष्ट्र राज्य परिवहन महामंडळ, धुळे विभाग यांनाही पाठवण्यात आल्या. प्रशासनाने या गंभीर प्रश्नाकडे तात्काळ लक्ष न दिल्यास आगामी काळात तीव्र आंदोलन छेडण्याचा इशाराही संबंधितांनी दिला आहे. विद्यार्थ्यांच्या भवितव्याशी निगडित या प्रश्नावर प्रशासनाने तातडीने निर्णय घेणे आवश्यक असल्याची भावना व्यक्त होत आहे.

दोंडाईचा एक्सप्रेस,संजय कोळी द

Voice of people सिंदखेडा, धुळे, महाराष्ट्र•

13 hrs ago

दोंडाईचा शहर आणि ग्रामीण भागातील विद्यार्थ्यांसाठी अत्यंत आवश्यक असलेली राज्य परिवहन महामंडळाची बस सेवा गेल्या काही महिन्यांपासून विस्कळीत झाल्यामुळे विद्यार्थ्यांच्या शिक्षणावर गंभीर परिणाम होत आहे. यामुळे संतप्त विद्यार्थी आणि पालकांनी बस सेवा तात्काळ पूर्ववत सुरू करण्याची जोरदार मागणी केली आहे. त्यांनी भाजपाचे जिल्हा उपाध्यक्ष प्रवीण महाजन, शहराध्यक्ष जितेंद्र गिरासे आणि इतर पदाधिकाऱ्यांकडे ही मागणी केली. ग्रामीण भागातील शेकडो विद्यार्थी दोंडाईचा शहरातील शाळा-महाविद्यालयांमध्ये शिक्षणासाठी दररोज एसटी बसवर अवलंबून असतात. मात्र, गेल्या वर्षभरात अनेक मार्गांवरील बस सेवा बंद झाल्या आहेत आणि काही बस शाळा-महाविद्यालयांच्या वेळांशी विसंगत वेळेत चालवल्या जात आहेत. यामुळे विद्यार्थ्यांना मोठ्या अडचणींचा सामना करावा लागत आहे. विशेषतः सोनशेलू, मेथी, वरझडी, देगाव, लोहगाव, कोळदे, कर्ले, रामी, खोकराळे या गावातील विद्यार्थ्यांची मोठी गैरसोय होत आहे. अनेकांना वेळेत शाळेत पोहोचणे शक्य होत नाही, तर काही विद्यार्थ्यांना प्रवासाच्या सोयीअभावी शिक्षण सोडावे लागण्याची वेळ आली आहे, जी अत्यंत चिंताजनक बाब आहे. या पार्श्वभूमीवर संतप्त विद्यार्थी, पालक आणि नागरिकांनी राज्य परिवहन महामंडळाच्या दोंडाईचा आगार व्यवस्थापनाकडे निवेदन दिले. त्यांनी सर्व मार्गांवरील बस सेवा तात्काळ पूर्ववत सुरू करण्याची आणि विद्यार्थ्यांच्या शैक्षणिक वेळेनुसार बसचे वेळापत्रक निश्चित करण्याची मागणी केली. हे निवेदन भाजपाचे जिल्हा उपाध्यक्ष प्रवीण महाजन, शहराध्यक्ष जितेंद्र गिरासे, बांधकाम सभापती मुकेश देवरे, नगरसेवक कृष्णा नगराळे, जितेंद्र डी. गिरासे, संजोग रामोळे, संजय तावडे यांच्यासह इतर पदाधिकाऱ्यांनी दोंडाईचा आगार व्यवस्थापक मिलिंद परदेसी यांना दिले. या निवेदनाच्या प्रती महाराष्ट्र राज्याचे पणन व राजशिष्टाचार मंत्री जयकुमार भाऊ रावल आणि विभाग नियंत्रक, महाराष्ट्र राज्य परिवहन महामंडळ, धुळे विभाग यांनाही पाठवण्यात आल्या. प्रशासनाने या गंभीर प्रश्नाकडे तात्काळ लक्ष न दिल्यास आगामी काळात तीव्र आंदोलन छेडण्याचा इशाराही संबंधितांनी दिला आहे. विद्यार्थ्यांच्या भवितव्याशी निगडित या प्रश्नावर प्रशासनाने तातडीने निर्णय घेणे आवश्यक असल्याची भावना व्यक्त होत आहे.