नाशिक जिल्ह्यातील उंबरठाण येथे हुतात्मा लक्ष्मण बागुल यांच्या स्मृतिदिनानिमित्त एका जाहीर सभेचे आयोजन करण्यात आले.

दिंडोरी तालुक्यातील वनी येथील संस्कृती नगरमधील अष्टविनायक कॉलनीतील एका मोकळ्या जागेत विषारी सर्प आढळून आला. याची माहिती सर्पमित्र भगवान पवार यांना भ्रमणध्वनीद्वारे मिळाल्यानंतर, त्यांनी तात्काळ घटनास्थळी धाव घेतली. भगवान पवार यांनी या सर्पाला सुरक्षितपणे पकडून त्याचे प्राण वाचवले. सर्पाला पकडल्यानंतर त्याला निसर्गाच्या सान्निध्यात सोडून देण्यात आले.

राष्ट्रवादी काँग्रेस पार्टीच्या नाशिक ग्रामीण दिंडोरी लोकसभा मतदारसंघ जिल्हाध्यक्षपदी नियुक्ती झाल्यानंतर, पक्षाचे ज्येष्ठ नेते आणि राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांचे विश्वासू सहकारी दिलीप खैरे यांनी १६ जून रोजी मुंबई येथे पक्षाच्या राष्ट्रीय अध्यक्षा तथा महाराष्ट्राच्या उपमुख्यमंत्री सुनेत्राताई पवार आणि खासदार पार्थ पवार यांची सदिच्छा भेट घेतली. यावेळी आमदार पंकज भुजबळ यांच्यासह जिल्ह्यातील प्रमुख पदाधिकारी उपस्थित होते. मुंबई येथील पक्ष कार्यालयात, जिल्हाध्यक्ष दिलीप खैरे यांनी स्व. अजितदादा पवार यांच्या प्रतिमेस पुष्प अर्पण करून विनम्र अभिवादन केले. या भेटीदरम्यान, खैरे यांनी प्रदेशाध्यक्ष सुनील तटकरे, मंत्री छगन भुजबळ, मंत्री नरहरी झिरवाळ, खासदार पार्थ पवार, आमदार पंकज भुजबळ, आमदार हिरामण खोसकर, तसेच माजी खासदार समीर भुजबळ यांचीही भेट घेऊन त्यांचा सन्मान केला. पक्ष संघटनेतील त्यांचे दीर्घकालीन योगदान, कार्यकर्त्यांशी असलेला सातत्यपूर्ण संपर्क आणि पक्षवाढीसाठी केलेल्या उल्लेखनीय कार्याची दखल घेत पक्ष नेतृत्वाने त्यांच्यावर दिंडोरी लोकसभा मतदारसंघाच्या जिल्हाध्यक्षपदाची ही महत्त्वपूर्ण जबाबदारी सोपविली आहे. नियुक्तीपत्र स्वीकारल्यानंतर, दिलीप खैरे यांनी राष्ट्रीय अध्यक्षा सुनेत्राताई पवार यांचा शाल आणि पुष्पगुच्छ देऊन सन्मान केला. यावेळी त्यांनी पक्ष संघटना अधिक मजबूत करण्यासाठी आणि दिंडोरी लोकसभा मतदारसंघातील प्रत्येक गावापर्यंत राष्ट्रवादी काँग्रेस पार्टीची विचारधारा व विकासाचा अजेंडा पोहोचविण्यासाठी कटिबद्ध राहणार असल्याची ग्वाही दिली. उपमुख्यमंत्री सुनेत्राताई पवार यांनीही खैरे यांना नवीन जबाबदारीसाठी शुभेच्छा देत संघटनात्मक बळकटीसाठी अधिक जोमाने काम करण्याचे आवाहन केले. आगामी काळात पक्षाची ताकद वाढविणे, नवीन कार्यकर्त्यांना संधी देणे आणि सर्व घटकांना सोबत घेऊन संघटन विस्तार करण्याबाबत यावेळी सकारात्मक चर्चा झाली. या प्रसंगी नाशिक, येवला तसेच जिल्ह्यातील राष्ट्रवादी काँग्रेस पार्टीचे अनेक प्रमुख पदाधिकारी, कार्यकर्ते आणि भुजबळ समर्थक मोठ्या संख्येने उपस्थित होते. यात आमदार पंकज भुजबळ, प्रदेश पदाधिकारी बाळासाहेब कर्डक, येवला विधानसभा अध्यक्ष वसंत पवार, महिला शहराध्यक्षा योगिता आहेर, युवक शहराध्यक्ष अंबादास खैरे, डॉ. योगेश गोसावी, संतोष डोमे, युवक जिल्हाध्यक्ष योगेश निसाळ यांच्यासह अनेक प्रमुख पदाधिकारी व कार्यकर्त्यांचा समावेश होता. उपस्थित मान्यवरांनी दिलीप खैरे यांचे अभिनंदन करत त्यांच्या नेतृत्वाखाली दिंडोरी लोकसभा मतदारसंघात पक्ष संघटना अधिक सक्षम आणि प्रभावी होईल, असा विश्वास व्यक्त केला. खैरे यांच्या नियुक्तीमुळे दिंडोरी लोकसभा मतदारसंघातील राष्ट्रवादी काँग्रेस पार्टीच्या संघटनात्मक कार्याला नवीन दिशा व गती मिळणार असल्याची भावना यावेळी उपस्थित पदाधिकारी आणि कार्यकर्त्यांनी व्यक्त केली.

नाशिकमधील वडळागाव परिसरातील गणेश नगरमधील जॉगिंग ट्रॅकजवळची पाण्याची पाइपलाइन काही दिवसांपासून फुटली आहे. या पाइप लिकेजवर अद्याप कोणतीही कारवाई करण्यात आलेली नाही.

वैजापूर तहसीलदार यांच्या दालनात एका महिला शेतकऱ्याने आक्रमक भूमिका घेतल्याने गोंधळ निर्माण झाला. संबंधित अधिकाऱ्याने महिला शेतकऱ्याला व्हिडिओ काढण्यास मनाई केली आणि तिचा मोबाईल हिसकावून घेण्याचा प्रयत्न केला. या प्रकारामुळे महिला शेतकरी संतप्त होऊन आक्रमक झाल्या, ज्यामुळे कार्यालयात राडा झाला. या घटनेचा व्हिडिओ सध्या व्हायरल होत आहे.

mnbvghfdsazxrt6uijhbvgfrewsadxcghjiokmnbvcfdrewszxcvbh

Post by AA Media Services

नाशिक शहरात गोदावरी नदीच्या किनारी एका काळ्या रंगाच्या सुटकेसमध्ये अज्ञात महिलेचा मृतदेह आढळल्याने मोठी खळबळ उडाली आहे. परिसरातून दुर्गंधी येत असल्याने सफाई कर्मचाऱ्याला संशय आला, त्यांनी तात्काळ पोलिसांना याबद्दल माहिती दिली. या घटनेची माहिती मिळताच आडगाव पोलीस आणि फॉरेन्सिक पथक घटनास्थळी दाखल झाले. प्राथमिक अंदाजानुसार, हा मृतदेह चार ते पाच दिवसांपूर्वीचा असावा अशी शक्यता वर्तवण्यात येत आहे. पोलिसांनी मृत महिलेची ओळख पटविण्याचे प्रयत्न सुरू केले असून, हा घातपाताचा प्रकार असण्याची शक्यता व्यक्त केली जात आहे. मृत्यूचे नेमके कारण शवविच्छेदन आणि फॉरेन्सिक अहवालानंतरच स्पष्ट होईल, असे सांगण्यात आले असून, पोलीस या प्रकरणी सखोल तपास करत आहेत.

अनेक वर्षांपासूनची प्रतीक्षा संपणार असून, मनमाड-इंदूर रेल्वेमार्गाच्या कामाला आता वेग मिळाला आहे. या महत्त्वपूर्ण प्रकल्पामुळे धुळे जिल्ह्याच्या विकासाला एक नवी गती मिळणार आहे.