पोलीस महासंचालकांच्या आदेशानुसार संपूर्ण महाराष्ट्रात राबवण्यात आलेल्या 'ऑपरेशन शोध मोहीम ४' अंतर्गत देवळी पोलिसांनी बेपत्ता व अपहरण प्रकरणांमध्ये मोठा शोध लावण्यात यश मिळवले आहे. ८ जून ते २२ जून २०२६ या कालावधीसाठी ही मोहीम सुरू करण्यात आली होती. या मोहिमेअंतर्गत देवळी पोलिसांनी आपल्या कार्यक्षेत्रातील दाखल असलेल्या सर्व मिसिंग आणि अपहरण गुन्ह्यांचा आढावा घेतला. देवळी पोलिसांनी १९ जून २०२६ पर्यंत मिसिंग क्रमांक १७/२६, २०/२६, २७/२६, ३१/२६ मधील चार बेपत्ता मुलींचा शोध लावला. त्याचप्रमाणे मिसिंग क्रमांक २६/२६ आणि २८/२६ मधील अपहरण झालेल्या दोन मुलांचाही त्यांनी कौशल्याने शोध घेतला. अशा प्रकारे, पाच मुली आणि दोन मुले मिळून एकूण सात प्रकरणांचा शोध घेऊन, कायदेशीर कारवाई पूर्ण करत त्यांना त्यांच्या पालकांच्या ताब्यात देण्यात आले. याव्यतिरिक्त, देवळी पोलीस स्टेशन येथील २२८/२६ कलम १३७(२) मधील १८ वर्षांखालील एका पीडित मुलीचा शोध घेण्यात आला आणि त्यातील आरोपीला ताब्यात घेऊन पुढील कायदेशीर कारवाई करण्यात आली. पीडितेला कायदेशीर प्रक्रिया पूर्ण करून तिच्या पालकांच्या ताब्यात देण्यात आले. तसेच, नांदगाव खंडेश्वर पोलीस स्टेशन, जिल्हा अमरावती येथील अपराध क्रमांक ५/२०२६ मधील पीडित मुलीचा शोध घेऊन आरोपीसह तिला ताब्यात घेऊन नांदगाव खंडेश्वर पोलीस स्टेशनच्या स्वाधीन करण्यात आले. 'ऑपरेशन शोध ४' या मोहिमेदरम्यान देवळी पोलिसांनी कौशल्याचा वापर करून एकूण सात मुली आणि दोन मुलांचा (एकूण नऊ व्यक्ती) शोध लावला. उर्वरित प्रकरणांचा तपास लवकरच पूर्ण करून कायदेशीर कारवाई करण्यात येणार असल्याची माहिती ठाणेदार संदीप कापडे यांनी दिली. पोलीस अधीक्षक सौरभ अग्रवाल, अपर पोलीस अधीक्षक सदाशिव वाघमारे आणि उपविभागीय पोलीस अधिकारी वंदना खारखेडे यांच्या मार्गदर्शनाखाली ठाणेदार संदीप कापडे, पोलीस उपनिरीक्षक अश्विन गजभिये, पोलीस उपनिरीक्षक शिवराज जाधव, पोलीस कर्मचारी सतीश दरवरे, दुर्गेश बानदे आणि इतर पोलीस कर्मचाऱ्यांनी ही यशस्वी कारवाई केली.

राजेंद्र वामनराव खंडारे

आष्टी, वर्धा, महाराष्ट्र•

12 hrs ago

पोलीस महासंचालकांच्या आदेशानुसार संपूर्ण महाराष्ट्रात राबवण्यात आलेल्या 'ऑपरेशन शोध मोहीम ४' अंतर्गत देवळी पोलिसांनी बेपत्ता व अपहरण प्रकरणांमध्ये मोठा शोध लावण्यात यश मिळवले आहे. ८ जून ते २२ जून २०२६ या कालावधीसाठी ही मोहीम सुरू करण्यात आली होती. या मोहिमेअंतर्गत देवळी पोलिसांनी आपल्या कार्यक्षेत्रातील दाखल असलेल्या सर्व मिसिंग आणि अपहरण गुन्ह्यांचा आढावा घेतला. देवळी पोलिसांनी १९ जून २०२६ पर्यंत मिसिंग क्रमांक १७/२६, २०/२६, २७/२६, ३१/२६ मधील चार बेपत्ता मुलींचा शोध लावला. त्याचप्रमाणे मिसिंग क्रमांक २६/२६ आणि २८/२६ मधील अपहरण झालेल्या दोन मुलांचाही त्यांनी कौशल्याने शोध घेतला. अशा प्रकारे, पाच मुली आणि दोन मुले मिळून एकूण सात प्रकरणांचा शोध घेऊन, कायदेशीर कारवाई पूर्ण करत त्यांना त्यांच्या पालकांच्या ताब्यात देण्यात आले. याव्यतिरिक्त, देवळी पोलीस स्टेशन येथील २२८/२६ कलम १३७(२) मधील १८ वर्षांखालील एका पीडित मुलीचा शोध घेण्यात आला आणि त्यातील आरोपीला ताब्यात घेऊन पुढील कायदेशीर कारवाई करण्यात आली. पीडितेला कायदेशीर प्रक्रिया पूर्ण करून तिच्या पालकांच्या ताब्यात देण्यात आले. तसेच, नांदगाव खंडेश्वर पोलीस स्टेशन, जिल्हा अमरावती येथील अपराध क्रमांक ५/२०२६ मधील पीडित मुलीचा शोध घेऊन आरोपीसह तिला ताब्यात घेऊन नांदगाव खंडेश्वर पोलीस स्टेशनच्या स्वाधीन करण्यात आले. 'ऑपरेशन शोध ४' या मोहिमेदरम्यान देवळी पोलिसांनी कौशल्याचा वापर करून एकूण सात मुली आणि दोन मुलांचा (एकूण नऊ व्यक्ती) शोध लावला. उर्वरित प्रकरणांचा तपास लवकरच पूर्ण करून कायदेशीर कारवाई करण्यात येणार असल्याची माहिती ठाणेदार संदीप कापडे यांनी दिली. पोलीस अधीक्षक सौरभ अग्रवाल, अपर पोलीस अधीक्षक सदाशिव वाघमारे आणि उपविभागीय पोलीस अधिकारी वंदना खारखेडे यांच्या मार्गदर्शनाखाली ठाणेदार संदीप कापडे, पोलीस उपनिरीक्षक अश्विन गजभिये, पोलीस उपनिरीक्षक शिवराज जाधव, पोलीस कर्मचारी सतीश दरवरे, दुर्गेश बानदे आणि इतर पोलीस कर्मचाऱ्यांनी ही यशस्वी कारवाई केली.