जिंतूर तालुक्यातील घेवडा येथील जिल्हा परिषद प्राथमिक शाळेत शिक्षण व्यवस्थेतील गंभीर हलगर्जीपणा समोर आला आहे. गुरुवारी शाळेतील दोन्ही शिक्षक वेळेवर उपस्थित नसल्याने इयत्ता पहिली ते पाचवीपर्यंतच्या ५२ विद्यार्थ्यांना तब्बल दोन तास शाळेबाहेरच थांबावे लागले. शाळेला कुलूप असल्याने विद्यार्थ्यांचा शैक्षणिक वेळ वाया गेल्याने पालक, ग्रामस्थ आणि शाळा व्यवस्थापन समितीने तीव्र नाराजी व्यक्त केली आहे. विद्यार्थी नेहमीप्रमाणे शाळेत दाखल झाले, परंतु शिक्षक न आल्याने त्यांना शाळेच्या आवारातच ताटकळत राहावे लागले. अखेर शाळा व्यवस्थापन समितीचे अध्यक्ष कृष्णा जाधव यांनी शिक्षण विभागाशी संपर्क साधल्यानंतर एका शिक्षकाने शाळेत हजेरी लावली. या प्रकारामुळे ग्रामीण भागातील शिक्षणाच्या दर्जावर आणि शिक्षण विभागाच्या देखरेखीवर प्रश्नचिन्ह उपस्थित झाले आहे. विस्तार अधिकारी के. सी. घुगे यांनी दिलेल्या माहितीनुसार, एका शिक्षकाची नियुक्ती विशेष सघन पुनरिक्षण (एसआयआर) कामासाठी करण्यात आली होती, तर दुसरे शिक्षक उशिरा पोहोचले. गट शिक्षणाधिकारी मंजुश्री पल्लेवार यांनी या घटनेची सखोल चौकशी करून संबंधित शिक्षक आणि विस्तार अधिकाऱ्यांना कारणे दाखवा नोटीस बजावण्यात येणार असल्याचे स्पष्ट केले आहे. दरम्यान, शाळा व्यवस्थापन समितीचे अध्यक्ष कृष्णा जाधव यांनी दोषींवर तातडीने कठोर कारवाई करण्याची मागणी केली आहे. जर दोषींवर कारवाई झाली नाही, तर पालक आणि ग्रामस्थ लोकशाही मार्गाने तीव्र आंदोलन छेडतील, असा इशाराही त्यांनी दिला आहे.

जागर महाराष्ट्राचा न्यूज

मानवत, परभणी, महाराष्ट्र•

8 hrs ago

जिंतूर तालुक्यातील घेवडा येथील जिल्हा परिषद प्राथमिक शाळेत शिक्षण व्यवस्थेतील गंभीर हलगर्जीपणा समोर आला आहे. गुरुवारी शाळेतील दोन्ही शिक्षक वेळेवर उपस्थित नसल्याने इयत्ता पहिली ते पाचवीपर्यंतच्या ५२ विद्यार्थ्यांना तब्बल दोन तास शाळेबाहेरच थांबावे लागले. शाळेला कुलूप असल्याने विद्यार्थ्यांचा शैक्षणिक वेळ वाया गेल्याने पालक, ग्रामस्थ आणि शाळा व्यवस्थापन समितीने तीव्र नाराजी व्यक्त केली आहे. विद्यार्थी नेहमीप्रमाणे शाळेत दाखल झाले, परंतु शिक्षक न आल्याने त्यांना शाळेच्या आवारातच ताटकळत राहावे लागले. अखेर शाळा व्यवस्थापन समितीचे अध्यक्ष कृष्णा जाधव यांनी शिक्षण विभागाशी संपर्क साधल्यानंतर एका शिक्षकाने शाळेत हजेरी लावली. या प्रकारामुळे ग्रामीण भागातील शिक्षणाच्या दर्जावर आणि शिक्षण विभागाच्या देखरेखीवर प्रश्नचिन्ह उपस्थित झाले आहे. विस्तार अधिकारी के. सी. घुगे यांनी दिलेल्या माहितीनुसार, एका शिक्षकाची नियुक्ती विशेष सघन पुनरिक्षण (एसआयआर) कामासाठी करण्यात आली होती, तर दुसरे शिक्षक उशिरा पोहोचले. गट शिक्षणाधिकारी मंजुश्री पल्लेवार यांनी या घटनेची सखोल चौकशी करून संबंधित शिक्षक आणि विस्तार अधिकाऱ्यांना कारणे दाखवा नोटीस बजावण्यात येणार असल्याचे स्पष्ट केले आहे. दरम्यान, शाळा व्यवस्थापन समितीचे अध्यक्ष कृष्णा जाधव यांनी दोषींवर तातडीने कठोर कारवाई करण्याची मागणी केली आहे. जर दोषींवर कारवाई झाली नाही, तर पालक आणि ग्रामस्थ लोकशाही मार्गाने तीव्र आंदोलन छेडतील, असा इशाराही त्यांनी दिला आहे.