खेळातून व्यक्तिमत्व विकासासह स्पर्धा परीक्षेतही संधी तहसीलदार कुरखेडा. *खेळातून व्यक्तिमत्त्व विकासासह स्पर्धा परीक्षेतही संधी* *तहसीलदार शशिकांत जाधव यांचे प्रतिपादन* *श्रीराम विद्यालय कुरखेडा येथे तालुकास्तरीय क्रीडा स्पर्धेचे उत्साहात उद्घाटन* विद्यार्थ्यांच्या सर्वांगीण विकासामध्ये शिक्षणाबरोबरच क्रीडेला अनन्यसाधारण महत्त्व आहे. खेळामुळे विद्यार्थ्यांमध्ये शारीरिक तंदुरुस्ती, आत्मविश्वास, नेतृत्वगुण, शिस्त, संघभावना आणि खिलाडूवृत्ती विकसित होते. तसेच क्रीडा क्षेत्रात प्रावीण्य मिळविणाऱ्या खेळाडूंना विविध शासकीय सेवा व स्पर्धा परीक्षांमध्ये राखीव जागांचा लाभ मिळतो. त्यामुळे विद्यार्थ्यांनी अभ्यासासोबत क्रीडेकडेही गांभीर्याने पाहावे, असे प्रतिपादन कुरखेड्याचे तहसीलदार शशिकांत जाधव यांनी केले. ते क्रीडा व युवक सेवा संचालनालय महाराष्ट्र राज्य पुणे, जिल्हा क्रीडा अधिकारी कार्यालय तसेच जिल्हा क्रीडा परिषद गडचिरोली यांच्या संयुक्त विद्यमाने सन २०२६-२७ च्या तालुकास्तरीय क्रीडा स्पर्धांचे आयोजन श्रीराम विद्यालय तथा उच्च माध्यमिक विद्यालय, कुरखेडा येथे करण्यात आले. यावेळी हॉकीचे जादूगार मेजर ध्यानचंद यांच्या प्रतिमेचे पूजन करून स्पर्धेचे उद्घाटन करण्यात आले. कार्यक्रमाच्या अध्यक्षस्थानी तहसीलदार शशिकांत जाधव होते. गटशिक्षणाधिकारी राम गुंजाळ यांच्या हस्ते उद्घाटन करण्यात आले. यावेळी विशेष अतिथी म्हणून संस्था कोषाध्यक्ष तथा शाळा समिती अध्यक्ष वामनराव फाये, तर प्रमुख अतिथी म्हणून नायब तहसीलदार वैभव आंबेकर, शिक्षण विस्तार अधिकारी कोकोडे, श्रीराम विद्यालयाचे प्राचार्य नागेश्वर फाये, संस्कार पब्लिक स्कूलचे प्राचार्य देवेंद्र फाये, विकास विद्यालय कुरखेडा येथील क्रीडा शिक्षक पुस्तोडे सर यांची उपस्थिती होती. यावेळी मार्गदर्शन करताना तहसीलदार जाधव म्हणाले की, “खेळ हा केवळ मनोरंजनाचा प्रकार नसून विद्यार्थ्यांच्या व्यक्तिमत्त्व विकासाचे प्रभावी माध्यम आहे. मैदानावर मिळणारे यश-अपयश विद्यार्थ्यांना संघर्ष करण्याची आणि पुन्हा नव्या जोमाने उभे राहण्याची प्रेरणा देते. खेळामुळे शारीरिक व मानसिक आरोग्य उत्तम राहते. आज क्रीडा क्षेत्रात उत्तम कामगिरी करणाऱ्या खेळाडूंना शासकीय नोकरी तसेच विविध स्पर्धा परीक्षांमध्ये राखीव जागांचा लाभ मिळतो. त्यामुळे विद्यार्थ्यांनी क्रीडा क्षेत्रातही आपले भविष्य घडविण्याचा प्रयत्न करावा.” यावेळी नायब तहसीलदार वैभव आंबेकर, गटशिक्षणाधिकारी राम गुंजाळ आणि शिक्षण विस्तार अधिकारी कोकोडे यांनीही विद्यार्थ्यांना मार्गदर्शन केले. त्यांनी स्पर्धेत सहभागी होताना विजयाबरोबरच खेळाडूवृत्ती, शिस्त आणि संघभावना जपण्याचे आवाहन केले. कार्यक्रमाचे प्रास्ताविक क्रीडा संयोजक तथा प्राचार्य नागेश्वर फाये यांनी केले. सूत्रसंचालन सांस्कृतिक विभाग प्रमुख प्रा. विनोद नागपूरकर यांनी केले, तर आभार प्रदर्शन प्रा. प्रदीप पाटणकर यांनी मानले. तालुकास्तरीय क्रीडा स्पर्धांमुळे कुरखेडा तालुक्यातील विविध शाळांमधील विद्यार्थ्यांना आपले क्रीडा कौशल्य दाखविण्यासाठी व्यासपीठ उपलब्ध झाले असून, स्पर्धेच्या निमित्ताने विद्यार्थ्यांमध्ये मोठा उत्साह निर्माण झाला आहे. यावेळी मोठ्या संख्येत खेळाडू विद्यार्थी व शिक्षक व शिक्षकेतर कर्मचारी मोठ्या संख्येत उपस्थित होते.

श्यामभाऊ लांजेवार

Advertising agency कुरखेडा, गडचिरोली, महाराष्ट्र•

4 hrs ago

खेळातून व्यक्तिमत्व विकासासह स्पर्धा परीक्षेतही संधी तहसीलदार कुरखेडा. *खेळातून व्यक्तिमत्त्व विकासासह स्पर्धा परीक्षेतही संधी* *तहसीलदार शशिकांत जाधव यांचे प्रतिपादन* *श्रीराम विद्यालय कुरखेडा येथे तालुकास्तरीय क्रीडा स्पर्धेचे उत्साहात उद्घाटन* विद्यार्थ्यांच्या सर्वांगीण विकासामध्ये शिक्षणाबरोबरच क्रीडेला अनन्यसाधारण महत्त्व आहे. खेळामुळे विद्यार्थ्यांमध्ये शारीरिक तंदुरुस्ती, आत्मविश्वास, नेतृत्वगुण, शिस्त, संघभावना आणि खिलाडूवृत्ती विकसित होते. तसेच क्रीडा क्षेत्रात प्रावीण्य मिळविणाऱ्या खेळाडूंना विविध शासकीय सेवा व स्पर्धा परीक्षांमध्ये राखीव जागांचा लाभ मिळतो. त्यामुळे विद्यार्थ्यांनी अभ्यासासोबत क्रीडेकडेही गांभीर्याने पाहावे, असे प्रतिपादन कुरखेड्याचे तहसीलदार शशिकांत जाधव यांनी केले. ते क्रीडा व युवक सेवा संचालनालय महाराष्ट्र राज्य पुणे, जिल्हा क्रीडा अधिकारी कार्यालय तसेच जिल्हा क्रीडा परिषद गडचिरोली यांच्या संयुक्त विद्यमाने सन २०२६-२७ च्या तालुकास्तरीय क्रीडा स्पर्धांचे आयोजन श्रीराम विद्यालय तथा उच्च माध्यमिक विद्यालय, कुरखेडा येथे करण्यात आले. यावेळी हॉकीचे जादूगार मेजर ध्यानचंद यांच्या प्रतिमेचे पूजन करून स्पर्धेचे उद्घाटन करण्यात आले. कार्यक्रमाच्या अध्यक्षस्थानी तहसीलदार शशिकांत जाधव होते. गटशिक्षणाधिकारी राम गुंजाळ यांच्या हस्ते उद्घाटन करण्यात आले. यावेळी विशेष अतिथी म्हणून संस्था कोषाध्यक्ष तथा शाळा समिती अध्यक्ष वामनराव फाये, तर प्रमुख अतिथी म्हणून नायब तहसीलदार वैभव आंबेकर, शिक्षण विस्तार अधिकारी कोकोडे, श्रीराम विद्यालयाचे प्राचार्य नागेश्वर फाये, संस्कार पब्लिक स्कूलचे

प्राचार्य देवेंद्र फाये, विकास विद्यालय कुरखेडा येथील क्रीडा शिक्षक पुस्तोडे सर यांची उपस्थिती होती. यावेळी मार्गदर्शन करताना तहसीलदार जाधव म्हणाले की, “खेळ हा केवळ मनोरंजनाचा प्रकार नसून विद्यार्थ्यांच्या व्यक्तिमत्त्व विकासाचे प्रभावी माध्यम आहे. मैदानावर मिळणारे यश-अपयश विद्यार्थ्यांना संघर्ष करण्याची आणि पुन्हा नव्या जोमाने उभे राहण्याची प्रेरणा देते. खेळामुळे शारीरिक व मानसिक आरोग्य उत्तम राहते. आज क्रीडा क्षेत्रात उत्तम कामगिरी करणाऱ्या खेळाडूंना शासकीय नोकरी तसेच विविध स्पर्धा परीक्षांमध्ये राखीव जागांचा लाभ मिळतो. त्यामुळे विद्यार्थ्यांनी क्रीडा क्षेत्रातही आपले भविष्य घडविण्याचा प्रयत्न करावा.” यावेळी नायब तहसीलदार वैभव आंबेकर, गटशिक्षणाधिकारी राम गुंजाळ आणि शिक्षण विस्तार अधिकारी कोकोडे यांनीही विद्यार्थ्यांना मार्गदर्शन केले. त्यांनी स्पर्धेत सहभागी होताना विजयाबरोबरच खेळाडूवृत्ती, शिस्त आणि संघभावना जपण्याचे आवाहन केले. कार्यक्रमाचे प्रास्ताविक क्रीडा संयोजक तथा प्राचार्य नागेश्वर फाये यांनी केले. सूत्रसंचालन सांस्कृतिक विभाग प्रमुख प्रा. विनोद नागपूरकर यांनी केले, तर आभार प्रदर्शन प्रा. प्रदीप पाटणकर यांनी मानले. तालुकास्तरीय क्रीडा स्पर्धांमुळे कुरखेडा तालुक्यातील विविध शाळांमधील विद्यार्थ्यांना आपले क्रीडा कौशल्य दाखविण्यासाठी व्यासपीठ उपलब्ध झाले असून, स्पर्धेच्या निमित्ताने विद्यार्थ्यांमध्ये मोठा उत्साह निर्माण झाला आहे. यावेळी मोठ्या संख्येत खेळाडू विद्यार्थी व शिक्षक व शिक्षकेतर कर्मचारी मोठ्या संख्येत उपस्थित होते.